Panongpolong Sivenga ako Jon i wat i 19:9 - Mangseng

⁹ Mako Pailat i lo werero mun a ile vel lemi ma i nin a Jisas ve, “Ong es vanath me?” Ave Jisas i olal ile riong avele.

Panongpolong Sivenga ako Jon i wat i 19:9 ပူးပေါင်းရင်းမြစ်များ

Matiu 26:63

Ave Jisas i ria vet riong e avele. Ma Prisre oa Pomnga i ria i ve, “Nge a God iion ako i mimi tho nong ong ve, aro ong ria nunganga a them nge ve, wong ini toko ako God i ateal wong ve aro ong el werer ile tokokoere? Na ong ini a God Itun?”

Matiu 27:27

Ma Pailat ile punongare o wolo a Jisas a gavana ile vel la, ma punonga othangangaere alavusnga o es me ma o pathun ol a i nge.

Panongpolong Sivenga ako Luk i wat i 23:9

Mako Herot i nin a Jisas nge ninong pulua, aveto Jisas i olal vet riong tie avele.

Panongpolong Sivenga ako Jon i wat i 18:28

Rulpou inga, nako o wolpot a Jisas o Kaiapas ile vel na o wol i a gavana ako ini toko Rom ile vel. Na Judare ole mukalingare oni plong ve aro o eso a mukalinga aken ile vel, eneke ini Juda avele na o sis ve aro o panakal senu or mo ur e avele aro i paakop or a God itheki maken o pavurvur ako aro o an Punseleainga a Aning.

Panongpolong Sivenga ako Jon i wat i 18:33

Ma Pailat i es werero a ile vel lemi ma i lengo a Jisas a i nge me ma i nina i ve, “Wong re ake ini Judare ole nepes?”

Panongpolong Sivenga ako Jon i wat i 18:34

Ma Jisas i olal ile riong ve, “I vava, ninong aken kene i es a wong nge me, eve toko pelie o ria wong nge tho, e?”

Panongpolong Sivenga ako Jon i wat i 18:37

Mako Pailat i nina i ve, “E, ong ini nepes, e?” Ma Jisas i olal ile riong ve, “Ong apet tho ini nepes na lom riong aken kene i nunganga, na tho velpol ake ru a ulue mo aro tho oma omaing omole inga ako aro tho panongpol nge riong nunganga. Na toko elonga ako oa sagu ur ako i nunganga, o nongal lek riong.”

Panongpolong Sivenga ako Jon i wat i 19:10

Ma Pailat i ria i ve, “Ong olal lek riong avele, kene i vava, lomum mire avele ako lek engenging i pavurvur ako aro tho pavthopot ong, eve tho pamona ong a won ngoronga nge?”

Panongpolong Sivenga ako Jon i wat i 19:8

Ma Pailat i nongpol veno ako ma i ngange rintet.

Panongpolong Sivenga ako Jon i wat i 8:14

Mako Jisas i olal ole riong ve, “Avele, ur ako tho ritet nge sivengek i nunganga, eneke lemik mire nge pen ako tho es nge me, tomo mun nge pen ako aro tho es nge la. Aveto lomumu mire nge pen ako tho es nge me, kene avele, tomo mun nge pen ako aro tho es nge la.

Pilipai 1:28

Na tho sis ve aro tho nongpol mun ako thomu o mit engeng nge ako saluk thomu tie avele nge lomu ngarangre. Na aro ve saluk thomu nge lomu ngarangre avele, aken i pathengal or ve, God aro i pakerenga or, na i pathengal mun thomu ve, God aro i pamimi thomu.