Panongpolong Sivenga ako Jon i wat i 5:25 - Mangseng

²⁵ Tho ri nunganga a thomu nge, nang e ako aro i es me, kene i velpol lale, na tokokoe areko i ranga ve ako ooni o rin lale, aro o nongpol a God Itun ikei na areko o nongal ile riong aken aro o el mimiong.

Panongpolong Sivenga ako Jon i wat i 5:25 ပူးပေါင်းရင်းမြစ်များ

Panongpolong Sivenga ako Luk i wat i 15:24

Eneke tuk ake i ranga ve i rin lale, aveto i mimi werer, na i penthal, aveto i lo werer.’ Mako o patea ol nge aning.

Panongpolong Sivenga ako Luk i wat i 15:32

Aveto i sivenga ako aro te oma aning aolonga mo lemir sivenga, eneke teum posnga i ranga ve ako i rin lale, aveto i mimi werer, na i penthal, aveto i lo werer.’”

Panongpolong Sivenga ako Luk i wat i 9:60

Ma Jisas i olal ile riong ve, “Na tokokoe areko ooni i rin lale, aro osivenga o tetun olengare ako o rin mun. Aveto aro wong es mo wong panongpol nge a God ile menong e nepes.”

Panongpolong Sivenga ako Jon i wat i 13:1

Na nang omole ol inga ako aro Punseleainga a Aning i patea. Na Jisas ilemi mire ako i toth lale ako aro i losa a ulue ake mo i lo werer a Itema nge la. Na evelelnga ia sagu rintet toko elonga ake ru a ulue ako ini ile, na ponange aro i pathengal or nge ako ile asaguong aken i aolonga rintet.

Panongpolong Sivenga ako Jon i wat i 17:1

Lama Jisas i ri venen aken ma vus, mako ipo watha a Pen a Urvet la, ma i nong ve, “Vovo, nang i velpol lale, papomnga Tum mo aro Tum i papomnga wong.

Panongpolong Sivenga ako Jon i wat i 4:21

Lama Jisas i ria i ve, “Tho ri nunganga a wong nge, nang e ako aro i es me ako tokokoere aro o lotual ol Titemer a tete ake avele ol, na ako la a Jerusalem mun avele.

Panongpolong Sivenga ako Jon i wat i 4:23

Na nang e ako aro i es me, na i velpol lale, ako tokokoere ako o lotual a God, aro o lotual i nge a Oni Riringa ile engenging aken ini lotuong nunganga, aken ranga ve ako God i sis ve aro tokokoere aro o lotual i.

Panongpolong Sivenga ako Jon i wat i 5:21

Na ranga ve ako God i sung werer mimiong nge areko o rin lale, na Itun mun, aro i sung mun mimiong nge tokokoe areko i sis ve aro i sung i a or nge.

Panongpolong Sivenga ako Jon i wat i 5:28

“Thomu o mothong tova o kukuk nge lek riong ake, nang e ako aro i velpol ako toko alavusnga ako o rin na o voth a oa vuvepunre, aro o nongpol ikei,

Panongpolong Sivenga ako Jon i wat i 6:60

Lamako toko pom ako o panes a Jisas kene o nongpol riong aken ma o ri ve, “Riong ake kene i engeng rintet, anga aro i nongala i, e?”

Panongpolong Sivenga ako Jon i wat i 8:43

Na i vova ake lomumu mire nge ur areko tho ri nge, kene avele, e? Eneke numu plong ve aro o nongal lek riong.

Panongpolong Sivenga ako Jon i wat i 8:47

Na toko e ako ini a God ile, i nongal a God ile riong. Aveto thomu o nongal lek riong avele, eneke thomu ini a God ile avele.”

Panongpolong Sivenga ako Jon i wat i 9:27

Ma i olal ole riong ve, “Tho ritet thomu nge lale, ave thomu o nongpol lek riong avele. Na i vava ake thomu o sis ve o nongpol mun i, e? Ava thomu mun o sis ve aro o velpol ini ile wainlangaere, e?”

Pol ile malueng ako i wat i a toko lemioongare nge ako o voth a rem pomnga a Rom 6:4

Maken nge paninuong aken i ranga ve ako o tetun it tomo mun nge i, mo aro it kene te el mun mimiong ako i ponganga rintet na te mimi ol nge, ranga ve ako Krais i el i lale, nge ako Titemer a God i palos werera i nge rinong, nge ile engenging ako i aolonga rintet.

Epesus 2:1

Na nomenga ako a God itheki, onumu kene i rin lale, eneke thomu o avsa riong, na o oma vothung kerenga.

Epesus 5:14

eneke the lalainga i palala ur alavusnga, na i ranga ve ako tokokoere o ri nge na o ri vene: “Vung, vurpola werer nge rinong na mita mo Krais aro i totun ong.”

Kolosi 2:13

Na nomenga thomu o oma lomu vothung kerenga. Na Krais i eltetpot vothung ulue anga a thomu nge rongan, na i ranga ve ako thomu o rin lale, aveto God i pamimi werera thomu tomo nge a Krais. Na ilemi simikal ler vothung kerengare.

Riong Ngopatnga 3:1

Ma toko aken i ria mun ve, “Aro ong wat malueng a lotuonga areko a rem a Sardis othealnga, naro ong wat vene: Tho ini toko ako God Ioni ako ile engenging i mukal nge ur alavusnga, kene i voth a tho nge, na sivemit or limai i voth mun a tho nge. Na lek riong a thomu nge i vene: Lemik mire nge lomu omaing ako tokokoere o rivenga thomu o mimi, ave onumu i rin lale nge panesngek.