Panongpolong Sivenga ako Jon i wat i 3:17 - Mangseng

¹⁷ Eneke God i pakeu Itun a toko ulue angare nge me, ve aro i paomelal or nge ole vothung kerenga, kene avele, i pakeu i me mo aro i velpol ini ole pamimionga.

Panongpolong Sivenga ako Jon i wat i 3:17 ပူးပေါင်းရင်းမြစ်များ

Matiu 1:23

“Ovote ako i ngo tomo e toko rongan aro iopo mo i pop itun tomonnga e, naro o apeta iion a Emanuel.” Ako i mirenga ve, “God i voth tomo nge it.” Aisaia 7:14

Matiu 18:10

“Thomu o mothong tova numu silalpot areko o ranga ve ini wainlanga posposengae areken. Tho ria thomu, or ini ur polpolnga avele, eneke ole enselre evelelnga o voth a Vovo itheki lemi a Pen a Urvet.

Matiu 18:11

[Toko Pomnga Itun i velpol mo aro i el werer areko o penthal.]”

Panongpolong Sivenga ako Luk i wat i 19:10

Na Toko Pomnga Itun i es me ako aro i or tokokoe areko o penthal mo i el werer or.”

Panongpolong Sivenga ako Luk i wat i 9:56

Mako o es ol a rem relnga ol la.

Panongpolong Sivenga ako Jon i wat i 1:29

Na nge erangunga Jon i thopol a Jisas ako i es me, ma i ria ve, “O thopol, ake ini a God ile Sipsip Tun ako aro i rin mo aro i eltetpot toko na seng ake ru a ulue ole vothung kerenga.

Panongpolong Sivenga ako Jon i wat i 10:36

Na toko ako God i ateal i mo i riri na i pakeu i ake ru a ulue me kene i pomnga nge or, na aro ve i apet or ini godre, i vova ake thomu o ri ve tho ri tangatun nge a God nge ako tho ri ve, ‘Tho ini a God Itun,’ e?

Panongpolong Sivenga ako Jon i wat i 11:42

Lemik mire ako ve, evelelnga ong nongpol tho, ave tho ri nge ake mo aro tho opoal tokokoe areke o mit mo aro olemio ako ve, ake ini wong ako ong pakeu tho me.”

Panongpolong Sivenga ako Jon i wat i 17:18

Na tho pakepot or a tokokoe areko o panes vothung ulue anga, ranga ve ako ong pakepot tho a tokokoe areko o panes vothung ulue anga.

Panongpolong Sivenga ako Jon i wat i 17:21

Tho nong ve aro or alavusnga aro or ini omole, Vovo aro o teo a it aini nge ranga ve ako tho teo a ong nge na ong teo a tho nge, mo aro tokokoe areko o panes vothung ulue anga, aro olemio ve ong pakeu tho ake me.

Panongpolong Sivenga ako Jon i wat i 17:23

Tho teo a or nge, na wong teo a tho nge, naro or ini omole ol mo aro tokokoe areko o panes vothung ulue anga aro olemi mire ako ve, ong pakeu tho me na om sagu or ranga ve ako om sagu tho.

Panongpolong Sivenga ako Jon i wat i 17:25

“Vovo wong ini God vengvenga, tokokoe areko o panes vothung ulue anga olemi mire nge wong avele, ave lemik mire nge wong, na lek tokokoe areke, olemi mire ako ve, ong pakeu tho me.

Panongpolong Sivenga ako Jon i wat i 17:3

Na mimiong ako aro ile vusonga avele kene mirenga ako ve, olemi mire nge wong, engom inga ako ini a God nunganga, na olemi mire mun nge a Jisas Krais, ako ong pakeu i me.

Panongpolong Sivenga ako Jon i wat i 17:8

Na riong ako ong sungu i a tho nge, tho sungu i a or nge lale, ma o elo i a olemi. Na olemi mire ol nge ako tho es a ong nge me, na olemio ako ve, ong pakeu tho me.

Panongpolong Sivenga ako Jon i wat i 20:21

Lama Jisas i ria mun or ve, “Lemi moring aro i voth tomo nge thomu. Na ponange tho pakepot thomu ranga ve ako Vovo i pakepot tho.”

Panongpolong Sivenga ako Jon i wat i 3:34

Na toko ako God i pakeu i me, i panongpol inga ako nge a God ile riong, eneke God i pavual rintet i nge Ioni Riringa.

Panongpolong Sivenga ako Jon i wat i 5:36

“Aveto ritetong nge tho i voth ako i aolonga nge a Jon ile ritetong nge tho. Eneke omaing alavusnga ako tho oma i, ini omaing ako Vovo i sungu i a tho nge ve aro tho pavus i alavuspot. Na lek omaing aken i ritet thomu ve, Vovo i pakeu tho me.

Panongpolong Sivenga ako Jon i wat i 5:38

Na ile riong, thomu o rongo vet i a lomumu avele, eneke lomumuo nge toko ako i pakeu i me avele.

Panongpolong Sivenga ako Jon i wat i 5:45

“Thomu o mothong tova lomumu ve, aro tho teltun omu a Vovo nge. Avele, toko ako aro i teltun omu ini a Moses, ini toko ako thomu o parong lomu lemioong a i nge ve aro i opoal thomu.

Panongpolong Sivenga ako Jon i wat i 6:29

Lamako Jisas i olal ole riong ve, “God i sis ve aro lomumuo nge toko ako i pakeu i me.”

Panongpolong Sivenga ako Jon i wat i 6:38

Eneke tho esu a ulue ake me ve aro tho panes sivengek lemik avele, tho esu a ulue ake me ve aro tho panes inga ako ini a Vovo ilemi ako i pakeu tho me.

Panongpolong Sivenga ako Jon i wat i 6:40

Eneke Vovo ilemi ako ve, tokokoe areko o thopol Itun na olemio nge i, aro o krim mimiong ako aro ile vusonga avele, naro tho palosa or, nge ulue ake ile vusong.”

Panongpolong Sivenga ako Jon i wat i 6:57

Na tho mimi, eneke Vovo ako ini mimiong tepun, ako i pakeu tho me, i teo a tho nge, na ranga ve mun i thomu, toko ako i an sivangek aro i mimi, eneke tho teo a i nge.

Panongpolong Sivenga ako Jon i wat i 7:29

Aveto tho, lemik mire nge i, eneke tho esu ako a i nge me na i pakeu tho me.”

Panongpolong Sivenga ako Jon i wat i 8:11

Ma i olal ile riong ve, “Toko Pomnga, e avele.” Mako Jisas i ria i ve, “Na tho mun, aro tho teltun om avele. Na ong es la, na ong mothong tova oma ol vothung kerenga e.”]

Panongpolong Sivenga ako Jon i wat i 8:42

Ma Jisas i olal ole riong ve, “Aro ve God ini omu Vovo nunganga, aro omu sagu tho, eneke tho esu a God nge me, na ponange tho voth ol ake. Na tho es me nge sivengek lemik avele, aveto God i pakeu tho me.

1 Jon 2:2

Na i sungpot isivenga ile mimiong ako nge ler vothung kerenga eltetpotnga. Na i oma venen aken nge enger inga avele, aveto i oma mun i nge toko alavusnga ake ru a ulue, ole vothung kerenga eltetpotnga mun.

1 Jon 4:14

Na te thepol ur ako God i oma i lale, ako ranga ve i pakeu Itun me, mo i velpol ini toko alavusnga ake ru a ulue ole Pamimionga, make te panongpol ol nge aken.