Hibru 1:9 - Mangseng

⁹ Na om sagu vothung vengvenga na num silal vothung kerenga. Make tho a God, ako ini lom God, tho taul poungom ako i ateal ong mo ong mukal nge or alavusnga ako o voth tomo nge wong. Na aken i oma ong mo lomum i sivenga rintet.” Buk Song 45:6-7

Hibru 1:9 ပူးပေါင်းရင်းမြစ်များ

Panongpolong Sivenga ako Luk i wat i 4:18

“Toko Pomnga Ioni Riringa i voth a tho nge, eneke i ateal tho ve aro tho panongpol Panongpolong Sivenga a toko le ur avelengare nge. Na i pake tho me ve aro tho panongpol areko o voth a mang a midenga mo aro o vthopot. Na i pake tho me ve aro tho panongpol mun areko otheki pros mo ako aro o the werer. Na i pake tho me ve aro tho pavthopot areko ole ngarangre o paomelal or.

Panongpolong Sivenga ako Jon i wat i 1:41

A ur e avele, nako Andru i ortet itein a Saimon, ma i ria i ve, “Them thopol Mesaia lale.” (Na Mesaia mirenga ako ve, toko ako God i ateal i ve aro i el werer ile tokokoere.)

Panongpolong Sivenga ako Jon i wat i 10:17

Na Vovo ia sagu tho, eneke lemik altetpot nge lek mimiong sungpotnga naro tho el werer mun i.

Panongpolong Sivenga ako Jon i wat i 20:17

Lamako Jisas i ria i ve, “Mothong tova krim tuntun tel tho, eneke tho lo werer a Vovo nge la rongan. Aro ong es a titeikre nge la, mo ong ria or nge ako aro tho lo werer a ok Vovo nge, ako ini omu Vovo mun na ini lek God na ini lomu God mun.”

Panongpolong Sivenga ako Jon i wat i 3:34

Na toko ako God i pakeu i me, i panongpol inga ako nge a God ile riong, eneke God i pavual rintet i nge Ioni Riringa.

Pakeke 10:38

Lomumu mire mun nge a Jisas ako ini Nasaret anga, ako God i ateal i ma i sungu Ioni Riringa na ile engenging a i nge. Ma i es a pen elonga ma i oma senu nge toko na sengre. God i voth a i nge, mako i pamimi areko o voth a Satan imeni.

Pakeke 4:26

Ine nepes alavusnga ake ru a ulue o monsi nge punpeling. Na mukalingare o velilo pel mo or vusnga o pun tomo nge a God ome ile toko atealinga.’ Buk Song 2:1-2

Pakeke 4:27

“I nunganga Herot na Pontius Pailat tomo nge Israelre na tokokoe areko ini Judare avele, o pathun a rem a lumlumnga ake mo o pun tomo nge a Jisas ako ini lom omainga riringa ako wong ateal i nomenga.

Pol ile malueng ako i wat i a toko lemioongare nge ako o voth a rem pomnga a Rom 12:9

Na nge lomu asagupeling, o mothong tova sivengomu o nea thomu. Naro thomu o lel kimomu nge vothung kerenga omanga. Naro thomu o betet inga, ako nge vothung sivenga panesnga.

Pol ile malueng ako i wat i a toko lemioongare nge ako o voth a rem pomnga a Rom 15:13

Na i venen aken, mako tho nong nge a God nge thomu, eneke ini a God ako i oma thomu mo o men sial mun nge ur sivesivenga areken, na tho nong ve aro i pavual thomu nge lemi moring tomo nge lemi sivengaing, eneke lomumuo a i nge. Na tho nong ve aro i oma venen aken mo Oni Riringa ile engenging aro i pavual rintet thomu nge men sialing nge ur sivesivenga areken.

1 Korin 1:9

Eneke God i panes inga ur ako i ri nge. Na ake ini isivenga, ako i ateal thomu mo o teo a Itun a Jisas Krais nge, ako ini ar Pomnga.

2 Korin 11:31

Na God ako ini a Jisas Krais ia Vovo ako aro te risea i evelelnga, ilemi mire nge ur alavusnga ake tho ri nge, ve i nunganga.

Galesia 5:22

Aveto Oni Riringa i pavelpol inga vothung ako ranga ve ini: Asagupeling, na voth vosaling, na ine lemi moring, na matheongre potunnga, na tokokoere othemosalnga, na vothung le sivengaing, na riong panesnga,

Epesus 1:3

Te risea a God ako ini ar Pomnga a Jisas Krais Itema ako i oma senu nge it nge ile sungong Pen a Urvet anga elonga ako i opoal onir nge, ako nge ler teoong a Krais nge.

Pilipai 2:9

Mako God i paesa i roro rintet, ma i aosele toko alavusnga, ma i sungu ion e ako i roro rintet nge ioning alavusnga a i nge.

Hibru 2:11

Aken i nunganga, Jisas tomo nge areko i oma or mo o riri a God itheki, kene oa Vovo inga omole. Mako Jisas ile maral avele ako aro i apet or ve ini ititeinre.

Hibru 2:9

Aveto lemir mire nge toko omole ako i velpol venen aken a i nge lale, ini a Jisas ako God i paruru i a enselre nge, nge tovu po pom avele, mo aro i rin nge it alavusnga opoalnger, na aken God ile themosaling i pavelpol i. Na God i paruru i venen aken, aveto palolo avele, nako i papomnga i na i paroro i, eneke i rov sisisong aolonga nge rinong lale.

Hibru 7:26

Na Jisas ini Pris Pomnga venen aken, ako i pavurvur nge opoalnger. Ini toko ako i riri rintet a God itheki, na vothung kerenga e avele i voth a i nge, na lemi rumong kerenga e avele i voth mun a i nge. Mako God i papomnga i roro a Pen a Urvet la, ma i voth mela nge vothung kerenga omangare.

1 Pita 1:3

Aro te risea a God ako ini ar Pomnga a Jisas Krais Itema, eneke i themosal rintet it, mako i sung mimiong ponganga a it nge, aken te men sial ol nge ur areko aro i sungu i a it nge ako aro ile vusonga avele. Naro ile vusonga avele, eneke Jisas Krais i los werera nge rinong.

1 Jon 1:3

Na ur ako them thepol i, na them nongpol i, aken them panongpol mun thomu nge, mo ako thomu o pavurvur mun aro o supo tomo nge them nge titeinpeling a menong, na ler titeinpeling a menong aken i voth tomo nge Titemer a God na Itun a Jisas Krais.

Riong Ngopatnga 2:15

Na Balam ile pamirealing aken i ranga ve ini a Nikolas ile pamirealing ako omu pelie o panes mun i.