2 Pita 2:2 - Mangseng

² Na toko pulua aro o panes ole vothung le maraing. Na tokokoere aro o thepol ole vothung areken naro o ri riong kerenga nge Sovengalo Nunganga ako i es a God nge.

2 Pita 2:2 ပူးပေါင်းရင်းမြစ်များ

Matiu 22:16

Ma o pake ole wainlanga pelie na tomo mun nge toko avlung pelie ako ini a Herot ilengare, ma o es a Jisas nge ma o ria ve, “Pamirealinga, lemem mire ako, wong ini toko ako ong ri nunganga. Na nge riong nunganga inga wong pamireal tokokoere nge a God ile vothung. Na wong ngeip nge toko e avele na nge lom riong elonga ako wong oma i, ini riong omoletet inga nge toko pompomere na posposere.

Matiu 24:24

Eneke toko pelie aro o velpol mo o ri ve, or ini toko aton ru God i ateal i mo i el werer ile tokokoere, na o ri mun ve or ini a God ile riong elngare. Aro o oma paatealing aolonga rintetngare pulua ako tokokoere aro o kukuk nge. Aro o oma vene aken mo aro o paleklek toko na seng, na aro ve i pavurvur aro o paleklek mun tokokoe areko God i ateal or ve or ini ile, aro o paleklek mun or, ave i pavurvur avele.

Matiu 7:14

Ave lok thekia i posngati na sovengalo i klip rintet nge panesnga ako i eso a mimiong nge, na ini inga toko omole omole ako aro i thepol i na i panes sovengalo aken.

Panongpolong Sivenga ako Mak i wat i 12:14

Ma o es a i nge me ma o pawomwomal i ve, “Pamirealinga, lemimem mire ako ve, lom riong kene i nunganga, ma wong nongal nge toko kimanga na toko vulutnga ole ri ololoing avele, na ong pamireal nunganga ako nge a God ile riong. Naro ong ria them, i vava, nge ler patorong i pavurvur ako aro te ul inga takis a nepes a Sisar nge, eve avele?

Panongpolong Sivenga ako Mak i wat i 13:22

Aro toko le apaltetonga pelie ako aro o velpol mo o ri ve or ini a Krais, na pelie mun aro o velpol mo o ri ve or ini a God ile riong elnga. Aro o oma pakukukaling pelie na pathepolong mun pelie na olemi ako ve, tova o pavurvur, aro ole apaltetpot tokokoe areko God i sirum or lale.

Panongpolong Sivenga ako Jon i wat i 14:6

Mako Jisas i olal ile riong ve, “Tho ini so, na riong nunganga, na mimiong tepun. Engek re inga ake ini so ako aro tokokoere o panes i mo o es a Vovo nge. Na so ol e avele ol.”

Pakeke 13:10

“Wong ini a Satan itun! Wong ini ngarang nge vothung vengvenga elonga. Na vothung kerenga i vual a wong nge. Na wong kene ong ri ve wong eksing a Toko Pomnga ile Panongpolong Sivenga mo ini riong le apaltetonga.

Pakeke 14:2

Aveto Juda pelie areko oni plong nge eksingong o pavurpol areko or ini Judare avele, na o palemi pelekpol or nge toko lemioongare.

Pakeke 16:17

Ma seng aken i panes a Pol tomo nge them. Ma i presa vene: “Ine tokokoe areke ini a God ako i pomnga rintet ile omaingare. Ma o panongpol thomu nge a God ile so ako aro i el werer it nge.”

Pakeke 18:26

Ma i es a Judare ole lotuonga a vel ma i panongpol engeng nge. Ma Prisila ome a Akuila o nongpol i. Ma o wola i a ole pen la. Ma o panine mun i nge a God ile sovengalo vengvenga ranga ve ako Jisas i rin ma i los werera mun.

Pakeke 19:9

Aveto toko na seng pelie olemi rit na o avsa ile riong na olemio nge avele. Na ako ru a toko na sengre otheki o ri riong kerenga pulua nge a Toko Pomnga ile sovengalo ako Pol i ri nge. Mako Pol i losa ma i mothong lelu or na i wola inga toko lemioongare. Na nge nang elonga o es a Tiranus ile patoralinga a vel ma i patoral or nge.

Pakeke 22:4

Na tho pamen kerere tokokoe areko o panes a Jisas ile pamirealing ma tho oma i venen aken ma oa pulua o rin nge. Ma tho rere toko na seng pulua mo o paes or a mang a midenga lemi.

Pakeke 24:14

I nunganga ako tho lotual a God ako ini titevimemre ole, nge ake tho panes inga a Jisas Ile Sovengalo ako Judare o ri ve i nunganga avele, aveto lek lemioong i engeng nge ur alavusnga ako i voth a Moses ile patorong na nge ur ako God ile riong elngare o wat i.

Pol ile malueng ako i wat i a toko lemioongare nge ako o voth a rem pomnga a Rom 2:24

Na lomu vothung aken i ranga ve ako God ile erere i ri nge ako i ri vene: “Areko or ini Judare avele o ri tangatun nge a God, eneke o thopol thomu Judare lomu vothung ako i kerenga.” Aisaia 52:5

1 Timoti 5:14

Na tho sis ve aro seng basu ako rongan i apo, i sivenga ako aro o peange werer mo o pop otutunre mo o theal ole vel. Aro ve o oma vene aken, aro ler ngarang e avele aro i thepol vothung e avele a it nge, ako aro o ri moluplup it nge.

Taitus 2:5

naro o panes inga lemi rumong sivenga, naro o voth ini seng riringare a God itheki, naro o oma senu ole omaing alavusnga ako ru a ole velre nge. Naro o oma vothung sivenga, naro o nongal oewoere ole riong. Na aro ve o oma venen aken, aro tokokoere o pavurvur aro o oma riong kerenga nge a God ile riong avele.

Taitus 2:8

Naro wong ri riong vengvenga inga ako tokokoere o pavurvur aro o ri riong kerenga e avele nge, mo ako aro ler ngarangre ole maral, eneke o pavurvur aro o oma riong kerenga e avele a it nge.

1 Pita 2:12

Na i nunganga ako areko or ini toko lemioongare avele, o teltun polpol omu nge vothung kerenga omanga, aveto a oa lemimi aro lomu vothung aro i vengveng inga, aken aro o thepol lomu vothung sivenga aken, naro o risea a God, nge nang ako aro i lo werer nge me.

2 Pita 2:12

Aveto pamirealonga le apaltetonga areken o ranga ve ini mekerem wenga areko ole mire avele, ma ole velpoling a ulue kene itepun inga ako aro te rere or na te so rin or. Na o voltet inga ur ako olemi mire nge avele. Naro o el kerengaing ranga ve ini mekerem wengare.

2 Pita 2:15

Na o leklek, eneke o lel okime nge sovengalo vengvenga panesnga, na o panes a Balam ako ini a Beor itun ile sovengalo. Ini a God ile riong elnga e ako ilemi voth inga nge umtun elnga nge vothung kerenga omanga. Aveto ile donki i vol i nge ile vothung kerenga aken. Na donki ini mekerem areko o leng leng avele, aveto i leng leng ranga ve ini toko a Balam nge, mako i modopu ol ile vothung ngongonga aken.

2 Pita 2:18

Eneke owo a thei nge ole riong polpolnga, mako o ri ololo werero areko o patea ol nge okime lelnga nge vothung kerenga areken omanga, ini vothung ako areko olemi mire nge a God avele, kene o oma i. Na o titpo werero mun or nge ole riong polpolnga ako o ri nge toko na seng aomnga na vothung kerenga areko oni peti i vurpoltun i.

2 Pita 2:21

Eneke aro ve olemi mire nge a God ile sovengalo vengvenga avele, paomelaling ako aro o el i, aro i aolonga mos avele. Aveto aro ve o el mire nge a God ile sovengalo vengvenga lale, na o lel okime nge patorong riringa areko o panongpol or nge, aken kene paomelaling ako aro o el i, aro i aolo selele ol.

2 Pita 2:7

Aveto i pamimi a Lot ako ini toko vengvenga ako i voth a Sodom. Ini toko ako ilemi kerere nge patorong avsangare ole vothung ako nge toko na seng aomnga,

Malueng ako Jut i wat i 1:10

Aveto pamirealonga le apaltetonga areken o vol ur areko olemi mire nge avele. Na o ranga ve ini mekerem wengare ako ole mire avele, na o panes inga ur ako i mita a olemi me, na ole vothung aken aro i pakerenga or.

Malueng ako Jut i wat i 1:15

mo aro i pamit toko alavusngare nge riong. Naro i teltun areko o lel okime nge a God, nge ole vothung kerenga areko o oma i nge ako o panes a God avele. Naro i teltun mun oa nge ole riong kerenga areko o ri tangatun nge a God.” Na aken ini a Enok ile riong ako i ritet nge.

Malueng ako Jut i wat i 1:4

Naro thomu o mit engeng venen aken, eneke toko pelie ako o lel okime nge a God, o re wolteto a thomu nge lale. Na nomenga God ile erere i ritet nge paomelaling ako aro o el i. Na o eksing ler God ile themosaling, ma o ri ve aro te oma inga vothung ako nge toko na seng aomnga na vothung kerenga mun pelie, eneke o ri ve God i pamimi it aken nge ile themosaling inga. Aveto o lel okime nge a Jisas Krais ako ienga inga ini ar Pomnga na ini ar os.

Malueng ako Jut i wat i 1:7

Na Sodom ome a Gomora angare tomo nge areko o voth toth a or nge, ole vothung i ranga ve ini ensel areken ole vothung, nge ako o engeng inga nge toko na seng aomnga, na vothung ako i kerenga rintet nge aken, ini ole vothung ako o sis ve aro o ngo tomo nge areko osivanga i rel nge or. Na paomelaling ako o el i, ini won sesenga ako aro ile vusonga avele. Na aken ini patongrumong nge areko aro o el paomelaling a God nge.

Riong Ngopatnga 12:9

Na telenga pokin aolonga aken ini ingop nomenganga ako iion mun a Satan ako i paleklek toko alavusnga ake ru a ulue. Na o asespot i a ulue me tomo nge ile enselre.

Riong Ngopatnga 13:14

Na God isa wom i ve aro i oma pathepolong pelie a mekerem tevivinga teltelnga itheki, mako i paleklek toko alavusnga ake ru a ulue. Na i ria or ve aro o oma avala ako ini mekerem tevivinga teltelnga ia sei, mo aro i papomnga mekerem tevivinga ako o pun i nge peang ma i mimia werer.

Riong Ngopatnga 13:8

Naro o lotual ol i, ini inga areko o watu oion avele nomenga nge ako God i pamenu ur e rongan, na oion i ngo avele a erere ako i ritet nge areko God aro i sung mimiong a or nge. Na erere aken ini Sipsip Tun ako o so rin i nomenga kene ile.