2 Korin 3:3 - Mangseng

³ Na them panongpol thomu, mako thomu o eksing lomu vothung ma i sivenga. Na lomu vothung sivenga areken i ranga ve ini malueng ako Krais i wat i ako i ritet nge lek omaing. Na tokokoere o thopol malueng ako i wat i a erere ome um nge avele, aveto o thopol inga lomu vothung sivenga ako God ako i engeng rintet Ioni i pavelpol i a lomu mimiong.

2 Korin 3:3 ပူးပေါင်းရင်းမြစ်များ

Matiu 16:16

Saimon Pita i olal ile riong ve, “Wong ini toko ako God i ateal i ve aro i el werer ile tokokoere. Na wong ini a God ako i mimi evelelnga Itun.”

1 Korin 3:5

Aro tho pavengveng thomu. Apolos ini ao? Na tho a Pol tho ini ao? Them alaini them ini a God ile umongare. Na thomu o nongpol lemem panongpolong, mako lomumuo nge a Krais. Na them oma inga omaing rel relnga ako God inga ako i sungu i a them omole omole nge,

2 Korin 3:6

Na God i pavelpol them mo them panongpol nge ile riong ponganga ako i kin tomo i nge tokokoere. Them panongpol or nge a Moses ile patorong panesnga avele, eneke aro ve toko e i panes senu a Moses ile patorong alavusnga avele, aro God i sung paomelaling a i nge. Aveto them panongpol or nge a God Ioni Riringa ile omaing ako aro i sung mimiong a or nge.

2 Korin 3:7

Na God i wat ile patorong nomenganga nge um, ma i sungu i a Moses nge, ma Moses itheki lemi i tolilis, ma Israelre o pavurvur aro o the rinrin i avele, eneke i tolilis rintet. Aveto itheki lemi tolilisnga aken i voth palolo avele, na i penthal mor a mor, makola ini ile vusuong. Na nge ako Moses ile patorong i es tomo nge tolilisong kene i pathengal ako ve i sivenga, aveto ipanesnga i klipalal rintet, na aken aro i pavelpol rinong a tokokoere nge.

2 Korin 6:16

Na God i pavurvur aro isa womalo tokokoere mo o lotual avalare a ile lotuonga a vel, kene avele, na ranga ve mun i ako te pavurvur avele aro te paneo tomo nge tokokoe areko olemio nge ole god ako ini God nunganga avele. Eneke it toko lemioongare it ranga ve ini a God ile lotuonga a vel, eneke Ioni Riringa i voth a lemir. Na i ranga ve ako God i ri nge ve, “Aro tho voth tomo nge or, naro tho es tomo nge or, naro tho velpol ini ole God, naro or ini lek tokokoere.” Wok Pris 26:12; Jeremaia 32:38; Esekiel 37:27

1 Tesalonaika 1:9

eneke osivenga o rurum toko na sengre nge lomu vothung sivenga ako ranga ve o nongpoo them nge nang ako them velpol a thomu nge. Na o rurum mun nge ako thomu o lel kimomu nge avalare olotualnga, na o eksing, mako o elo a God a lomu mimiong, make o velpol ol ini a God nunganga ako i mimi, ile umongare.

Hibru 10:16

“Tho Toko Pomnga tho ri vene, ‘Lek riong kinnga ako aro tho kin tomo i nge or, nge nang aken aro i vene: Aro tho paeso lek patorongre a olemi mo olemi mire ol nge, naro olemi engeng ol nge panesnga.’” Jeremaia 31:33

Hibru 8:10

Tho Toko Pomnga tho ri vene, ‘Lek riong kinnga ako aro tho kin tomo i nge Israelre, nge nang aken aro i vene: Aro tho paeso lek patorongre a olemi mo olemi mire ol nge, naro olemi engeng ol nge panesnga. Naro tho voth ol ini ole God. Naro o voth ol ini lek tokokoere.

Hibru 9:14

i vava nge a Krais ia mla, e? Ia mla aro i pariri selele it mo te rov i a lemir ako ve, vothung kerengare ako aro o pavelpol rinong a it nge, kene i vus selele. Na Krais i pavurvur aro i pariri selele it, eneke i sungpot isivenga ile mimiong a God nge, ranga ve ini sungong ako ur kerenga e avele i voth nge. Na i oma venen aken ako nge Oni Riringa ile engenging. Na i pariri it venen aken mo aro te pavurvur nge a God ako i mimi evelelnga ipanesnga.

Riong Ngopatnga 2:1

Ma toko aken i ria mun ve, “Aro ong wat malueng a lotuonga areko a rem a Epesus othealnga, naro ong wat vene: Tho ini toko ako tho krim sivemit or limai a menik sivenga nge, na tho esu esa a theki lalainga le mitainga or limai ako o oma i nge gol a lemi pat, na lek riong a thomu nge i vene:

Riong Ngopatnga 2:12

Ma toko aken i ria mun ve, “Aro ong wat malueng a lotuonga areko a rem a Pergamum othealnga, naro ong wat vene: Tho ini toko ako bainat ako iwowonga i voth epee epee na i oselpot a wok me. Na lek riong a thomu nge i vene:

Riong Ngopatnga 2:18

Ma toko aken i ria mun ve, “Aro ong wat malueng a lotuonga areko a rem a Taiataira othealnga, naro ong wat vene: Tho ini a God Itun na thekik i tolilis ranga ve ini won sesenga ile lallaing, na evek i tolilis rintet ranga ve ini bras ako o ongtun i ponganga mo i riri rintet ma i tukling tukling. Na lek riong a thomu nge i vene:

Riong Ngopatnga 2:8

Ma toko aken i ria mun ve, “Aro ong wat malueng a lotuonga areko a rem a Smerna othealnga, naro ong wat vene: Tho ini ur alavusnga opateanga na ole vusonga mun. Na tho ini toko ako nomenga tho rin, ave ponange tho mimia ol. Na lek riong a thomu nge i vene:

Riong Ngopatnga 3:1

Ma toko aken i ria mun ve, “Aro ong wat malueng a lotuonga areko a rem a Sardis othealnga, naro ong wat vene: Tho ini toko ako God Ioni ako ile engenging i mukal nge ur alavusnga, kene i voth a tho nge, na sivemit or limai i voth mun a tho nge. Na lek riong a thomu nge i vene: Lemik mire nge lomu omaing ako tokokoere o rivenga thomu o mimi, ave onumu i rin lale nge panesngek.

Riong Ngopatnga 3:14

Ma toko aken i ria mun ve, “Aro ong wat malueng a lotuonga areko a rem a Laodisia othealnga. Naro ong wat vene: Tho ini ur nunganga tepun na tho panongpol vengveng a God ile riong elonga, na i pavurvur ako aro toko na sengre aro o nongal senu i na olemio nge. Na tho ini pamenong alavusnga itepun. Na lek riong a thomu nge i vene:

Riong Ngopatnga 3:22

Na aro ve toko e i sis ve aro ilemi mire senu nge riong ake, ako God Ioni i sungu i a lotuongare nge mo i sivenga ako aro i ta senu itelnga nge.”

Riong Ngopatnga 3:7

Ma toko aken i ria mun ve, “Aro ong wat malueng a lotuonga areko a rem a Piladelpia othealnga, naro ong wat vene: Tho ini toko ako tho riri rintet na tho ini ur nunganga tepun. Na ranga ve ako nomenga Nepes a Devit i krim ur ako ini pupalinga thepnga a Jerusalem neginga, aro tho mun aro tho krim ur ako ini pupalinga thepnga a Jerusalem ponganga ako a Pen a Urvet. Na aro ve tho theppot vel thekia aken, aro toko e avele i pavurvur aro i pupal ol i. Na aro ve tho pupalo i, toko e avele i pavurvur aro i theppot ol i. Na lek riong a thomu nge i vene: