Panongpolong Sivenga ako Jon i wat i 1:4 - Mangseng

⁴ Na ienga inga ini mimiong tepun, na mimiong aken i ranga ve ini theki lalainga ako i pathengal tokokoere nge ur ako i nunganga.

Panongpolong Sivenga ako Jon i wat i 1:4 ပူးပေါင်းရင်းမြစ်များ

Matiu 4:16

Na toko areken, o voth a mideng aolonga lemi, aro o thepol pen lalanga aolonga. Na areko o voth a rinong lemi, pen lalanga i to a or nge lale.” Aisaia 9:1-2

Panongpolong Sivenga ako Luk i wat i 2:32

Na ini the lalainga ako aro i pathengal lom sovengalo nge tokokoe areko ini Judare avele. Naro o paesa lom toko Israelre oion roro nge i.”

Panongpolong Sivenga ako Jon i wat i 11:25

Ma Jisas i ria i ve, “Tho ini toko ako tho palos werera tokokoere na tho sung mimiong a or nge. Areko olemio nge tho, aro ve o rin a ulue, aro o mimi a Pen a Urvet.

Panongpolong Sivenga ako Jon i wat i 12:35

Lama Jisas i olal ole riong ve, “Na pen lalanga aro i voth tomo nge thomu palolo tie. Naro thomu o es nge ako pen lalanga rongan i voth tomo nge thomu, maken aro mideng i seltun thomu avele, eneke toko ako i es nge mideng, ilemi mire nge wop kathnga ako i es nge, kene avele.

Panongpolong Sivenga ako Jon i wat i 12:46

Na tho esu a ulue ake me ranga ve ini pen lalanga, mo aro tokokoe areko olemio nge tho, aro o voth ol a mideng avele.

Panongpolong Sivenga ako Jon i wat i 14:6

Mako Jisas i olal ile riong ve, “Tho ini so, na riong nunganga, na mimiong tepun. Engek re inga ake ini so ako aro tokokoere o panes i mo o es a Vovo nge. Na so ol e avele ol.”

Panongpolong Sivenga ako Jon i wat i 3:19

Na paomelaling tepun kene i vene: Pen lalanga i esu a ulue me lale, aveto tokokoere o sis mideng na oni plong nge pen lalanga, eneke ole vothung i kerenga.

Panongpolong Sivenga ako Jon i wat i 5:21

Na ranga ve ako God i sung werer mimiong nge areko o rin lale, na Itun mun, aro i sung mun mimiong nge tokokoe areko i sis ve aro i sung i a or nge.

Panongpolong Sivenga ako Jon i wat i 5:26

Na ranga ve ako Vovo ini mimiong tepun, i sung engenging a Itun nge mo ini mimiong tepun.

Panongpolong Sivenga ako Jon i wat i 8:12

Ma Jisas i ria mun tokokoe areko o voth a Lotu Tepun a Vel a lok lemi ve, “Engek, tho ini toko ako tho sung pen lalanga a toko ulue angare nge. Na areko o panes tho, aro o el pen lalanga ako i pathengal or nge mimiong a so, naro o es ol a mideng lemi avele.”

Panongpolong Sivenga ako Jon i wat i 9:5

Na rongan tho voth ake ru a ulue, ma tho ini toko ulue angare ole theki lalainga.”

Pakeke 26:23

Ma o ri ve toko ako God i ateal i ve aro i el werer ile tokokoere, aro i el sisisong, ma ini toko teltelnga ako aro i los werera nge rinong mo aro i panongpol ilengare na tokokoe areko or ini Judare avele, nge pen lalanga ako i pathengal or nge sovengalo ako aro God i el werer or nge.”

1 Korin 15:45

Na i ranga ve mun ako God ile erere i ri nge, na i ri vene: “God i oma toko teltelnga ako ini a Adam ma i sung mimiong a i nge.” Stat 2:7 Aveto God i palos werera a Krais ako o apet i ve ini a Adam rumongalinga, na mimiong ako i sungu i a i nge, i rel, eneke Krais i pavurvur ako aro i sung mun i nge areko olemio nge i.

Epesus 5:14

eneke the lalainga i palala ur alavusnga, na i ranga ve ako tokokoere o ri nge na o ri vene: “Vung, vurpola werer nge rinong na mita mo Krais aro i totun ong.”

Kolosi 3:4

Na lomu mimiong nunganga i voth nge a Krais ipanesnga, na nge nang ako aro Krais i velpol, aro thomu o velpol tomo mun nge i nge ile tolilisong.

1 Jon 1:1

Them wat nge toko ako ulue ake i velpol rongan na i voth tel lale. Na them nongpol ikei ako i leng leng, na them thepol i nge thekimem, na them the a i nge, na menimem i vugir mun i. Na ini toko ako ile riong i sung mimiong a tokokoere nge, na them panongpol thomu nge ile riong aken.

1 Jon 1:2

Na mimiong tepun aken i velpol ol a pen lalanga, ma them thepol i ma them ritet nge. Na them panongpol thomu nge toko aken ve ini mimiong ako aro ile vusonga avele kene tepun, ako nomenga i voth tomo nge Titemer a God, ma i velpol a them nge lale.

1 Jon 5:11

Na riong nunganga ako God i ritet i a it nge lale kene i vene: God i sungu mimiong ako aro ile vusonga avele a it nge lale. Na mimiong aken tepun i voth inga a Itun nge.

Riong Ngopatnga 22:1

Lamako ensel aken i pathengal tho nge thei ako i sung mimiong ako i nine rintet, ma thei aken i lelpot ako a God ome Sipsip Tun ole nepes a menonga aken nge me.

Riong Ngopatnga 22:16

Na Jisas i ri vene, “Tho ini a Jisas, ako tho pakepot lek ensel mo aro i ritet nge ur areke a thomu toko lemioongare nge. Tho ini nepes a Devit itevinga na i kene i ranga ve ini longongek na tho tepot mun a i nge, na tho ranga ve ini lempoa ako i tolilis rintet.”