Panongpolong Sivenga ako Jon i wat i 17:4 - Mangseng

⁴ Na tho papomnga ong ake ru a ulue nge ako tho pavus omaing ako ong sungu i a tho nge ve aro tho oma i.

Panongpolong Sivenga ako Jon i wat i 17:4 ပူးပေါင်းရင်းမြစ်များ

Panongpolong Sivenga ako Luk i wat i 22:37

Eneke God ile erere i ri vene, ‘Tokokoere o ri ve ini toko kerenga ako i avsa patorong.’ Aisaia 53:12 Na riong ake i ri nge tho, naro i velpol nunganga a tho nge. Eneke God ile erere alavusnga ako i ri nge tho, aro i velpol nunganga.”

Panongpolong Sivenga ako Jon i wat i 12:28

Vovo, papomnga sivengom!” Na Jisas i ri venen aken lama lenging i espot a Pen a Urvet me, ma i ri ve, “Tho papomnga sivengek lale, naro tho oma mun i.”

Panongpolong Sivenga ako Jon i wat i 14:13

Na ur alavusnga ako thomu o nong i a tho nge, eneke thomu o panes tho, aro tho oma i, mo aro tokokoere o papomnga a Vovo nge lek omaing aken.

Panongpolong Sivenga ako Jon i wat i 14:31

Aveto tho sis ve aro toko na seng areke ru a ulue aro olemi mire ako ok sagu rintet a Vovo, na tho oma inga omaing elonga ako Vovo i pator tho nge ve aro tho oma i. Ita, mo te es.”

Panongpolong Sivenga ako Jon i wat i 15:10

Na aro ve thomu o panes lek riong, maken aro lek asaguong aro i voth a thomu nge, ranga ve ako tho panes a Vovo ile riong ma ile asaguong i voth a tho nge.

Panongpolong Sivenga ako Jon i wat i 19:28

Mako Jisas ilemi mire ako ve, i pavus ile omaing elonga lale. Ma i ria ve, “Thei i pun tho.” Na i ri venen aken mo aro i panunganga riong ako i voth a God ile erere nge.

Panongpolong Sivenga ako Jon i wat i 19:30

Mako Jisas i tumo i lamako i ria ve, “I vus.” Nako ikei wathou ma i rin ol.

Panongpolong Sivenga ako Jon i wat i 4:34

Lama Jisas i ria or nge ve, “Ok aning kene i vene: Aro tho panes inga God ilemi ako i pakeu tho me, naro tho pavus ile omaing elonga ako i sungu i a tho nge.

Panongpolong Sivenga ako Jon i wat i 5:36

“Aveto ritetong nge tho i voth ako i aolonga nge a Jon ile ritetong nge tho. Eneke omaing alavusnga ako tho oma i, ini omaing ako Vovo i sungu i a tho nge ve aro tho pavus i alavuspot. Na lek omaing aken i ritet thomu ve, Vovo i pakeu tho me.

Panongpolong Sivenga ako Jon i wat i 9:3

Mako Jisas i olal ole riong ve, “Toko ake ile vothung kerenga i oma i mo itheki pros, kene avele, tomo mun nge itema ome inina. Toko ake itheki pros mo aro tokokoere o thopol a God ile engenging ako aro i oma i a i nge.

Pakeke 20:24

Aveto lemik ve lek mimiong ini ur pomnga avele a tho nge. Na i pavurvur aro tho pangeipal nge lek mimiong avele, tova eve tho patopalal omaing ako Toko Pomnga a Jisas i sungu i a tho nge ranga ve ako aro tho ritet nge Panongpolong Sivenga ako nge a God ile themosaling.

2 Timoti 4:7

Na lok vur rintet mun nge sertetong lale. Na sertetong aken i ranga ve ini lek omaing ako tho oma i. Na tho pavus sertetong aken lale, na tho panes inga lek riong ako tho kin tel i lale tomo nge a Krais.