Panongpolong Sivenga ako Jon i wat i 18:8 - Mangseng

⁸ Na Jisas i olal ole riong ve, “Na tho ria thomu nge lale, tho re ake, na eve o or re ake ini tho, mo modop tokokoe areke mo o es.”

Panongpolong Sivenga ako Jon i wat i 18:8 ပူးပေါင်းရင်းမြစ်များ

Matiu 26:56

Ave ur alavusnga ake aro i velpol mo i pavelpol nunganga ur alavusnga ako God ile riong elngare o wat i a ile erere nge lale.” Lamako ile wainlangaere o es lelpot nge i ma o lo.

Panongpolong Sivenga ako Jon i wat i 10:28

Na tho sung mimiong ako aro ile vusonga avele a or nge, na i pavurvur aro o penthal avele. Na toko e avele i pavurvur aro i eltetpot or a menik.

Panongpolong Sivenga ako Jon i wat i 13:1

Na nang omole ol inga ako aro Punseleainga a Aning i patea. Na Jisas ilemi mire ako i toth lale ako aro i losa a ulue ake mo i lo werer a Itema nge la. Na evelelnga ia sagu rintet toko elonga ake ru a ulue ako ini ile, na ponange aro i pathengal or nge ako ile asaguong aken i aolonga rintet.

Panongpolong Sivenga ako Jon i wat i 13:36

Lama Saimon Pita i nin a Jisas ve, “Toko Pomnga, aro ong es a kath?” Mako Jisas i olal ile riong ve, “Wop ako aro tho es nge, i pavurvur aro ong es nge ponange avele, aveto panen, aro ong es nge.”

Panongpolong Sivenga ako Jon i wat i 16:32

Tho nin venen aken, eneke nang i toth na i velpol lale ako aro thomu o lo vra a lomu vel omole omole, na toko e avele aro i voth tomo nge tho, aveto engek tho voth avele, eneke Vovo i voth tomo nge tho.

Panongpolong Sivenga ako Jon i wat i 18:7

Na Jisas i nina mun or ve, “Na thomu o or anga?” Ma o olal ile riong ve, “Ina Jisas ako ini Nasaret anga.”

Panongpolong Sivenga ako Jon i wat i 18:9

Na i ri venen aken, eneke ur ako i ri nge nomenga aro i velpol nunganga ako i ri vene, “Vovo, tokokoe areko ong sungu or a tho nge, kene e avele i penthal.”

1 Korin 10:13

Na aro ve tongporumong i velpol a thomu nge, aro lomumu mire ako ve, tongporumong areken ini ponganga avele, i velpol tel mun a tokokoe pelie nge lale. Na God i panes ile riong ako i kin i nomenga naro isa wenalo tongporumong ako aro i velpol a thomu nge, ako i aolonga nge lomu engenging, kene avele. Na aro ve tongporumong i velpoltun thomu, God aro i sung sovengalo ako aro thomu o mit engeng nge tongporumong aken.

2 Korin 12:9

Aveto i ria tho nge ve, “Aro avele, lek themosaling ako i voth tomo nge wong aro i opoal wong. Eneke lek engenging i pavurvur ako aro i opoal senu wong tova wong engeng avele.” Mako aro lemik sivenga rintet nge, na tho risea nge ur areko i velpol a tho nge, na nge lek engenging avele, eneke tho sis ve aro tokokoere o ate ako ve, Krais ile engenging i voth a tho nge.

Epesus 5:25

Na thomu toko peangere aro omu sagu ewomu sengengaere ranga ve ako Krais ia sagu toko lemioongare, na i sungpot isivenga ile mimiong a or nge,

1 Pita 5:7

Na matheong alavusnga ako lomumu i voth nge, aro o sungu i a i nge, eneke i theal thomu, na ilemi i voth nge thomu.