Panongpolong Sivenga ako Jon i wat i 5:16 - Mangseng

¹⁶ Taro ako o patea ol nge a Jisas inisilalnga, eneke Jisas i oma ur areke nge nang rialonga.

Panongpolong Sivenga ako Jon i wat i 5:16 ပူးပေါင်းရင်းမြစ်များ

Matiu 12:13

Mako Jisas i ria toko meni omkolonga ve, “Ong pavengvengpot menum.” Mako i pavengvengpot i, na a ur e avele, nako imeni i senu werer, ma i ranga ve ini imeni epee anga.

Panongpolong Sivenga ako Mak i wat i 3:6

A ur e avele na Parisire o mita, lama o es. O es ma o men tomo nge a Herot ithangangaere, or alavusnga o rirum nge sovengalo ako aro o so rin a Jisas nge.

Panongpolong Sivenga ako Luk i wat i 6:11

Aveto Parisire olemi kling rintet nge i, ma osivenga o ria pel ve, “Aro te oma vava nge a Jisas?”

Panongpolong Sivenga ako Jon i wat i 1:19

Mako Judare oa pompomere ako o voth a Jerusalem o pakepot pris pelie na ole opoalingare mo aro o nin a Jon ve, “Ong ini ao?”

Panongpolong Sivenga ako Jon i wat i 10:39

Ma Judare o tongporum ve aro o rere mun i, ave i lo lelpot nge or.

Panongpolong Sivenga ako Jon i wat i 15:20

Naro lomumu rum riong ake tho ria thomu nge lale, ako ve, ‘Toko umonga e avele i aolonga nge ia pomnga.’ Na areko o pamen kerere tho, aro o pamen kerere mun thomu. Ave areko o nongal lek riong, aro o nongal mun lomu riong.

Panongpolong Sivenga ako Jon i wat i 5:10

Mako Judare ole mukalingare o ria toko ako i senu werer ve, “Ake ini nang rialonga, na nge ler patorong i pavurvur aro ong el tomo lom ngoinga avele.”

Panongpolong Sivenga ako Jon i wat i 5:13

Ave toko ako ru i senu werer kene ilemi mire nge toko anga ako i pamimi i, kene avele, eneke toko na seng pulua ako o voth nge pen aken ma Jisas i pasulalo nge or.

Panongpolong Sivenga ako Jon i wat i 5:15

Lamako toko aken i es ol ma i ria Judare ole mukalingare ve, “Ina Jisas re aton i pamimi werer tho.”

Panongpolong Sivenga ako Jon i wat i 5:17

Aveto Jisas i ria or ve, “Ok Vovo i pesrou avele nge tokokoere oopoalnga, na tho mun aro tho oma mun venen aken.”

Panongpolong Sivenga ako Jon i wat i 5:18

Na ile riong aken i palemi vel rintet Judare olemi ma o engeng rintet ve aro o pun rin i, eneke i avsa ole patorong nge nang rialonga ienga avele, aveto i ri mun ve, God ini itema, na nge ile riong aken i ri ve i vur e pel tomo nge a God.

Panongpolong Sivenga ako Jon i wat i 7:21

Lamako Jisas i olal ole riong ve, “Na tho oma pathepolong e ken ako tho pamimi toko nge nang rialonga, nako thomu o kukuk ma o ri ve tho pavothal nge nang rialonga avele.

Panongpolong Sivenga ako Jon i wat i 7:25

Lamako toko pelie ako a Jerusalem o nina ve, “Ava ini toko aton Judare oa pompomere o ri nge isorinnga ot?