Hibru 4:10 - Mangseng

¹⁰ Eneke toko kathnga ako i voth ol a God ile thauong lemi, i thau i nge isivenga ile omaing ranga ve ako God i thau i nge ile omaing nomenga.

Hibru 4:10 ပူးပေါင်းရင်းမြစ်များ

Panongpolong Sivenga ako Jon i wat i 19:30

Mako Jisas i tumo i lamako i ria ve, “I vus.” Nako ikei wathou ma i rin ol.

Hibru 1:3

Na Itun aken i patheng patpot ol a God ia malmaling Pen a Urvet anga ako i tolilis. Na ome a God kene o thun inga. Na nge Itun aken ile riong engenga inga, i paengeng ulue, sepsa, sivemitre na ur alavusnga ako o voth, mo o kis inga ole omaing ako i ria i a or nge lale. Na i patopalal ile omaing ako i thep so mo i pavurvur ako aro God ilemi simikal tokokoere ole vothung kerenga, lamo i esa ol a Pen a Urvet la, mo i men ol a God ako aolonga rintet a ilo sei a imeni sivenga nge anga, ini wop ako o papompom i nge.

Hibru 10:12

Aveto Krais i sung sungong pa omole inga ako i pavus selele vothung kerenga alavusnga, lamako i men ol a God ilo sei a imeni sivenga nge anga, ini wop ako o papompom i nge.

Hibru 4:9

Aken i pathengal it ako ve, rongan i pavurvur ako aro God ile tokokoere aro o voth ol a ile thauong lemi. Na thauong aken i ranga ve ini nang limainga a thauong ako God i thau i nge nomenga.

Riong Ngopatnga 14:13

Lama tho nongpol lenging ako i espot a Pen a Urvet me ma i ria ve, “Ong watu vene: Na i patea ol ponange, sapase areko o teo a Toko Pomnga nge lamo o rin.” Na Oni Riringa i ria mun ve, “Ena, sapase or, eneke aro o thau or nge ole omaing engenga aken, naro o es polpol ol avele, aro o es tomo ol nge ole omaing monngare.”

Riong Ngopatnga 6:11

Na o sungu tekruk velelesnga a or omole omole nge na o ria or vene: “Aro thomu o thau tel thomu tie i pavurvur ako aro pun rinngomuare aro o pun rin mun areko o um tomo nge thomu, na titeumuere mo oa titaling i mul nge titaling ako God i ateal i a or nge. Maken aro God i olal werer i nge pun rinngomuare.”