Panongpolong Sivenga ako Jon i wat i 8:45 - Mangseng

⁴⁵ Aveto lomumuo vet nge lek riong avele, eneke tho ri nge ur ako i nunganga.

Panongpolong Sivenga ako Jon i wat i 8:45 ပူးပေါင်းရင်းမြစ်များ

Panongpolong Sivenga ako Jon i wat i 18:37

Mako Pailat i nina i ve, “E, ong ini nepes, e?” Ma Jisas i olal ile riong ve, “Ong apet tho ini nepes na lom riong aken kene i nunganga, na tho velpol ake ru a ulue mo aro tho oma omaing omole inga ako aro tho panongpol nge riong nunganga. Na toko elonga ako oa sagu ur ako i nunganga, o nongal lek riong.”

Panongpolong Sivenga ako Jon i wat i 7:7

Na tokokoe areko o panes vothung ulue anga o pavurvur ako aro oni silal thomu avele, aveto oni silal tho, eneke tho ripolal or nge ole vothung kerenga.

Panongpolong Sivenga ako Jon i wat i 8:46

Na i vava, thomu o pavurvur aro o ripot lek vothung kerenga, e? Avele! Na aro ve lek riong i nunganga, i vova ako lomumuo nge tho avele, e?

Galesia 4:16

Ave ponange rongan tho ri riong nunganga a thomu nge, ave thomu o rivenga tho ini lomu ngarang.

2 Tesalonaika 2:10

Maken aro i paleklek tokokoe areko o panes rinong a sovengalo nge ile omaing engenga areken, tomo mun nge vothung kerenga pulua. Na o panes rinong a sovengalo aken, eneke oni silal nge a God ile riong nunganga, mako aro i pamimi or avele.