Panongpolong Sivenga ako Jon i wat i 13:18 - Mangseng

¹⁸ “Na tho ri nge thomu alavusnga avele. Lemik mire nge areko tho ateal or lale. Aveto God ile erere aro i velpol nunganga ako i ri ve, ‘Toko ako i an tomo nge tho kene ikime lelalpot tho.’ Buk Song 41:9

Panongpolong Sivenga ako Jon i wat i 13:18 ပူးပေါင်းရင်းမြစ်များ

Matiu 10:36

Na lom vel lemiare aro velpol ini lom ngarangre.’ Maika 7:6

Matiu 26:21

O men ma o an, ma i ria or ve, “Tho ri nunganga a thomu nge, thomu ake omu omole aro i teltun tho a ngarangre omeni.”

Matiu 26:23

Ma Jisas i olal ole riong ve, “Toko ako i paesu ia bret tomo nge tho a oto lemi, toko aken aro i teltun tho a ngarangre omeni.

Panongpolong Sivenga ako Mak i wat i 14:17

Na toth ol nge pemliknga, na Jisas ome ile wainlanga or mule pa omole pothoi or aini o velpol.

Panongpolong Sivenga ako Mak i wat i 14:18

Ma rongan o menen ma o anan, ma Jisas i ria or ve, “Tho ri nunganga a thomu nge, omu e ake aro i teltun tho a ngarangre nge. Tho tomo e toko ake, them paini them an tomo nge pel.”

Panongpolong Sivenga ako Mak i wat i 14:20

Mako Jisas i olal i a or nge ve, “Omole inga nge thomu or mule pa omole pothoi or aini aken, i re ake them paini them pamolok bret nge oto omole.

Panongpolong Sivenga ako Luk i wat i 22:21

Aveto o thopol toko ake i an tomo e tho, aro i teltun tho a ngarangre omeni!

Panongpolong Sivenga ako Jon i wat i 13:21

Na Jisas i ri venen aken, lamako ilemi kerere rintet na i ritet senu ve, “Tho ri nunganga a thomu nge, omu ko e aken aro i sungu tho a ngarangre omeni.”

Panongpolong Sivenga ako Jon i wat i 13:22

Lamako ile wainlangaere o theal theala pel, eneke olemi mire nge oa kathnga ako i ri nge i, kene avele

Panongpolong Sivenga ako Jon i wat i 13:26

Ma Jisas i olal ile riong ve, “Aro tho papisu bret ake mo tho sungu i a i nge koto i re aken.” Mako Jisas i ela bret ma i papisu i lama i sungu i a Judas ako ini a Saimon Iskariot itun.

Panongpolong Sivenga ako Jon i wat i 15:16

Thomu o ateal tho ve tho ini omu pomnga, kene avele, tho ateal thomu ve aro thomu ini lek, na tho sungu omaing a thomu nge ve aro lomu omaing aken aro i mon mo i pom, naro ile monaing aro ile vusonga avele. Maken Vovo aro i sungu ur alavusnga ako thomu o nong i a i nge, eneke thomu o panes tho.

Panongpolong Sivenga ako Jon i wat i 15:19

Aro ve thomu o men ranga ve ini tokokoe areko o panes vothung ulue anga, aro oa sagu thomu ranga ve ini olengare. Aveto tho ateal thomu ve aro thomu o velpol ini tokokoe areko o panes vothung ulue anga avele. Na ponange thomu ini tokokoe areko o panes vothung ulue anga avele, make tokokoe areko o panes vothung ulue anga, oni silal thomu.

Panongpolong Sivenga ako Jon i wat i 15:25

Aveto ole vothung aken kene i panunganga riong ako nomenga i voth nge ole patorong, kene i ri vene: ‘Tokokoere oni silal polpol tho, na tepun e avele.’ Buk Song 35:19; 69:4

Panongpolong Sivenga ako Jon i wat i 17:12

Na nge wop lemi ako tho voth tomo nge or, tho theal senu or nge lom engenging ako ong sungu i a tho nge. Ma oa e avele i penthal, aveto ini inga omole ako ilemi altet ma i penthal ranga ve ako lom erere i ri nge ma i velpol nunganga.

Panongpolong Sivenga ako Jon i wat i 18:32

Na nomenga Jisas i ritet nge sovengalo ako aro i rin nge, na ur ake i velpol mo ako aro i panunganga ile riong aken.

Panongpolong Sivenga ako Jon i wat i 19:24

Na punongare o ria pel ve, “Aro te inrapot i avele. Aro te asisal nge satu mo aro lemir mire nge toko kathnga ako aro i el i.” Na ur areken i velpol ako aro i panunganga riong ako i voth a God ile erere nge ma i ri ve, O thomreu pel nge lek teunongre. Na o asisal nge satu mo aro ve oa kathnga i mukal aro i ela lek tekruk.” Buk Song 22:18 Mako punongare o oma i venen aken.

Panongpolong Sivenga ako Jon i wat i 19:36

Na ur areke i velpol mo ako aro i panunganga ur ako God ile erere i ri nge. Na i ri ve, Aro ipokinnga e avele aro i vulkor.” Kisim Bek 12:46

Panongpolong Sivenga ako Jon i wat i 21:17

Na Jisas i ria mun pa menga a i nge ve, “Saimon ako ini a Jon itun om sagu tho?” Ma Pita ilemi kerere, eneke Jisas i nina i pa or me ve, “Om sagu tho?” Mako i ria i ve, “Toko Pomnga, lomum mire nge ur alavusnga, na lomum mire ako ve, ok sagu ong.” Ma Jisas i ria mun i ve, “Aro ong theal lek tokokoere ranga ve ini sipsipre.

Panongpolong Sivenga ako Jon i wat i 6:70

Na Jisas i ria mun or ve, “I nunganga ako tho ateal thomu toko or mule pa omole pothoi or aini ve aro thomu ini lek, aveto omu omole ini a Satan ile.”

Pakeke 1:16

Ma Pita i ria ol or ve, “Titeikre, ine riong omole ako o wat i a erere nomenga, i velpol ol lale. Nomenga God Ioni Riringa i pavelpolpot i a nepes a Devit iwo. Ma i ri nge omaing ako aro Judas i oma i. Ini toko aton ru i pathengal tokokoe areko o rere a Jisas. Na ponange riong ake i velpol nunganga lale.

Pakeke 1:2

na i mul nge nang ako God i ela i roro a Pen a Urvet la. Na nomenga Jisas i ateal tokokoe pelie ve ini ile pakekere, na i pator or nge a God Ioni Riringa ile engenging.

2 Korin 4:5

Na them panongpol ve aro thomu o nongal nge them, kene avele, aveto them panongpol ve aro thomu o nongal nge a Jisas Krais, eneke ini ar Pomnga. Na them ini lomu umongare, eneke them oma a Jisas ile omaing.

Hibru 4:13

Na ur e avele ako God i pamenu i, i pavurvur ako aro i ngo kineo a itheki. Na ur alavusnga i ngo pat inga a itheki. Na ini a God ako aro te mit nge riong a itheki, naro i avrum it nge ler vothung alavusnga.

Riong Ngopatnga 2:23

Naro tho pun rin areko o panes ile pamirealing, maken toko lemioonga alavusnga aro olemi mire ako tho ini toko ako lemik mire nge toko alavusnga oopo na olemi, naro tho olal vengveng i a or omole omole nge, i pavurvur nge ur areko o oma i.