2 Jon 1:3 - Mangseng

³ Na tho nong ve aro it kene aro te el themosaling, na lemi esaling, na lemi moring ako a Titemer a God tomo mun nge Itun a Jisas Krais nge, eneke ile riong nunganga i voth a it nge, make ar sagu pel.

2 Jon 1:3 ပူးပေါင်းရင်းမြစ်များ

Pol ile malueng ako i wat i a toko lemioongare nge ako o voth a rem pomnga a Rom 1:7

Tho wat malueng ake a thomu toko lemioonga alavusnga ako o voth a Rom. Thomu ini areko God ia sagu thomu, na i leng thomu mo thomu ini ile. Aro thomu o el themosaling na lemi moring a Titemer a God tomo nge ar Pomnga a Jisas Krais nge.

Galesia 5:6

Eneke aro ve toko e i teo a Krais Jisas nge, na aro ve o is ile eve o is ile avele, aken ini ur polpolnga a God itheki, aveto God i the inga nge toko ile asaguong nge tokokoere ako ile lemioong i pavelpol i.

1 Timoti 1:14

Na ar Pomnga ile themosaling aken i aolonga rintet nge tho, ma i sung lemioong na asaguong ako ini areko o teo a Krais nge ole, a tho nge.

1 Timoti 1:2

Tho wat malueng ake a wong a Timoti nge, ako ong ini tuk, eneke ler lemioong omole ol inga nge a Jisas Krais. Naro wong el themosaling, asaguong na lemi moring a God nge ako ini Titemer tomo nge a Krais Jisas ako ini ar Pomnga.

2 Timoti 1:13

Aro ong panes inga riong nunganga ako tho patoral wong nge. Na krim ler lemioong na ler asaguong ako Krais Jisas i sungu i a it nge.

1 Jon 4:10

Na vothung ako nge asaguong kene i vava, e? Ini vothung ako ar sagu a God, kene avele. Aveto ini vothung ako God ia sagu it, mako i pakeu Itun aken me, mo i sungpot isivenga ile mimiong, ako nge ler vothung kerenga eltetpotnga.

2 Jon 1:1

Tho ini tolok a Jon ako tho ini lotu a mukalinga. Tho wat malueng ake a thomu lotuongare nge, ako o ranga ve ini seng a urvet tomo nge itutun areko God i ateal or ve ini ile, na ok sagu rintet mun thomu, eneke lomumuo mun nge a God ile riong nunganga. Na ini inga engek ako ok sagu thomu avele, aveto toko alavusnga areko olemi mire mun nge a God ile riong nunganga, oa sagu mun thomu.