Panongpolong Sivenga ako Jon i wat i 1:34 - Mangseng

³⁴ Na tho thopol i lale, na tho ritet thomu ve, ake ini a God Itun.”

Panongpolong Sivenga ako Jon i wat i 1:34 ပူးပေါင်းရင်းမြစ်များ

Matiu 11:27

Na Jisas i ria mun ve, “Vovo i sung ur alavusnga lale a menik. Vovo inga ilemi mire nge isivenga Itun, na toko relnga e ilemi mire nge i avele. Na toko e avele mun ilemi mire nge a Vovo, ini inga Itun ilemi mire nge i. Itun i ateal mun toko pelie ako i pathengal ia Vovo a or nge, mo or inga ako olemi mire nge a Vovo.”

Matiu 16:16

Saimon Pita i olal ile riong ve, “Wong ini toko ako God i ateal i ve aro i el werer ile tokokoere. Na wong ini a God ako i mimi evelelnga Itun.”

Matiu 17:5

Rongan Pita i ri na songen velelesnga ako i tolilis rintet i pavlestun or, na riong i espot a songen lemi me, ma i ri ve, “Ake ini Tuk a urvet, ako lemik sivenga rintet nge i. Aro thomu o nongpol ile riong.”

Matiu 26:63

Ave Jisas i ria vet riong e avele. Ma Prisre oa Pomnga i ria i ve, “Nge a God iion ako i mimi tho nong ong ve, aro ong ria nunganga a them nge ve, wong ini toko ako God i ateal wong ve aro ong el werer ile tokokoere? Na ong ini a God Itun?”

Matiu 27:40

Na o ri ve, “Wong ini toko ako aro wong teu Lotu Tepun a Vel ma wong ari werera mun i nge nang or me. Tova ong ini a God Itun, aro ong opoesal sivengom. Aro ong moluspot a won ngoronga nge mo esu me.”

Matiu 27:43

Ilemio a God nge na i ri ve, ‘Tho ini a God Itun’, aro ve God ia sagu i, aro i opoal i ponange ake.”

Matiu 27:54

Ma punongare ole mukalinga na punongare ako o voth tomo nge i mo o theal tetal a Jisas, o thepol wiring i velpol na ur areko i velpol, ma o ngeip rintet na o ri ve, “I nunganga, ake ini a God Itun.”

Matiu 3:17

Ma lenging i esu a Pen a Urvet me ma i ri ve, “Ake ini Tuk a urvet, ako lemik sivenga rintet nge i.”

Matiu 4:3

Na a ur e avele na Satan i es a i nge me, ma i ria i ve, “Tova ve ong ini a God Itun, aro ong ria um areke mo o eksing mo ini bret.”

Matiu 4:6

Ma i ria i ve, “Tova ve, ong ini a God Itun, aro ong opthou la, ke God ile erere i ri ve, ‘God aro i ria ile enselre mo aro o theal ong. Naro o monteta la ong nge omeni, mo aro evom i tup nge um e avele.’” Buk Song 91:11-12

Matiu 8:29

Na o presa viringa ve, “Wong ini a God Itun. Na ong vova ake ong es a them nge me, e? Nang ako ong ateal i ve aro them kerenga nge, kene i velpol rongan na ong es me mo aro ong pakerenga tel them, e?”

Panongpolong Sivenga ako Mak i wat i 1:1

Ake ini pateanga nge Panongpolong Sivenga nge a Jisas Krais ako ini a God Itun.

Panongpolong Sivenga ako Mak i wat i 1:11

Na God ile lenging i espot a Pen a Urvet lemi me, ma i ri ve, “Wong ini tuk ako ok sagu rintet wong, na lemik sivenga rintet nge wong.”

Panongpolong Sivenga ako Luk i wat i 1:35

Ma ensel i olal ile riong ve, “God Ioni Riringa aro i eso a wong nge, naro God ako i roro rintet ile engenging aro i seltun ong, maken aro wain riringa ako aro ong pop i aro o apet i ve ini a God Itun.

Panongpolong Sivenga ako Luk i wat i 3:22

Na Oni Riringa i esu a i nge me, ma i ranga ve ini pothu, ma i men a i nge. Na lenging ako i espot a sepsa lemi me ma i ri ve, “Wong ini tuk ako ok sagu rintet wong, ma lemik sivenga rintet mun nge wong.”

Panongpolong Sivenga ako Jon i wat i 1:18

Na toko e avele ako i thopol a God, aveto Itun omole inga aken i mun re inga ake ini a God na i voth a Itema ilo sei, i kene, i panine tokokoere olemi nge i.

Panongpolong Sivenga ako Jon i wat i 1:49

Lamako Nataniel i olal a Jisas ile riong ve, “Pamirealinga, ong ini a God Itun, na ong ini Israelre ole nepes.”

Panongpolong Sivenga ako Jon i wat i 10:30

Them e a Vovo them omole inga.”

Panongpolong Sivenga ako Jon i wat i 10:36

Na toko ako God i ateal i mo i riri na i pakeu i ake ru a ulue me kene i pomnga nge or, na aro ve i apet or ini godre, i vova ake thomu o ri ve tho ri tangatun nge a God nge ako tho ri ve, ‘Tho ini a God Itun,’ e?

Panongpolong Sivenga ako Jon i wat i 11:27

Ma i olal ile riong ve, “Ena, Toko Pomnga, lemik ako ve, wong ini toko ako God i ateal ong ve aro ong el werer ile tokokoere, na wong ini a God Itun, ako i kin ile riong ve aro i pakeu ong a ulue me.”

Panongpolong Sivenga ako Jon i wat i 19:7

Lama puluangare o olal ile riong ve, “Lemem patorong omole ako i voth ako i ri ve aro i rin, eneke isivenga i ri ve, ini a God Itun.”

Panongpolong Sivenga ako Jon i wat i 20:28

Mako Tomas i olal ile riong ve, “Wong ini ok Pomnga na wong ini lek God.”

Panongpolong Sivenga ako Jon i wat i 20:31

Aveto tho watu riong areke mo aro lomumo ako ve, Jisas ini toko ako God i ateal i ve aro i el werer ile tokokoere, na ini a God Itun. Na tho wat mun riong areke mo aro ong el mimiong nge lom lemioong a i nge.

Panongpolong Sivenga ako Jon i wat i 6:69

Na lemem lemioong na lemimem mire ako ve, engom inga ini a God ile toko riringa.”

Pol ile malueng ako i wat i a toko lemioongare nge ako o voth a rem pomnga a Rom 1:4

na ioni i riri rintet, aken i pathengal it ako ve, ini a God Itun ako ile engenging i aolonga, eneke i los werera nge rinong, ini ar Pomnga a Jisas Krais.

2 Korin 1:19

Na tho ri vene aken, eneke panongpolong ako nge a God Itun ako ini a Jisas Krais ako Sailas na Timoti na tho, them panongpol thomu nge, kene them eksing i avele. Na Jisas mun i eksing a God ile riong avele.

Hibru 7:3

Na God ile erere i ritet nge inina ome itema avele, na i ritet nge ititeviere mun avele, na i ritet nge imanenga na ile rinong mun avele. Na i venen aken, mako i velpol ini patongrumong ako i ranga ve ini a God Itun ako i voth ini pris evelelnga ako aro ile vusonga avele.

1 Jon 2:23

Na toko ako i lel ikime nge a God Itun aken, akennga i lel mun ikime nge Titemer a God. Na toko ako ilemio nge a God Itun, akennga i lemio mun nge Titemer a God.

1 Jon 3:8

Na toko ako i mostun inga nge vothung kerenga omanga ini a Satan ile, eneke nomenga vet ako me i patea nge ur alavusnga patenga, Satan i mosal inga nge vothung kerenga omanga. Na tepun ako God Itun i velpolu ake, mo aro i pakerenga a Satan ile omaing.

1 Jon 4:9

Na God i pathengal it ako ve, ia sagu rintet it, nge ako i pakeu Itun omolenga aken, a ulue me mo i sung mimiong ako aro ile vusonga avele a it nge, ako nge ile rinong.

1 Jon 5:20

Na lemir mire mun ako ve, God Itun i es me lale, na i sungu lemi rumong ninenga a it nge, mo ako aro lemir mire senu nge ur ako God nunganga i sis ve aro te oma i. Na te teo a God nunganga nge, ako nge ler teoong a Itun a Jisas Krais nge. Na Jisas Krais ini a God nunganga. Na ini mimiong ako aro ile vusonga avele kene tepun.

2 Jon 1:9

Na aro ve toko e i krim engeng a Krais ile patoraling avele, na i avsa ma i panes riong relnga e, aken God i voth tomo nge i avele. Aveto aro ve toko e i krim engeng a Krais ile patoraling, aken Titemer a God tomo nge Itun o voth a i nge.

Riong Ngopatnga 2:18

Ma toko aken i ria mun ve, “Aro ong wat malueng a lotuonga areko a rem a Taiataira othealnga, naro ong wat vene: Tho ini a God Itun na thekik i tolilis ranga ve ini won sesenga ile lallaing, na evek i tolilis rintet ranga ve ini bras ako o ongtun i ponganga mo i riri rintet ma i tukling tukling. Na lek riong a thomu nge i vene: