Hibru 9:4 - Mangseng

⁴ Na ur elonga ako ini “Pen ako i Riri Rintet” ile kene i vene: Sungong a lekleka ako o oma i nge gol ako o ongtunu ongtuna ur una vrongare nge, na i voth a mukaling a lavlav aolonga aken nge. Na ako a epee aken lemi, God ile riong kinnga a bokis ako o viv gol a ilemi na a lalanga a ikime, kene i voth nge. Na aning mei ako o oma i nge gol i ngo a bokis aken lemi, na i vual nge aning ako o apet i ve ini “Mana.” Na Aron ile eel ako nomenga kene i susup i voth mun a lemi. Na um velvelnga or aini ako God i wat ile riong kinnga nge i voth mun a lemi.

Hibru 9:4 ပူးပေါင်းရင်းမြစ်များ

Riong Ngopatnga 11:19

Na o vo venen aken, lamako God ile Lotu Tepun a Vel ako a Pen a Urvet lemi i thep, na tho thopol a God ile riong kinnga a bokis ako ini ile vothinga. Na pen kitnga i kit, na pen akrunga i akrung, na wiring i tok, na vit ako i molnga i pootitoli na i merir merir i apuplutu.

Riong Ngopatnga 8:3

Na ensel relnga mun e ako i krim oto ako o oma i nge gol i es me, ma i mitu a God itheki totho a sungong a lekleka ako o oma i nge gol, na i voth a mukaling nge nepes a menonga aken. Na o sung ur una vronga pulua a ensel aken nge mo aro i sul tomo i nge ur ako i paateal a God ile tokokoere ole nongongre, ma i odoroka sungong aken a won mikeri nge ako i voth a sungong a lekleka aken nge, ma o klung na or alaini oklunga i suthultun pel a God nge la.