Panongpolong Sivenga ako Jon i wat i 16:32 - Mangseng

³² Tho nin venen aken, eneke nang i toth na i velpol lale ako aro thomu o lo vra a lomu vel omole omole, na toko e avele aro i voth tomo nge tho, aveto engek tho voth avele, eneke Vovo i voth tomo nge tho.

Panongpolong Sivenga ako Jon i wat i 16:32 ပူးပေါင်းရင်းမြစ်များ

Matiu 26:31

Lama Jisas i ria or ve, “Nge pemliknga ake aro thomu o thepol ur areko aro i velpol a tho nge naro thomu o lo nge tho, eneke God ile erere i ri ve, ‘God aro i so rin sipsip thealnga, mako aro sipsipre o petitel.’ Sekaraia 13:7

Matiu 26:56

Ave ur alavusnga ake aro i velpol mo i pavelpol nunganga ur alavusnga ako God ile riong elngare o wat i a ile erere nge lale.” Lamako ile wainlangaere o es lelpot nge i ma o lo.

Panongpolong Sivenga ako Mak i wat i 14:27

Ma Jisas i ria ile wainlangaere ve, “Thomu alavusnga aro o lo vra leltun tho ranga ve ako God ile erere i ri nge. Ma i ri vene, ‘Tho ini Toko Pomnga aro tho so rin sipsipre othealnga mo sipsip alavusnga aro o lo vra.’ Sekaraia 13:7

Panongpolong Sivenga ako Mak i wat i 14:50

A ur e avele na ile wainlangaere o lo vratunu i.

Panongpolong Sivenga ako Jon i wat i 12:23

Ma Jisas i olal ole riong ve, “Lek nang i velpol lale ako aro Toko Pomnga i papomnga Itun.

Panongpolong Sivenga ako Jon i wat i 16:2

Naro o pakealalpot thomu a Judare ole lotuonga a vel lemire. Naro nang e ako aro i velpol ako tokokoere aro o pun rin thomu, na olemi ve va o oma a God ile omaing.

Panongpolong Sivenga ako Jon i wat i 16:25

“Tho ri riong agelalnga a thomu nge, nge ur areke, aveto nang pelie ol aro tho ri riong agelalnga ol e avele a thomu nge. Aro tho panine senu ol lomumu nge a Vovo.

Panongpolong Sivenga ako Jon i wat i 16:31

Mako Jisas i olal ole riong ve, “Lomumuo lale ol nge tho, e?

Panongpolong Sivenga ako Jon i wat i 19:27

Mako i ria mun ile wainlanga aken ve, “Ake ini ninom.” Ma i patea nge nang aken ile wainlanga aken i wol ol i a ile vel la ma i theal ol i.

Panongpolong Sivenga ako Jon i wat i 20:10

Lamako Jisas ile wainlanga or aini aken o lo werer ol a ole pen la.

Panongpolong Sivenga ako Jon i wat i 4:21

Lama Jisas i ria i ve, “Tho ri nunganga a wong nge, nang e ako aro i es me ako tokokoere aro o lotual ol Titemer a tete ake avele ol, na ako la a Jerusalem mun avele.

Panongpolong Sivenga ako Jon i wat i 4:23

Na nang e ako aro i es me, na i velpol lale, ako tokokoere ako o lotual a God, aro o lotual i nge a Oni Riringa ile engenging aken ini lotuong nunganga, aken ranga ve ako God i sis ve aro tokokoere aro o lotual i.

Panongpolong Sivenga ako Jon i wat i 5:25

Tho ri nunganga a thomu nge, nang e ako aro i es me, kene i velpol lale, na tokokoe areko i ranga ve ako ooni o rin lale, aro o nongpol a God Itun ikei na areko o nongal ile riong aken aro o el mimiong.

Panongpolong Sivenga ako Jon i wat i 5:28

“Thomu o mothong tova o kukuk nge lek riong ake, nang e ako aro i velpol ako toko alavusnga ako o rin na o voth a oa vuvepunre, aro o nongpol ikei,

Panongpolong Sivenga ako Jon i wat i 8:16

Na aro ve tho pamit toko e nge riong, aro lek omaing aken i vengveng, eneke tho panes sivengek lemik avele. Vovo ako i pakeu tho me, i voth tomo e tho.

Panongpolong Sivenga ako Jon i wat i 8:29

Na toko ako i pakeu tho me, i kene i voth tomo nge tho, na i modoppot vet tho avele, eneke tho oma inga omaing ako ilemi sivenga nge.”

Pakeke 21:6

Lamako them mitu ol pel ma o ri ve, “Thomu o nak ol i.” Ma them ri ve, “E, aro thomu o voth ol venen.” Mako them thoteta ol a imot nge, nako o lo wererpot ol a ole la.

Pakeke 8:1

Ma Sol ilemi sivenga nge a Stiven ipunrinnga. Nge nang aken o patea ole vothung kerenga nge toko lemioongare ako o voth a Jerusalem. Taro ake toko lemioongare o lo meresu ma o es a epee a Judia na Samaria, aveto pakekere o voth inga a Jerusalem.