Hibru 4:1 - Mangseng

¹ Na God i kin ile riong tomo nge titovumuere ve, o pavurvur aro o eso a ile thauong lemi, aveto o eso nge avele, na ile riong kinnga aken, rongan ponange i voth mun a it nge. Maken aro te ngeip na te naktet it, aro vene mo i velpol mun venen aken a omu e nge mo i penthal.

Hibru 4:1 ပူးပေါင်းရင်းမြစ်များ

Matiu 24:48

Ave aro ve toko aken ini umonga kerenga, aro i ria isivenga nge ve, ‘Ok pomnga aro i lo werer viri viri me avele.’

Pakeke 3:19

Vene naro thomu o modop lomu vothung na o eksing mo o panes a God mo aro i patitepot lomu vothung kerengare.

Pol ile malueng ako i wat i a toko lemioongare nge ako o voth a rem pomnga a Rom 11:20

Aken i nunganga, aveto God i tokorpot oa pelie, eneke olemio nge a Krais avele, na wong rongan ong mit, eneke lomumo nge a Krais. Na mothong tova papomnga sivengom, aveto i sivenga ako aro ong ngeip nge aken.

Pol ile malueng ako i wat i a toko lemioongare nge ako o voth a rem pomnga a Rom 3:23

eneke it alavusnga te oma vothung kerenga, mako te pavurvur nge a God ile paatealing sivenga ako i paateal i a it nge, kene avele.

1 Korin 10:12

Maken aro ve toko e ilemi ve, i mit engeng lale, aro i nakalal senu ile lemioong, aro vene mo i matu nge vothung kerenga.

2 Korin 6:1

Na them um tomo nge a God na them ri engeng a thomu nge ve, thomu o el a God ile themosaling lale, na ilemi simikal lomu vothung kerenga lale, na o mothong tova o lel kimomu nge i.

Galesia 5:4

Na thomu ako o tongporum ako ve, o panes a Moses ile patorong mo aro God i apet thomu ve ini toko vengvengare, aken ranga ve thomu o sorotetpot thomu a Krais nge na thomu o voth a God ile themosaling kime.

2 Timoti 2:13

Na aro ve te kin ler riong tomo nge i, aveto te panes senu i avele, aro i panes inga ile riong ako i kin i lale.” Eneke i pavurvur aro i eksing ol avele. Aro i panes inga ile riong ako i kin i lale.

Hibru 12:15

Naro thomu o naktet thomu, mo omu e avele i lel ikime nge a God ile themosaling. Na o naktet mun thomu, mo omu e avele i velpol a omu wop ranga ve ini won ako ini Luki ako i nes thomu mo i pakerenga lomu vothung a God itheki.

Hibru 12:25

Aro thomu o naktet thomu, na o mothong tova o lel kimomu nge a God ako ponange i sung ile riong a thomu nge. Eneke ar pompomere o nongpol a God ikei ako a tete a Sainai ake ru a ulue, na i sung ile panakaling a or nge, aveto o avsa ile riong aken, na o pavurvur ako aro o lo nge ile paomelaling avele. Na aro ve riong aken i nunganga, i nunganga rintet ako te pavurvur mun avele aro te lo ol nge ile paomelaling, tova ve te avsa ile panakaling ako i espot a Pen a Urvet me.

Hibru 13:7

Naro lomumu rum werer nge lomu lotu a mukalingare, ako o panongpol tel a God ile riong a thomu nge. Naro lomumu rum senu nge ole mimiong sivenga ako o mimi nge, i pavurvur nge ole rinong, naro o panes senu ole lemioong aken.

Hibru 3:11

Na lemik kling venen aken nge or, mako tho kin lek riong ve, ‘I pavurvur ako aro o eso ol a lek thauong lemi avele ol.’” Buk Song 95:7-11

Hibru 4:11

Maken aro te betet rintet nge thauong aken esonga, moro ken e avele aro i panes titovumuere ole vothung avsanga, maken aro i matu nge esoong aken avele.

Hibru 4:9

Aken i pathengal it ako ve, rongan i pavurvur ako aro God ile tokokoere aro o voth ol a ile thauong lemi. Na thauong aken i ranga ve ini nang limainga a thauong ako God i thau i nge nomenga.