Hibru 7:11 - Mangseng

¹¹ Naro tho ri werer mun nge lek riong ako tho ri tel i a thomu nge lale, nomenga Israelre o el a Moses ile patorong ako i ri ve, Livai ilengare oenga aro o oma pris a omaing. Na aro ve ole omaing aken i pavurvur ako aro i oma tokokoere mo o riri a God itheki, i vava ako God i ri mun nge pris a omaing relnga e ako aro i velpol a rumongaling me, e? Pris a omaing aken aro i velpol ranga ve ini a Melkisedek ile omaing, aro i ranga ve ini a Livai ome a Aron olengare ole omaing avele. I ri nge aken, eneke Aron ilengare ole omaing i pavurvur aro i opoal tokokoere mo o riri a God itheki, kene avele.

Hibru 7:11 ပူးပေါင်းရင်းမြစ်များ

Galesia 2:21

Na tho krim engeng a God ile themosaling, eneke aro ve toko e i velpol ini toko vengvenga a God itheki tova ve i panes inga a Moses ile patorong, aken kene Krais ile rinong kene ini ur polpolnga inga.

Galesia 4:3

Na i vene mun nge it Judare, nomenga Moses ile patorong i theal it ranga ve ini it ini toko um polpolongare.

Galesia 4:9

Aveto ponange thomu o elo a God a lomumu, eve aro tho ri ve, God i elo thomu a i nge. Na i vova ake lomumu werero mun nge god le apaltetongare ako or ini ur polpolnga na ole engenging avele, e? Akennga thomu o velpol werer mun ini ole um polpolongare.

Hibru 5:10

Eneke God i ateal i mo i velpol ini Pris Pomnga ranga ve ini mun i a Melkisedek.

Hibru 5:6

Na God ile erere epee mun i ri vene: “Wong ini pris ako lom vusonga avele, ranga ve ini mun i a Melkisedek.” Buk Song 110:4

Hibru 7:10

eneke ini a Abraham ia powes ako rongan i voth a Abraham ini peti, nge wop lemi ako Melkisedek i sangpolo a Abraham a sovengalo aken.

Hibru 7:12

Na God i eksing pris a omaing venen aken lale. Na i velpol venen aken, mako God i eksing mun ile torong.

Hibru 7:13

Na toko ako God i ri nge, kene ini ar Pomnga, eneke ile net rel nge a Livai, na ile net ini Juda, na nomenga, toko e avele ako ini net Juda i oma pris a omaing ako a God ile sungong a lekleka, na nge ako Moses i ri nge toko kathnga areko aro o velpol ini prisre, i ri riong e avele nge net aken.

Hibru 7:15

Na te thepol i ako, pris relnga i velpol lale, ini a Jisas ako i ranga ve ini mun i a Melkisedek. Aken i panine rintet it ve, ur aken i eksing lale.

Hibru 7:21

aveto God i panunganga ile riong ako i ateal a Jisas ve ini pris, nge ako i ri ve, “Toko Pomnga i panunganga ile riong, naro i eksing ilemi avele ako i ri ve: ‘I nunganga wong ini pris ako aro lom vusonga avele.’” Buk Song 110:4

Hibru 8:7

I nunganga, aro ve tokokoere o pavurvur aro i velpol ini toko riringare a God itheki, ako nge riong kinnga nomenganga ipanesnga, i pavurvur aro God ilemi ve aro i tepolal ol i nge riong kinnga ponganga mun e avele.

Hibru 9:6

Na nge ako o paen senu ur areken a omei venen aken, lamo prisre o koru kora nge “Pen Riringa” aken nge nang omole omole, na o oma ole omaing nge.