Hibru 13:8 - Mangseng

⁸ Eneke Jisas Krais i eksingu eksinga avele, i pavurvur nomenga, ponange na panen ako aro ile vusonga avele.

Hibru 13:8 ပူးပေါင်းရင်းမြစ်များ

2 Korin 1:19

Na tho ri vene aken, eneke panongpolong ako nge a God Itun ako ini a Jisas Krais ako Sailas na Timoti na tho, them panongpol thomu nge, kene them eksing i avele. Na Jisas mun i eksing a God ile riong avele.

2 Korin 1:20

Eneke riong alavusnga ako God i kin tomo i nge tokokoere, Krais i naktet panesnga na i oma i. Na it alavusnga te ri ve sivenga nge a Krais na te risea God iion nge.

Hibru 1:12

Mo ong pinmola i ranga ve ini seltun neginga, naro ong rorol i nge ponganga ranga ve ini toko ako i rorol ile teunong neginga. Aveto wong, ong voth inga venen aken, na ong eksingu eksinga avele, naro om tovu po mun aro ile vusonga avele.” Buk Song 102:25-27

Jems 1:17

Na sungong alavusnga areko o sivenga na o riri, kene o esu a Pen a Urvet me, na o esu a God nge me ako i pamen pen lalanga alavusnga ako a sepsa. Na ini a God ako i eksing avele, na i eksing mun ranga ve ini mlil ako i eksingu eksinga, kene avele.

Malueng ako Jut i wat i 1:25

Na ienga inga ini a God na ini ler Pamimionga. Naro te risea i ako nge ler teoong a ar Pomnga a Jisas Krais nge, eneke malmaling a urvet i voth a i nge, na i pomnga rintet, na ile engenging i aolonga rintet, na ur alavusnga o voth a isa thewo. Na ur areko o voth a i nge venen aken nomenga vet ako me, na ponange, naro i voth evelelnga venen aken a i nge ako aro ile vusonga avele. I nunganga. Na i re aken. I vus.

Riong Ngopatnga 1:11

Ma i ri vene, “Watu ur areko aro ong thopol i a erere nge na pasong i a toko lotuongare nge ako o voth a rem or limai ako ini a Epesus, na Smerna, na Pergamum, na Taiataira, na Sardis, na Piladelpia na Laodisia.”

Riong Ngopatnga 1:4

Tho a Jon, tho wat erere ake a thomu toko lotuongare nge, ako o voth a rem or limai ako a epee a Esia. God ako i voth nomenga, na i pavurvur ponange, naro i es mun me, aro i sung lemi moring na ile themosaling a thomu nge. Na God Ioni Riringa aro i sung mun lemi moring na ile themosaling a thomu nge. Na Oni Riringa aken ile engenging i mukal nge ur alavusnga, na i voth a God itheki lemi, ako i men a ile nepes a menonga nge.

Riong Ngopatnga 1:8

Na Toko Pomnga a God ako i voth nomenga, i pavurvur ponange, naro i es me, kene i ri vene: “Tho ini a God ako lek engenging i aolonga rintet, na tho ini ur alavusnga opateanga, na ole vusonga mun.”