Panongpolong Sivenga ako Jon i wat i 19:4 - Mangseng

⁴ Mako Pailat i espot mun pa omole mun a Judare nge na i ria or ve, “O thopol vet, aro tho paespot i me mo aro tho pathengal thomu ve ako tho thopol ia tepun e avele ako aro tho teltun ia nge.”

Panongpolong Sivenga ako Jon i wat i 19:4 ပူးပေါင်းရင်းမြစ်များ

Matiu 27:19

Ma rongan Pailat i men a riong nongpolnga a menonga na iewo sengenga i pasong ikei a i nge me ve, “Mothong tova oma ur e nge toko vengvenga aken, eneke pemlik tho thepol oni theong ako nge i ma tho el matheong aolonga rintet nge.”

Matiu 27:24

Mala Pailat ilemi mire ako o pavurvur aro o nongal ile riong avele, na pa omole re ako punpeling aolonga aro i velpol. Mako i ela thei ma i papispot imeni a toko na sengre otheki, na i ria or ve, “Lek omaing ol e avele nge toko ake ile rinong. Ini lomu omaing ol.”

Matiu 27:4

Ma i ri ve, “Tho oma vothung kerenga lale ako tho teltunu toko ako i oma vothung kerenga e avele a menumu.” Ave o olal ile riong ve, “Lemem omaing ol e avele nge, aken ini lom omaing ol.”

Matiu 27:54

Ma punongare ole mukalinga na punongare ako o voth tomo nge i mo o theal tetal a Jisas, o thepol wiring i velpol na ur areko i velpol, ma o ngeip rintet na o ri ve, “I nunganga, ake ini a God Itun.”

Panongpolong Sivenga ako Luk i wat i 23:4

Lama Pailat i ria pris kimangare na pulua alavusnga aken ve, “Tho thepol vothung kerenga e avele ako toko ake i oma i, ako aro tho paomelal i nge.”

Panongpolong Sivenga ako Luk i wat i 23:41

na it aini te el paomelaling ako i pavurvur nge omaing kerenga ako te oma i, aveto i kene, i oma omaing kerenga e avele.”

Panongpolong Sivenga ako Luk i wat i 23:47

Na punongare ole mukalinga i thopol ur ako i velpol ma i risea a God nge ma i ri ve, “I nunganga, toko ake ini toko sivenga.”

Panongpolong Sivenga ako Jon i wat i 18:33

Ma Pailat i es werero a ile vel lemi ma i lengo a Jisas a i nge me ma i nina i ve, “Wong re ake ini Judare ole nepes?”

Panongpolong Sivenga ako Jon i wat i 18:38

Na Pailat i nina i ve, “Ur nekenga ako ini ur ako i nunganga, e?” Mako Pailat i es wererpot a lalanga ma i ria or ve, “Tho thopol ia tepun e avele ako aro tho teltun ia nge.

Panongpolong Sivenga ako Jon i wat i 19:6

Ma pris kimangare tomo nge mit tetalongare o thopol i, mako o presa viringa ve, “Pamona i a won ngoronga nge! Pamona i a won ngoronga nge!” Ave Pailat i olal ole riong ve, “Thomu o wola i mo o pamona i a won ngoronga nge, eneke tho thopol ia tepun e avele ako aro tho teltun ia nge.”

2 Korin 5:21

Na Krais i oma vothung kerenga e avele, aveto God i paomelal i nge ler vothung kerenga alavusnga, eneke i el meir nge ler vothung kerenga areken mo aro ve lemiro nge i, aro te velpol ini toko vengvenga a God itheki.

Hibru 7:26

Na Jisas ini Pris Pomnga venen aken, ako i pavurvur nge opoalnger. Ini toko ako i riri rintet a God itheki, na vothung kerenga e avele i voth a i nge, na lemi rumong kerenga e avele i voth mun a i nge. Mako God i papomnga i roro a Pen a Urvet la, ma i voth mela nge vothung kerenga omangare.

1 Pita 1:19

aveto i ol thomu nge ur ako iolonga i roro rintet naro i penthal avele, ako ini a Krais ia mla. Na Krais i ranga ve ini sipsip itun ako ur kerenga e avele i teo a i nge, ako o so rin i mo o oma ole sungong a God nge.

1 Pita 2:22

Na i oma vothung kerenga e avele, na riong le apaltetonga e avele i espot mun a iwo. Aisaia 53:9

1 Pita 3:18

Na i sivenga ako aro thomu o el sisisong nge lomu vothung sivenga omanga, eneke Krais ako ini toko vengvenga i el mun sisisong nge areko or ini toko vengvenga avele oopoalnga, na i rin leltun ole vothung kerenga. Na i rin pa omole inga mo i opoal toko alavusnga mo o pavurvur ako aro o es a God nge. Na nge ako o so rin i, ma ini peti inga i rin, aveto ioni rongan i mimi, na i el mimiong ponganga.

1 Jon 3:5

Aveto lomumu mire ako ve, Krais i velpol mo ako aro i eltetpot ler vothung kerenga areken. Na vothung kerenga e avele i voth a i nge.