Panongpolong Sivenga ako Jon i wat i 15:21 - Mangseng

²¹ Naro o pamen kerere thomu, eneke thomu ini lek. Naro o oma venen aken, eneke olemi mire avele nge a Vovo ako i pakeu tho me.

Panongpolong Sivenga ako Jon i wat i 15:21 ပူးပေါင်းရင်းမြစ်များ

Matiu 10:18

Naro o pamit thomu a mukalingare na nepesre otheki, eneke thomu ini lek. Aro i vene aken naro thomu o panongpol nge Panongpolong Sivenga a or nge na nge areko or ini Judare avele mun.

Matiu 10:22

Na toko alavusnga aro oni silalpot thomu, eneke thomu ini lek, ave tokokoe areko o mit engeng mo la i pavurvur nge mimiong ake ile vusong, God aro i el werer or.

Matiu 10:39

Na aro ve toko e i krim engeng isivenga ile mimiong, aro ile mimiong aken i penthal. Ave toko ako isivenga ile mimiong i penthal, eneke ini lek wainlanga, aro i el mimiong ako aro ile vusonga avele.

Matiu 24:9

“Naro nge nang aken o rere thomu na o sung paomelaling a thomu nge, naro o so rin rin thomu. Na toko alavusnga aro oni silal thomu, eneke lomumuo nge tho.

Matiu 5:11

“Sapase thomu e nang ako tokokoere o ri kerenga e thomu, na o oma tangatun e thomu, na o ri mun riong le apaltetonga nge thomu, eneke thomu o panes tho.

Panongpolong Sivenga ako Mak i wat i 13:13

Toko na sengre pulua aro oni silalpot thomu, eneke thomu ini lek, na tokokoe areko o mit engeng mo la i pavurvur nge mimiong ake ile vusong, aro o el mimiong ako aro ile vusonga avele.

Panongpolong Sivenga ako Luk i wat i 21:12

Na nge nang areken aro ur areken i velpol rongan, aro lomu ngarangre aro o pakerenga thomu na o rere thomu mo o pamit thomu nge riong a Judare ole lotuonga a vel lemire. Naro o paeso thomu a mang a midenga lemi, naro o pamit thomu nge riong, a mukalingare na nepesre otheki, eneke thomu ini lek.

Panongpolong Sivenga ako Luk i wat i 21:17

Na tokokoere alavusnga aro oni silalpot thomu, eneke thomu ini lek.

Panongpolong Sivenga ako Luk i wat i 6:22

Sapase thomu tova ve, tokokoere aro oni silal thomu na okime lelal thomu, na o voltet thomu, na o apet tangatun iomu, na o oma venen aken, eneke thomu o panes a Toko Pomnga Itun.

Panongpolong Sivenga ako Jon i wat i 15:24

Aro ve tho voth tomo nge or avele, na tho oma pathepolong areko toko e avele i oma i nomenga, kene avele, aro paomelaling avele nge ole vothung, aveto o thopol lek omaing lale ma oni silal tho tomo nge ok Vovo.

Panongpolong Sivenga ako Jon i wat i 16:3

Na o oma vothung aken, eneke olemi mire nge a Vovo tomo e tho, kene avele.

Panongpolong Sivenga ako Jon i wat i 17:25

“Vovo wong ini God vengvenga, tokokoe areko o panes vothung ulue anga olemi mire nge wong avele, ave lemik mire nge wong, na lek tokokoe areke, olemi mire ako ve, ong pakeu tho me.

Panongpolong Sivenga ako Jon i wat i 8:19

Mako Parisire o nina i ve, “Tomom aken i voth a kala?” Na Jisas i olal ole riong ve, “Lomumu mire nge tho avele, na lomumu mire mun nge ok Vovo avele. Aro ve lomumu mire nge tho, aro lomumu mire mun nge ok Vovo.”

Panongpolong Sivenga ako Jon i wat i 8:54

Ma Jisas i olal ole riong ve, “Aro ve tho papomnga sivengek, aro lek omaing aken ini ur polpolnga. Na toko ako i papomnga tho, ini a Vovo ako thomu o ri ve ini lomu God.

Panongpolong Sivenga ako Jon i wat i 8:55

Aveto lomumu mire vet nge i avele, aveto lemik mire nge i. Na aro ve tho ri ve, lemik mire nge i avele, aro tho ini toko le apaltetonga ranga ve ini thomu. Aveto lemik mire nge i na tho panes ile riong.

Pakeke 17:23

Na tho eso a lomu rem alumlumnga lemi ma tho thepolo ur areko thomu o lotual ir. Ma tho thepolo sungong a lekleka ako o wato nge ve, ‘Ake ini a god ako lemimem mire nge avele ile.’ Na God ake lomumu mire nge avele, aveto thomu o lotual polpol inga i. Na ponange tho panongpol thomu nge i.

Pakeke 26:9

“Na tho mun re ake nomenga lemik ve ako aro tho oma omaing pulua ako aro i mit rupal omaing ako Jisas ako ini Nasaret anga iion aro i kima nge.

Pakeke 3:17

“Na titeikre lemik mire ako ve, thomu na omu pompomere lomumu mire senu avele, make thomu o oma kerengaing a Jisas nge venen aken.

Pakeke 4:17

Aveto i mothong tova riong ake aro i es a pen elonga a toko na sengre nge. Make aro te ri engeng nge or paini ve, ‘Aro o mothong tova o ri ol riong pelie a toko na sengre nge, nge a Jisas iion.’”

Pakeke 5:41

Mako pakekere o plosa nge mukalinga or mule pa limai areken ma o espot a lalanga la, na olemi sivenga rintet, eneke God i papomnga or nge ako o el le maraing nge a Jisas iion.

Pakeke 9:14

Ma i el engenging a pris kimangare nge, ma i es me mo aro i rere toko na seng alavusnga ako ru o nong nge iom.”

Pakeke 9:16

Aro tho pathengal i nge matheong na sisisong ako aro i el i mo aro i opoal tho.”

Pol ile malueng ako i wat i a toko lemioongare nge ako o voth a rem pomnga a Rom 1:28

Na oni plong ve aro God ile mire nunganga i ngoo a olemi, mako God isa wompot or mo o panes osivenga ole lemi rumong kerenga, na o oma vothung kerenga ako i sivenga avele ako aro tokokoere o oma i.

1 Korin 15:34

Na lomu mire vengvenga i voth a kath? Naro o modop lomu vothung kerenga. Tho ri venen aken, eneke omu pelie olemi mire nge a God avele. Na lek riong ake aro i palemara thomu.

1 Korin 2:8

Na mukalinga areko o theal ulue na malang po kene, olemi mire nge sovengalo aken avele. Aro ve olemi mire nge, aro o pamona Toko Pomnga ako i voth tomo nge a God nomenga, a won ngoronga nge, kene avele.

2 Tesalonaika 1:8

Naro i paomelal areko oni plong ve aro olemi mire nge a God, na o panes ar Pomnga a Jisas ile Panongpolong Sivenga avele.

1 Jon 3:1

O, ken! O thepol vet Titemer a God ile asaguong aolonga ako i sungu i a it nge, make i apet it ini itutunre ol! Na i nunganga ako it ini a God itutunre ol! Aveto toko ulue angare o ate it ve ini itutunre avele, eneke olemi mire nge a God avele.

3 Jon 1:7

Naro wong oma venen aken nge or, eneke o oma ako ini a Krais ile omaing nge ole esong aken. Na o el opoaling e avele nge areko olemio nge Krais avele.

Riong Ngopatnga 2:3

Na lemik mire ako thomu o potun matheong nge panesngek na thomu o el kerengaing nge, aveto thomu o mit engeng nge.