Panongpolong Sivenga ako Jon i wat i 11:19 - Mangseng

¹⁹ Na toko pulua ako a epee a Judia o es mo o thopol a Marta ome a Maria mo o okup or paini, ke olunnga i rin.

Panongpolong Sivenga ako Jon i wat i 11:19 ပူးပေါင်းရင်းမြစ်များ

Panongpolong Sivenga ako Luk i wat i 10:39

Na Marta itein omole ako iion a Maria i es me ma i menu totho ako ru a Toko Pomnga ieve tepun mo i nongpol ile pamirealing.

Panongpolong Sivenga ako Luk i wat i 10:42

Aveto ur omole inga aken aro i pavurvur. Na Maria i sis ako ve, i oma ur ako i sivenga, na toko e aro i eltetpot ol i a i nge avele.”

Panongpolong Sivenga ako Jon i wat i 1:19

Mako Judare oa pompomere ako o voth a Jerusalem o pakepot pris pelie na ole opoalingare mo aro o nin a Jon ve, “Ong ini ao?”

Panongpolong Sivenga ako Jon i wat i 11:1

Na toko omole ako iion a Lasarus, kene i ngoo. Na i voth nge rem pomnga ako iion a Betani, ako ini a Maria ome iteinnga a Marta ole rem tepun.

Panongpolong Sivenga ako Jon i wat i 11:31

Na Judare ako o okup a Maria a vel lemi, ma o thopol ako Maria i espot viri viri, mako o paneso i, eneke o rivenga aro i es a vuvepun mo i tang nge.

Panongpolong Sivenga ako Jon i wat i 11:33

Na Jisas i thopol ako Maria i tang, na i thopol mun ako Juda pelie ako o panes i kene o tang tomo mun nge i, ma ilemi kerere rintet.

Panongpolong Sivenga ako Jon i wat i 11:36

Lama Judare o ria ve, “Thopol vet, ia sagu rintet re i ake.”

Panongpolong Sivenga ako Jon i wat i 11:45

Na Juda pom ako o es me ma o okup a Maria kene o thopol ur ako Jisas i oma i, mako olemio a i nge.

Panongpolong Sivenga ako Jon i wat i 11:8

Ave o olal ile riong ve, “Pamirealinga, worse re atike Judare ako a epee a Judia o ri nge pun rinngom nge umre, nake ong ri ve te lo werer mun a epee a Judia la, e?”

Pol ile malueng ako i wat i a toko lemioongare nge ako o voth a rem pomnga a Rom 12:15

Na aro ve omu pelie o risea, aro o risea tomo nge or. Na aro ve omu pelie o tang, aro thomu o okup or nge tanging.

2 Korin 1:4

Na i opoal them nge lemem matheong alavusnga potunnga mo aro them opoal mun tokokoe areko o el matheong, naro them opoal or nge opoaling ako God i sungu i a them nge.

1 Tesalonaika 4:18

Na riong aken i nunganga, maken aro thomu o paengeng pel lomumu nge riong aken.

1 Tesalonaika 5:11

Maken aro thomu o kis inga vothung ako aro o paengeng pel lomumu nge, naro o opoal pel sivengomu mo lomu lemioong i mit engeng inga, ranga ve ako ponange thomu o oma i.