Panongpolong Sivenga ako Jon i wat i 8:44 - Mangseng

⁴⁴ Na thomu ini a Satan itutunre na ini omu vovo. Make thomu o sis ve aro thomu o panes vet inga ako ini ilemi. Na nomenga vet ako me, i so rin rin toko, na i pavurvur aro i ri riong nunganga avele, eneke riong nunganga i voth a i nge avele. Aken ini ile vothung vet ako ile apaltet, eneke ini toko le apaltetonga na ini vothung le apaltetonga itema.

Panongpolong Sivenga ako Jon i wat i 8:44 ပူးပေါင်းရင်းမြစ်များ

Matiu 12:34

Thomu ini pilimo kerengare. Lomu vothung i kerenga, naro thomu o pavurvur ako aro o ria riong sivenga avele, eneke ur kathnga ako toko ilemi i vual nge, kene aro i ripot i a iwo.

Matiu 13:15

Eneke toko na seng areke olemi rit nge riong nongpolnga, na otelnga ini plong ol ve aro o nongpol ol riong, ma otheki molok. Aro ve ole vothung i venen aken avele, o pavurvur ako aro o thepol ur e, na o nongpol ur e, na olemi mire nge ur e, na o eksing olemi Aken aro tho pasivenga or.’” Aisaia 6:9-10

Matiu 13:38

Na ometa kene ini ulue ake, na wit monnga sivenga kene ini toko na seng areko o ela a God ile menong e nepes. Na ngangovpotnga kene ini toko na seng areko ini a Satan ile.

Panongpolong Sivenga ako Jon i wat i 6:70

Na Jisas i ria mun or ve, “I nunganga ako tho ateal thomu toko or mule pa omole pothoi or aini ve aro thomu ini lek, aveto omu omole ini a Satan ile.”

Panongpolong Sivenga ako Jon i wat i 7:17

Aro ve toko e i sis ve aro i panes a God ilemi, aro ilemi mire nge lek pamirealing, ako i esu a God nge me, eve i espot a lemik.

Panongpolong Sivenga ako Jon i wat i 8:38

Na tho ria thomu nge ur ako Vovo i pathengal i a tho nge, aveto thomu o oma omaing ako omu vovo i ria thomu nge.”

Panongpolong Sivenga ako Jon i wat i 8:41

Na thomu o oma ranga ve ako omu vovo i oma i.” Ma o olal ile riong ve, “Na God ienga inga ako ini emem Vovo, na them ini itutun nungangare.”

Panongpolong Sivenga ako Jon i wat i 8:55

Aveto lomumu mire vet nge i avele, aveto lemik mire nge i. Na aro ve tho ri ve, lemik mire nge i avele, aro tho ini toko le apaltetonga ranga ve ini thomu. Aveto lemik mire nge i na tho panes ile riong.

Pakeke 13:10

“Wong ini a Satan itun! Wong ini ngarang nge vothung vengvenga elonga. Na vothung kerenga i vual a wong nge. Na wong kene ong ri ve wong eksing a Toko Pomnga ile Panongpolong Sivenga mo ini riong le apaltetonga.

Pakeke 24:9

Na Judare olemi otun mun i ve, ur alavusnga aken i nunganga.

Pakeke 5:3

Ma Pita i ria ve, “Ananaias, i vova ake som womo inga Satan mo i vual a opom lemi, e? Ma lom apaltet a God Ioni Riringa. Ma wong krim werer umtun epee ako ini lom ulue olonga, e?

2 Korin 11:3

Aveto tho ngeip nge toko le apaltetongare ako aro o paleklek thomu ranga ve ako nomenga Satan i paleklek a Iv nge ile riong le apaltetonga, aro vene mo thomu o panes senu ol a Krais ile riong avele, naro thomu o velpol toko riringa a Krais itheki avele.

1 Pita 5:8

Naro lomu lemi rumong aro i nine na o thealal, eneke teltunngomua a Satan i esu esa ranga ve ini laion ako i ngirikal, na i kath toko e ako aro i rereu i mo i ontetu i.

2 Pita 2:4

Na lemir mire ako God aro i paomelal areko o oma vothung kerenga, eneke i wen enselre ako o oma vothung kerenga, kene avele, aveto i asesu or a paomelalinga a pen, na i paeso or a vol a midenga, naro o theal tetal or i pavurvur nge ile nang ako aro i pamit or nge riong.

1 Jon 1:8

Na God i ri lale ve, toko alavusnga o oma vothung kerenga, na aro ve te ria ve, ler vothung kerenga e avele, aken ler apaltet sivenger, na God ile riong nunganga i voth a it nge avele.

1 Jon 2:21

Ava lomumu ve tho wat a thomu nge, eneke lomumu mire nge riong nunganga avele, aveto avele. Tho wat a thomu nge, eneke lomumu mire nge riong nunganga lale, na lomumu mire mun ako riong nunganga i pavelpol riong le apaltetonga e avele.

1 Jon 2:4

Na aro ve toko e i ri ve, “Lemik mire senu nge ur ako God i sis ve aro tho oma i.” Aveto i panes a God ile patorong alavusnga avele, toko aken ini toko le apaltetonga, na God ile riong nunganga i voth a i nge avele.

1 Jon 3:12

Na te mothong tova it ranga ve ini a Kein, ako ini a Satan ile toko, ako ini silal itein, mako i so rin i. Na i vava ako i so rin itein, e? I so rin i, eneke ini silal i, eneke isivenga ile vothung i kerenga, na itein ile vothung i vengveng.

1 Jon 3:15

Na toko e ako ini silal itein lemioonga e, aken ini toko ako i so rin toko ako a God itheki. Na lomumu mire ako ve, toko ako i so rin toko, mimiong ako aro ile vusonga avele, kene i voth a i nge avele.

Malueng ako Jut i wat i 1:6

Na e mun e ako nge ensel pelie ako God i paeso toko pelie a osa thewo, ave o voth pis nge ole menong aken avele, aveto o lo lelpot nge ole pen ako God i pamenu or nge, mako God i kino or nge sen, na i paeso or a paomelalinga a pen ako ia midingdeng. Naro o voth venen aken evelelnga i mulal nge nang pomnga ako aro o mit nge riong a God itheki.

Riong Ngopatnga 12:9

Na telenga pokin aolonga aken ini ingop nomenganga ako iion mun a Satan ako i paleklek toko alavusnga ake ru a ulue. Na o asespot i a ulue me tomo nge ile enselre.

Riong Ngopatnga 13:14

Na God isa wom i ve aro i oma pathepolong pelie a mekerem tevivinga teltelnga itheki, mako i paleklek toko alavusnga ake ru a ulue. Na i ria or ve aro o oma avala ako ini mekerem tevivinga teltelnga ia sei, mo aro i papomnga mekerem tevivinga ako o pun i nge peang ma i mimia werer.

Riong Ngopatnga 2:10

O mothong tova o ngange nge kerengaing ako i toth aro i velpoltun thomu. O nongpol! Satan aro i tongporum thomu nge ako aro o rere omu pelie mo o paeso ir a mang a midenga lemi. Naro lomu kerengaing aken aro i voth inga nge nang mule pa omole. Aro lomu lemioong i voth engeng mola i pavurvur nge lomu rinong, maken aro tho olal i a thomu nge, nge mimiong ako aro ile vusonga avele.

Riong Ngopatnga 21:8

Aveto areko o lol nge ole lemioong, eve o lel okime nge a Jisas, na areko o oma vothung kerenga rintetnga, na areko o so rin toko, na areko o ngo tomo nge areko or ini oewoere avele, na areko o nong tungtang, na areko o lotual avalare tomo mun nge toko le apaltetongare, kene ole pen ako ini pen ako won sesenga tomo nge uk ako ini misep anga o anlilel nge ako ini rinong aininga.”

Riong Ngopatnga 22:15

Na areko ole vothung i ranga ve ini nanaure, na ine nong tungtangongare mun tomo mun nge areko o ngo tomo nge areko or ini oewoere avele, na areko o so rin polpol toko, na areko o lotual avalare tomo mun nge areko oa sagu vothung le apaltetonga omanga, na tokokoe areken aro o voth a lalanga.

Riong Ngopatnga 9:11

Na ole nepes ako i theal or ini ensel ako i theal tetal vol lukulukunga aken. Na ensel aken iion a Abadon ako ini Hibrure okei. Na iion mun a Apolion ako ini Grikre okei. Na i mirenga ve, “Toko Pakerenganga”.