Panongpolong Sivenga ako Jon i wat i 15:24 - Mangseng

²⁴ Aro ve tho voth tomo nge or avele, na tho oma pathepolong areko toko e avele i oma i nomenga, kene avele, aro paomelaling avele nge ole vothung, aveto o thopol lek omaing lale ma oni silal tho tomo nge ok Vovo.

Panongpolong Sivenga ako Jon i wat i 15:24 ပူးပေါင်းရင်းမြစ်များ

Matiu 11:5

Ako toko theki prosngare o the werer, na toko eve lilngare o es ol, na tokokoe areko oni peti a putput o riri, na telnga gutngare o nongpol, na rinongare o mimi werera, na toko le ur avelengare o nongpol Panongpolong Sivenga.

Matiu 21:32

Eneke Jon i es a thomu nge ma i pathengal vothung vengvenga a thomu nge, na lomumuo a i nge avele, ave takis elngare tomo nge toko aomngare olemio a i nge. Na thomu o thepol ur aken lale, ave thomu o eksing lomu mimiong avele mo lomumuo a i nge avele.”

Matiu 9:33

Na Jisas i wistetpot tamata kerenga aken, mako toko rises aken i leng leng ol. Na toko na sengre o kukuk nge ma o ri ve, “Nomenga ur e avele i vene ake ako i velpol a Israel.”

Panongpolong Sivenga ako Mak i wat i 2:12

A ur e avele nako toko aken i mita, ma i ela ile ngosel, ma i es ol. Ma or vusnga o thopol i, ma o kukuk. Na or alavusnga o risea a God nge. Ma o ria ve, “Nomenga ako me i pavurvur ponange ake, te thopol ur e avele i vene ake.”

Panongpolong Sivenga ako Luk i wat i 24:19

Na Jisas i nina i ve, “Ur nekere?” Na o ria i ve, “Ur areko i velpol nge a Jisas ako ini Nasaret anga, ako ini a God ile riong elnga, na ile riong na ile omaing i engeng rintet ako a God itheki tomo mun a tokokoere otheki.

Panongpolong Sivenga ako Jon i wat i 10:32

Lamako Jisas i ria or ve, “Na tho oma omaing sivenga pulua ako a thekumu ako ranga ve Vovo i ria tho nge. Na kathnga ol ako o ri ve o pun rin tho nge, e?”

Panongpolong Sivenga ako Jon i wat i 10:37

Na aro ve tho oma Vovo ile omaing avele, make aro lomumuo nge tho avele.

Panongpolong Sivenga ako Jon i wat i 12:10

Mako pris kimangare o rirum mun a Lasarus isorinnga,

Panongpolong Sivenga ako Jon i wat i 12:45

Na toko ako i thopol tho, i thopol mun a Vovo ako i pakeu tho me.

Panongpolong Sivenga ako Jon i wat i 14:9

Na Jisas i olal ile riong ve, “Pilip, tho voth palolo tomo nge thomu, na lomum mire kek nge tho avele? Toko e ako i thopol tho, aken kene i thopol a Vovo. Na i vova ake ong ri ve, ‘Pathengal them nge a Vovo’, e?

Panongpolong Sivenga ako Jon i wat i 15:21

Naro o pamen kerere thomu, eneke thomu ini lek. Naro o oma venen aken, eneke olemi mire avele nge a Vovo ako i pakeu tho me.

Panongpolong Sivenga ako Jon i wat i 15:22

Aro ve tho es me avele ako aro tho sung riong a or nge, aro paomelaling avele nge ole vothung kerenga, aveto tho es me lale, mako o pavurvur avele ako aro o ri ve, ‘Lemimem mire avele ako lemem vothung i kerenga.’

Panongpolong Sivenga ako Jon i wat i 15:23

Na toko e ako ini silal tho, aken ini silal mun ok Vovo.

Panongpolong Sivenga ako Jon i wat i 16:9

Aro i pathengal or nge ako ole vothung i kerenga, eneke olemio nge tho avele.

Panongpolong Sivenga ako Jon i wat i 3:2

Na i es a Jisas nge pemlik, ma i ria i ve, “Pamirealinga, lemimem mire ako ong ini pamirealinga e ako i es a God nge me. Toko e avele i pavurvur ako aro i oma pathepolong ako ong oma ir, tova God i opoal i nge avele.”

Panongpolong Sivenga ako Jon i wat i 5:36

“Aveto ritetong nge tho i voth ako i aolonga nge a Jon ile ritetong nge tho. Eneke omaing alavusnga ako tho oma i, ini omaing ako Vovo i sungu i a tho nge ve aro tho pavus i alavuspot. Na lek omaing aken i ritet thomu ve, Vovo i pakeu tho me.

Panongpolong Sivenga ako Jon i wat i 6:36

I vene re ako tho ria tel i a thomu nge lale, ako thomu o thopol tho lale, aveto lomumuo nge tho avele.

Panongpolong Sivenga ako Jon i wat i 7:31

Aveto toko na seng pulua ako a or nge olemio nge i ma o ri ve, “Na toko ako God i ateal i ve aro i el werer ile tokokoere, aro ve i velpol, aro i oma pathepolong ako aro i aolo leltun toko ake iana? Aro avele. I re aken ini toko ako God i ateal i.”

Panongpolong Sivenga ako Jon i wat i 9:32

Na nomenga ma me i pavurvur ponange, toko e avele i nongpol kimaing e tova toko e i vles werer toko itheki ako inina i poppot i ma theki pros.

Panongpolong Sivenga ako Jon i wat i 9:41

Lama Jisas i olal ole riong ve, “Aro ve thekumu pros, aro lomu vothung kerenga aro i teo a thomu nge avele, aveto thomu o rivenga thomu o the, make lomu vothung kerenga rongan i voth.”

Pakeke 10:38

Lomumu mire mun nge a Jisas ako ini Nasaret anga, ako God i ateal i ma i sungu Ioni Riringa na ile engenging a i nge. Ma i es a pen elonga ma i oma senu nge toko na sengre. God i voth a i nge, mako i pamimi areko o voth a Satan imeni.

Pakeke 2:22

Jisas ako ini Nasareta ini toko ako God i patheng i a thomu nge, ma i papomnga i nge ako i oma paatealing na pathepolong na pakukukaling nge imeni ako ru a thomu nge, ako ranga ve lomumu mire nge lale.

Pol ile malueng ako i wat i a toko lemioongare nge ako o voth a rem pomnga a Rom 1:30

na o pakerenga tokokoere oion, na oni silal a God, na o ri tangatun nge tokokoere, na o magon, na o paroro osivenga oion, na olemi rum nge vothung kerenga ponganga omanga, na o avsa otemaere ome oninaere ole riong,

2 Timoti 3:4

naro ole olo tokokoere, naro olemi rum senu tel avele na o panes viri viri ako ini olemi, naro o vual nge magoning, naro oni plong ve aro o nongal a God, naro o sis inga ako ini vothung ulue anga.

Jems 4:4

Thomu o mothong a God lale, ranga ve ini seng ako i mothong iewo, na i ngo pelekpol tomo nge toko elonga. Lomumu mire senu ol ako ve, toko ako ia sagu vothung ulue anga, akennga ini silal a God. Maken toko e ako i panes vothung ulue anga ranga ve ako i panes ithanga, akennga i velpol ini a God ile ngarang.