Panongpolong Sivenga ako Jon i wat i 1:49 - Mangseng

⁴⁹ Lamako Nataniel i olal a Jisas ile riong ve, “Pamirealinga, ong ini a God Itun, na ong ini Israelre ole nepes.”

Panongpolong Sivenga ako Jon i wat i 1:49 ပူးပေါင်းရင်းမြစ်များ

Matiu 14:33

Na areko o voth a wok nge o lotual ol a Jisas, ma o ria ve, “I nunganga, ong ini a God Itun.”

Matiu 2:2

Ma o nina ve, “Povothvoth aton mo aro i velpol ini Judare ole nepes, i voth a kath? Eneke, them voth a epee ako nang i povlesa nge me ma them thepol sivemit ako i paateal nge ile velpoling. Make them es me mo them lotual i.”

Matiu 21:5

“Panongpol riong ake a toko na seng Saion angare nge, ‘Thepol, lomu nepes i es me. I paruru isivenga na i men a donki ikime nge ome itun okime na i es me.’” Aisaia 62:11

Matiu 23:7

Na o sis rintet ako ve, aro tokokoere o pathokeal or a pathunonga a penre ranga ve ako or ini toko pompomere, na o sis mun ve aro tokokoere o apet or, ‘Pamirealinga’.

Matiu 23:8

“Aveto tokokoere o mothong tova o apet thomu ve, ‘Pamirealinga’, eneke thomu alavusnga ini titeinpel na lomu Pamirealinga inga omole.

Matiu 27:11

Lama Jisas i mit a gavana itheki, ma Pailat ako ini gavana i nin a Jisas ve, “Wong ini Judare ole nepes?” Ma i ri ve, “I vene re ako ong ri nge.”

Matiu 27:42

Ma o ri ve, “I opoesal toko rel relngare, ave i pavurvur nge isivenga opoesalnga avele. Tova ini Israelre ole nepes, aro i esu vet a won ngoronga nge me, moro aken aro lemiro nge i.

Matiu 4:3

Na a ur e avele na Satan i es a i nge me, ma i ria i ve, “Tova ve ong ini a God Itun, aro ong ria um areke mo o eksing mo ini bret.”

Panongpolong Sivenga ako Mak i wat i 15:32

I sivenga ako aro Krais ako ini Israelre ole nepes aro i lostetpot a won ngoronga nge me, na aro ve i oma i venen aken, aro it alavusnga aro te thopol i mo aro ler lemioong nge i ako ve, ini toko ako God i ateal i ve aro i el werer it.” Na toko or aini mun aken, ako o pamon tomoa mun or nge i, kene o ri mun riong kerenga a i nge.

Panongpolong Sivenga ako Luk i wat i 1:35

Ma ensel i olal ile riong ve, “God Ioni Riringa aro i eso a wong nge, naro God ako i roro rintet ile engenging aro i seltun ong, maken aro wain riringa ako aro ong pop i aro o apet i ve ini a God Itun.

Panongpolong Sivenga ako Luk i wat i 19:38

Ma o ri ve, “Sapase nepes ake i es nge Toko Pomnga iion me!” Buk Song 118:26 “Te risea a God iion roro nge ile omaing sivenga a it nge, na nge men senuong ako i sungu i a it nge.” Aisaia 56:7

Panongpolong Sivenga ako Jon i wat i 1:18

Na toko e avele ako i thopol a God, aveto Itun omole inga aken i mun re inga ake ini a God na i voth a Itema ilo sei, i kene, i panine tokokoere olemi nge i.

Panongpolong Sivenga ako Jon i wat i 1:34

Na tho thopol i lale, na tho ritet thomu ve, ake ini a God Itun.”

Panongpolong Sivenga ako Jon i wat i 1:38

Mako Jisas i the singal werer ma i thopol or paini ako o panes i, ma i nina or paini ve, “Thomu paini o vo neke?” Ma or paini o olal ile riong ve, “Rabai, lom vel kath?” Na Rabai ake mirenga ako ve, “Pamirealinga.”

Panongpolong Sivenga ako Jon i wat i 1:50

Lamako Jisas i ria mun i ve, “Lomumo ol nge tho, eneke tho ria ong nge ako ve, tho thopol ong ako a pupos tepun. Aro ong thopol ol ur ako i aolonga nge ake.”

Panongpolong Sivenga ako Jon i wat i 18:37

Mako Pailat i nina i ve, “E, ong ini nepes, e?” Ma Jisas i olal ile riong ve, “Ong apet tho ini nepes na lom riong aken kene i nunganga, na tho velpol ake ru a ulue mo aro tho oma omaing omole inga ako aro tho panongpol nge riong nunganga. Na toko elonga ako oa sagu ur ako i nunganga, o nongal lek riong.”

Panongpolong Sivenga ako Jon i wat i 4:31

Lama ile wainlangaere o ri engeng a i nge ve, “Pamirealinga, i sivenga ako aro ong an tel.”