Panongpolong Sivenga ako Jon i wat i 20:17 - Mangseng

¹⁷ Lamako Jisas i ria i ve, “Mothong tova krim tuntun tel tho, eneke tho lo werer a Vovo nge la rongan. Aro ong es a titeikre nge la, mo ong ria or nge ako aro tho lo werer a ok Vovo nge, ako ini omu Vovo mun na ini lek God na ini lomu God mun.”

Panongpolong Sivenga ako Jon i wat i 20:17 ပူးပေါင်းရင်းမြစ်များ

Matiu 12:50

Toko kathnga ako i panes a Vovo a God a Pen a Urvet ile riong ini teik na luk na ninek.”

Matiu 25:40

“Ma nepes aken aro i olal ole riong ve, ‘Tho ri nunganga a thomu nge, ur alavusnga ako thomu o oma i nge titeik areko oion kima avele, aken thomu o oma i a tho nge.’

Matiu 28:7

Naro thomu paini o paviri la mo o ria ile wainlangaere ve, ‘I mimi werera lale na i ako i mukal nge thomu a epee a Galili lale, na ako la aro thomu o thepol i nge.’ Tho es me ponange ake na tho ritet thomu nge.”

Panongpolong Sivenga ako Mak i wat i 12:26

Aveto lomu pamirealing nge areko o rin lale ve aro o mimi werer ol avele, aro tho ria mun tie nge aken. Thomu o tital erere nomenganga ako Moses i wat i, aveto lomumu mire senu nge avele. Nge tenesing ako e won pok a vutvutnga ako won sesenga i apola nge, ma God i ria Moses vene: ‘Tho ini a God ako ini a Abraham ile na Aisak ile na Jekop ile.’ Kisim Bek 3:6

Panongpolong Sivenga ako Mak i wat i 16:19

Na Jisas ako ini ar Pomnga i ri ile riong a or nge ma vus, lamako God i ela i a Pen a Urvet la, ma i men vengveng a God imeni sivenga nge anga, ini pen ako o papompom tokokoere nge.

Panongpolong Sivenga ako Luk i wat i 10:4

Naro thomu o mothong tova o el umtun le ngoinga, na alal na evomu salemia. Naro thomu o mothong tova o pathokeal tokokoere a sovengalo aro vene mo o mit roal thomu.

Panongpolong Sivenga ako Jon i wat i 13:1

Na nang omole ol inga ako aro Punseleainga a Aning i patea. Na Jisas ilemi mire ako i toth lale ako aro i losa a ulue ake mo i lo werer a Itema nge la. Na evelelnga ia sagu rintet toko elonga ake ru a ulue ako ini ile, na ponange aro i pathengal or nge ako ile asaguong aken i aolonga rintet.

Panongpolong Sivenga ako Jon i wat i 13:3

Na Jisas ilemi mire ako Itema i sungu ur alavusnga a imeni lale, na ilemi mire mun ako i es a God nge me, naro i lo werer mun a God nge la.

Panongpolong Sivenga ako Jon i wat i 14:2

Ako a ok Vovo ile vel kene, ilemi pulua. Naro tho es nge mo aro tho monsi meumu. Na aro ve i vene ake avele, i pavurvur aro tho ria thomu nge avele.

Panongpolong Sivenga ako Jon i wat i 14:28

Na thomu o nongpol ako tho ri ve, ‘Aro tho es la, naro tho lo werer mun a thomu nge me.’ Na tova ve omu sagu tho, aro lomumu sivenga nge ako tho es a Vovo nge, eneke Vovo kene i pomnga nge tho.

Panongpolong Sivenga ako Jon i wat i 14:6

Mako Jisas i olal ile riong ve, “Tho ini so, na riong nunganga, na mimiong tepun. Engek re inga ake ini so ako aro tokokoere o panes i mo o es a Vovo nge. Na so ol e avele ol.”

Panongpolong Sivenga ako Jon i wat i 16:28

Tho es ako a Vovo nge me, ma tho esu a ulue me. Na i toth lale ako aro tho los lelpot nge ulue ake, mo aro tho lo werera a Vovo nge.”

Panongpolong Sivenga ako Jon i wat i 17:11

Na i toth ako aro tho es a ong nge wot, naro tho voth a ulue avele, aveto rongan o voth a ulue. Vovo ong ini toko riringa, na sivengom wong theal or nge lom engenging, nge engenging ako ong sungu i a tho nge, theal or mo or ini omole inga ranga ve ako it aini ini omole inga.

Panongpolong Sivenga ako Jon i wat i 17:25

“Vovo wong ini God vengvenga, tokokoe areko o panes vothung ulue anga olemi mire nge wong avele, ave lemik mire nge wong, na lek tokokoe areke, olemi mire ako ve, ong pakeu tho me.

Panongpolong Sivenga ako Jon i wat i 17:5

Vovo, nomenga ako ong pavelpol ulue rongan na tho voth tomo nge wong na lek kimaing kene i aolonga, na ponange aro ong papomnga werer tho ranga ve ako tho voth tomo tel nge ong.

Panongpolong Sivenga ako Jon i wat i 20:27

Lamako i ria Tomas ve, “Tomas, parong rumo menum pupo a menik salemi, na osepot menum mo paeso i a telik po. Mothong tova wong voth ini toko ako lom lemioong avele, aro lomumo inga nge tho.”

Panongpolong Sivenga ako Jon i wat i 7:33

Lama Jisas ria or ve, “Aro tho voth palolo tomo nge thomu avele. Lamo tho lo werer mun a toko ako i pake tho me.

Pol ile malueng ako i wat i a toko lemioongare nge ako o voth a rem pomnga a Rom 8:29

Eneke nomenga God ilemi mire lale nge areko aro o velpol ini ile, mako i ateal or ve aro o velpol ranga ve ini mun i Itun, mo aro Itun aken aro i velpol ini ititein puluanga areken oa tengen.

2 Korin 6:18

Na God ile erere i ri mun ve, “Aro tho velpol ini omu Vovo, naro thomu o velpol ini tutukre. Na Toko Pomnga ako i theal tetal toko alavusnga i ri re venen aken.” 2 Samuel 7:8,14

Galesia 3:26

Thomu alavusnga lomumuo nge a Jisas na o teo a i nge, maken thomu ini a God itutunre.

Hibru 11:16

Aveto olemi engeng nge pen epee ako i sivenga rintet, ako ini Pen a Urvet anga. Maken God ile maral avele ako o apet i ve ini ole God, eneke i monsi ole rem pomnga aken lale.

Hibru 8:10

Tho Toko Pomnga tho ri vene, ‘Lek riong kinnga ako aro tho kin tomo i nge Israelre, nge nang aken aro i vene: Aro tho paeso lek patorongre a olemi mo olemi mire ol nge, naro olemi engeng ol nge panesnga. Naro tho voth ol ini ole God. Naro o voth ol ini lek tokokoere.

1 Pita 1:3

Aro te risea a God ako ini ar Pomnga a Jisas Krais Itema, eneke i themosal rintet it, mako i sung mimiong ponganga a it nge, aken te men sial ol nge ur areko aro i sungu i a it nge ako aro ile vusonga avele. Naro ile vusonga avele, eneke Jisas Krais i los werera nge rinong.

1 Jon 3:2

Na titeik sivengare, te voth ol ini a God itutunre, aveto ler mimiong panen anga aken o panine mos i a it nge rongan. Aveto lemir mire ako ve, panen tova Jisas i velpol, aro te velpol ranga ve ini mun i i, eneke aro te thepol i ako ve, i kene ini a God.

Riong Ngopatnga 21:3

Na tho nongpol lenging ako i espot a nepes a menonga aken nge me na i ria ve, “God ile vothinga i voth ol a tokokoere nge, naro isivenga aro i voth na i mimi tomo ol nge or, naro o velpol ol ini ile tokokoere, naro i velpol ol ini ole God.

Riong Ngopatnga 21:7

Na toko e ako ile mong a Satan ile tongporumongre kene aro i el ur areke a tho nge, naro tho velpol ini ile God naro i velpol ini tuk.