Hibru 1:8 - Mangseng

⁸ Aveto God i ria Itun ve, “Evelelnga ong voth ranga ve ini tho a God, na lom menong e nepes aro i voth evelelnga ako aro ile vusonga avele, na lom avrumong nge tokokoere ole vothung i vengveng inga.

Hibru 1:8 ပူးပေါင်းရင်းမြစ်များ

Matiu 1:23

“Ovote ako i ngo tomo e toko rongan aro iopo mo i pop itun tomonnga e, naro o apeta iion a Emanuel.” Ako i mirenga ve, “God i voth tomo nge it.” Aisaia 7:14

Panongpolong Sivenga ako Luk i wat i 1:75

Maken aro e nang elonga ako aro te mimi nge, aro te voth toko vengvenga na toko riringa a itheki.

Panongpolong Sivenga ako Jon i wat i 10:30

Them e a Vovo them omole inga.”

Panongpolong Sivenga ako Jon i wat i 10:33

Ma o olal ile riong ve, “Them sis ve aro them pun rin ong nge lom omaing sivenga omanga, kene avele. Them sis ve aro them pun rin ong, eneke ong ri tangatun nge a God, na ong ini toko ulue anga, ave ong ri ve ong ini mun i a God.”

Panongpolong Sivenga ako Jon i wat i 20:28

Mako Tomas i olal ile riong ve, “Wong ini ok Pomnga na wong ini lek God.”

Pol ile malueng ako i wat i a toko lemioongare nge ako o voth a rem pomnga a Rom 9:5

na otitevie nomengangare or ini toko pompomere a God itheki, lamako otevinga e ako i velpol nge oa mla, ini a Krais ini toko ako God i ateal i ve aro i el werer ile tokokoere, na ini a God, na ur alavusnga i voth a isa thewo. Naro te risea i evelelnga ako aro ile vusonga avele! I nunganga.

1 Korin 15:25

Eneke Krais aro i theal ur alavusnga ranga ve ini nepes, i pavurvur ako la aro God i paeso a Krais ile ngarangre a isa thewo.

1 Timoti 3:16

Na lemir mire ako ve, God ile riong avera ako i patheng pat i a it nge, kene i aolonga rintet. Ma i vene: Na Krais i velpol ini toko nunganga. Na Oni Riringa i pathengal ako ve, ile vothung alavusnga i vengveng rintet. Na enselre o thepol i. Na tokokoere o panongpol nge i a rumrem elonga. Na tokokoere ake ru a ulue olemio nge i. Na God i ela i roro a Pen a Urvet mo i voth tomo nge i.

2 Pita 1:11

naro God aro i thep lomu sovengalo sivenga ako aro o eso a ar Pomnga na ler pamimionga a Jisas Krais ile menong e nepes ako aro ile vusonga avele.

1 Jon 5:20

Na lemir mire mun ako ve, God Itun i es me lale, na i sungu lemi rumong ninenga a it nge, mo ako aro lemir mire senu nge ur ako God nunganga i sis ve aro te oma i. Na te teo a God nunganga nge, ako nge ler teoong a Itun a Jisas Krais nge. Na Jisas Krais ini a God nunganga. Na ini mimiong ako aro ile vusonga avele kene tepun.