1 Timoti 5:9 - Mangseng

⁹ Na seng basu pelie oion i voth lale mo lotuongare o theal or, na ong watu mun inga seng basu mun pelie oion tomo nge or, tova ve oa tovu po i el mule pa limae na i es teleka, ur mun e ako aro o voth inga toko omole iewo.

1 Timoti 5:9 ပူးပေါင်းရင်းမြစ်များ

1 Timoti 3:12

Ine lotu a opoalinga aro i voth ini seng omole inga iewo. Naro i theal senu itutunre na ile vel lemiare.

1 Timoti 3:2

Na ine lotu a mukalinga aro ile vothung i vengveng a tokokoere otheki. Naro i voth ini seng omole inga iewo. Naro i naktet ile menong, na i panes inga ako ini lemi rumong sivenga, naro ile menong i sivenga a tokokoere otheki. Naro ini toko ako i nongpoo longre a ile vel, naro ini toko ako i pavurvur ako aro i pamireal senu toko na seng nge a God ile riong.

1 Timoti 5:11

Aveto ong mothong tova watu seng basu areko rongan o apo oion tomo nge basbasue areken oion, eneke aro lemi rumong i velpol werer a or nge ve aro o peange werer mun, na aro ve o peange werer mun, aken o avsa riong ako o kin tel i tomo nge a Krais lale, na aken ranga ve ako o lel okime nge a Krais.

1 Timoti 5:14

Na tho sis ve aro seng basu ako rongan i apo, i sivenga ako aro o peange werer mo o pop otutunre mo o theal ole vel. Aro ve o oma vene aken, aro ler ngarang e avele aro i thepol vothung e avele a it nge, ako aro o ri moluplup it nge.

1 Timoti 5:16

Na aro ve seng lemioonga ilenga pelie or ini seng basu, i sivenga ako aro seng aken aro i theal or. Aro i oma venen aken mo ako aro lotuongare aro o el matheong nge othealnga avele. Naro lotuongare aro o theal inga seng basu areko olenga e avele.