Panongpolong Sivenga ako Jon i wat i 2:13 - Mangseng

¹³ Na Judare oa aning ako o apet i ve ini Punseleainga a Aning i toth lale, mako Jisas i es ol a Jerusalem la.

Panongpolong Sivenga ako Jon i wat i 2:13 ပူးပေါင်းရင်းမြစ်များ

Matiu 21:12

Ma Jisas i eso a Lotu Tepun a Vel a lok lemi ma i wistetpot tokokoe areko o men thal ol lulu na i eksingtunu areko ole ring ako o tepolal umtun relnga nge, na i wathprepa areko o pamen ole pothu olingare ole menonga.

Panongpolong Sivenga ako Mak i wat i 11:15

Jisas ome ile wainlangaere o velpol a Jerusalem ma o eso a Lotu Tepun a Vel a lok lemi ma Jisas i es ol ma i wistetpot areko o tepolal pel e ole ur elonga, ma i patheki ru areko ole ring ako o tepolal umtun relnga nge, na i patheki ru mun areko o pamen ole pothu olingare ole menonga.

Panongpolong Sivenga ako Luk i wat i 19:45

Na Jisas i eso a Lotu Tepun a Vel a lok lemi na i patea nge areko o tepolal pel nge ole lulu owistetpotnga.

Panongpolong Sivenga ako Luk i wat i 2:41

Na nge tovu po elonga Jisas itema ome inina o es a Jerusalem nge aning ako o apet i ve ini “Pasova”.

Panongpolong Sivenga ako Jon i wat i 11:55

Makola i toth nge Judare oa Punseleainga a Aning a nang. Na nge wop lemi aken, toko pulua ako a rumremre o es a Jerusalem mo aro o pariri tel or a God itheki lamo o es ol nge aning aken.

Panongpolong Sivenga ako Jon i wat i 13:1

Na nang omole ol inga ako aro Punseleainga a Aning i patea. Na Jisas ilemi mire ako i toth lale ako aro i losa a ulue ake mo i lo werer a Itema nge la. Na evelelnga ia sagu rintet toko elonga ake ru a ulue ako ini ile, na ponange aro i pathengal or nge ako ile asaguong aken i aolonga rintet.

Panongpolong Sivenga ako Jon i wat i 2:23

Na nge wop lemi ako Jisas i voth a Jerusalem nge Punseleainga a Aning, toko na sengre pom o thopol pathepolong pom ako i oma i, mako olemio nge i.

Panongpolong Sivenga ako Jon i wat i 5:1

Lamako Jisas i es mun a Jerusalem, eneke Judare o oma oa aning aolonga e ako.

Panongpolong Sivenga ako Jon i wat i 6:4

Na Judare oa Punseleainga a Aning kene i toth me lale.