Panongpolong Sivenga ako Jon i wat i 7:39 - Mangseng

³⁹ Na thei aken Jisas i ri nge, ini Oni Riringa ako aro toko lemioongare aro o el i panen, aveto nge wop lemi ake, God i sungu Ioni Riringa me rongan, eneke i papomnga a Jisas rongan.

Panongpolong Sivenga ako Jon i wat i 7:39 ပူးပေါင်းရင်းမြစ်များ

Matiu 16:14

Ma o ri ve, “Pelie o ri ve, wong ini a Jon Paninuonga, na pelie o ri ve, wong ini a Elaija, na pelie o ri ve, wong ini a Jeremaia eve God ile riong elnga relnga mun e.”

Matiu 21:11

Ma tokokoe areko o es tomo nge a Jisas o olal ole riong ve, “Ake ini a Jisas, ako ini a God ile riong elnga ako i es a Nasaret ako a epee a Galili me.”

Panongpolong Sivenga ako Luk i wat i 24:49

Naro tho pakeu Oni Riringa a thomu nge me. Ini ur ako Vovo i kin ile riong nge lale ve aro i sungu i a thomu nge. Aveto aro thomu o men inga a rem pomnga i pavurvur ako la nge nang ako aro thomu o el a God ile engenging nge.”

Panongpolong Sivenga ako Luk i wat i 3:16

Mako Jon i olal ole riong ve, “Tho paninu thomu nge thei, aveto toko e ako aro i rumongal me, kene ile engenging i aolonga nge lek engenging, na i pavurvur aro tho es totho a ilo sei mo aro tho inospot ile esonga a we, kene avele. Naro i paninu omu pelie nge a God Ioni Riringa, aveto omu pelie nge won sesenga.

Panongpolong Sivenga ako Luk i wat i 7:16

Ma tokokoere o kukuk na o risea God. Na o ri ve, “God ile riong elnga aolonga e ake i velpol a it nge lale. Na God i velpol lale ako aro i opoal ile tokokoere.”

Panongpolong Sivenga ako Jon i wat i 1:21

Mako o nina mun i ve, “Ong ini ao? Ong ini a Elaija?” Ma i olal ole riong ve, “Avele! Tho ini a Elaija avele.” Mako o ria i ve, “Na ong ini a God ile riong elnga ako them men tetal i?” Ave Jon i olal ole riong ve, “Avele!”

Panongpolong Sivenga ako Jon i wat i 1:25

o nina mun i ve, “Na eve ong ini toko ako God i ateal i ve aro i el werer ile tokokoere avele, na eve ong ini a Elaija avele, na ong ini a God ile riong elnga ako them men tetal i, kene avele, na i vova ako ong paninu tokokoere, e?”

Panongpolong Sivenga ako Jon i wat i 1:33

Na nomenga sivengek lemik mire nge i avele, aveto God ako i pake tho me ve aro tho paninu tokokoere nge thei, i ria tho ve, ‘Naro ong thopol Oni Riringa ako aro i esu me, mo i mena a toko e nge, i re aken ini toko ako aro i paninu tokokoere nge Oni Riringa.’

Panongpolong Sivenga ako Jon i wat i 12:16

Na ile wainlangaere kene olemi mire senu nge ur areko i velpol a i nge, kene avele. Aveto panen aro God i papomnga ol a Jisas, aro olemi rumtetu ur areko o oma i a Jisas nge na i ranga ve ako God ile erere i ri nge lale.

Panongpolong Sivenga ako Jon i wat i 12:23

Ma Jisas i olal ole riong ve, “Lek nang i velpol lale ako aro Toko Pomnga i papomnga Itun.

Panongpolong Sivenga ako Jon i wat i 14:13

Na ur alavusnga ako thomu o nong i a tho nge, eneke thomu o panes tho, aro tho oma i, mo aro tokokoere o papomnga a Vovo nge lek omaing aken.

Panongpolong Sivenga ako Jon i wat i 14:26

Na opoalinga, ako ini Oni Riringa, ako aro Vovo aro i pakeu i me, mo i el meik, aro i patoral thomu nge ur elonga, naro i palemi rumal thomu nge lek riong ako tho patoral thomu nge lale.

Panongpolong Sivenga ako Jon i wat i 16:14

Naro i papomnga tho, eneke aro i el ur alavusnga ako tho ri nge mo aro i ripot i a thomu nge.

Panongpolong Sivenga ako Jon i wat i 16:7

Aveto tho ri nunganga a thomu nge, i sivenga ako aro tho esa la, eneke aro ve tho esa la avele, aro Opoalinga aro i esu mun a thomu nge me avele. Aveto aro ve tho es la, aro tho pakeu i a thomu nge me.

Panongpolong Sivenga ako Jon i wat i 17:1

Lama Jisas i ri venen aken ma vus, mako ipo watha a Pen a Urvet la, ma i nong ve, “Vovo, nang i velpol lale, papomnga Tum mo aro Tum i papomnga wong.

Panongpolong Sivenga ako Jon i wat i 17:5

Vovo, nomenga ako ong pavelpol ulue rongan na tho voth tomo nge wong na lek kimaing kene i aolonga, na ponange aro ong papomnga werer tho ranga ve ako tho voth tomo tel nge ong.

Panongpolong Sivenga ako Jon i wat i 20:22

Mako i thupostun or ma i ria or ve, “O elo Oni Riringa a lomumu.

Panongpolong Sivenga ako Jon i wat i 6:14

Na toko na sengre o thopol pathepolong ake i velpol, ma o ri ve, “Ake ini a God ile riong elnga aton, Moses i ri nge i aro i velpol ake a ulue.”

Panongpolong Sivenga ako Jon i wat i 7:12

Lamako toko na seng pom ako o pakosil pel nge i, ma pelie o ri ve, “Aken ini toko sivenga.” Ave pelie o ri ve, “Avele, ile apaltet tokokoere.”

Panongpolong Sivenga ako Jon i wat i 8:54

Ma Jisas i olal ole riong ve, “Aro ve tho papomnga sivengek, aro lek omaing aken ini ur polpolnga. Na toko ako i papomnga tho, ini a Vovo ako thomu o ri ve ini lomu God.

Pakeke 19:2

Ma i nina or ve, “Nomenga ako o eksing lomumu, ma thomu o el Oni Riringa?” Ma o olal i ve, “Them nongpol riong e avele ako ve, Oni Riringa i voth.”

Pakeke 2:17

“‘God i ri vene: Toth nge nang patopalalnga aro tho paru Onik Riringa a toko na sengre nge. Mo aro tutumuere o ripot lek riong. Na lomu kulpopoere aro o thopol pathengaling rel relnga. Na lomu toloklokere aro o thopol oni theongre.

Pakeke 2:33

Na God i ela Jisas lale ma i men ol a God ilo sei a imeni sivenga nge anga. Ma i el Oni Riringa ako Itema i pator i nge. Na ur ako thomu o thepol i na o nongpol i ini sungong ako Jisas i paru i a them nge.

Pakeke 2:38

Ma Pita i ria or ve, “Thomu omole omole aro kimomu lelalpot lomu vothung kerenga na o el paninuong nge a Jisas Krais iion. Maken God aro ilemi simikal lomu vothung kerenga. Naro i sungu ol Ioni Riringa a thomu nge.

Pakeke 2:4

God Ioni Riringa i vual a or omole omole nge ma o ri nge keiong rel relnga ako God Ioni Riringa i pavelpolpot i a owo.

Pakeke 3:13

God ake ini a Abraham na Aisak na Jekop ole na ako ini ar tetere ole i papomnga ile omainga a Jisas roro. Aveto thomu o sungu i a pelie omeni. Na Pailat i ri ve i modoppot i la. Aveto kimomu lelal i.

Pakeke 4:31

O nong ma vus, na vel aken ru o voth nge i vaikik. Ma o vual nge a God Ioni Riringa ma o panongpol nge a God ile riong. Na o ngange avele.

Pol ile malueng ako i wat i a toko lemioongare nge ako o voth a rem pomnga a Rom 8:9

Aveto thomu, thomu o voth a vothung ulue anga ile thealing lemi avele, aveto thomu o voth a Oni Riringa ile thealing lemi, tova ve i nunganga ako ve, God Ioni i voth a lomumu. Na aro ve Krais Ioni i voth a toko e ilemi avele, toko aken ini a Krais ile toko avele.

2 Korin 3:8

Aveto God Ioni Riringa ile omaing i mukal na i sivenga rintet nge aken.

Epesus 4:30

Na o mothong tova o palemi kerere a God Ioni Riringa ako ini paatealing ako thomu ini ile, naro i theal senu thomu i pavurvur nge nang ako aro God i ol werer ile tokokoere nge.