1 Tesalonaika 2:3 - Mangseng

³ Na nge ako them leng thomu ve aro lomumuo nge a Jisas, them ngeip avele, eneke them sung riong nunganga a thomu nge, na them pamolomolo thomu avele, na lemem apaltet thomu avele.

1 Tesalonaika 2:3 ပူးပေါင်းရင်းမြစ်များ

Pakeke 13:15

Lama lotu a mukalingare o titalpot a Moses ile patorong. Na God ile riong elngare ole riong. Ma o pasong ol okei nge a Pol ome i thangangaere. Ma o ri ve, “Titeikre aro ve lomu riong e ako aro o paengeng toko na seng olemi nge, aro thomu o ripot i.”

Pakeke 4:36

Na toko omole e ako i voth, iion a Josep ako ini mtho a Saiprus anga ma ini net Livai. Ma pakekere o sungu mun ion a Barnabas a i nge. Toko iion aken mirenga ve, ini toko ako i paengeng tokokoere olemi.

2 Korin 11:13

Eneke tokokoe areken or ini pakeke le apaltetongare. Na o ri ve o oma a God ile omaing, aveto ole apaltet, na o nea or nge ve or ini a Krais ile pakeke, aveto ole apaltet.

2 Korin 2:17

aveto tho pavurvur, eneke tho ranga ve ini toko puluanga ako o panongpol nge a God ile riong mo aro o el umtun nge, kene avele. Tho oma venen aken avele. Na tho ini a Krais ile na lek riong alavusnga i nunganga a God itheki, na tho panongpol thomu ranga ve ini toko ako God i pakeu tho me.

2 Korin 4:2

Na tokokoere olemi otun them, aveto them parong kineal riong pelie avele, na them oma ur e avele ako aro lemem mara nge. Na lemem apaltet thomu avele, na them wath ke pelekpol a God ile riong avele. Aveto them panongpol a God ile riong nunganga ma i nine a thomu nge. Na them oma venen aken mo aro toko alavusnga olemi mire ako ve, lemem omaing alavusnga ako them oma i a God itheki, i nunganga.

2 Korin 4:5

Na them panongpol ve aro thomu o nongal nge them, kene avele, aveto them panongpol ve aro thomu o nongal nge a Jisas Krais, eneke ini ar Pomnga. Na them ini lomu umongare, eneke them oma a Jisas ile omaing.

2 Korin 6:8

Na them oma inga venen aken tova ve o papomnga them eve oni silal them, na tova o ri sivenga nge them eve o ri kerenga nge them. Na lemem riong i nunganga, aveto toko pelie o rivenga lemem apaltet,

2 Korin 7:2

Naro thomu o thep opomu a tho nge, naro omu sagu tho, eneke tho oma vothung kerenga e avele a thomu nge, na tho pakerenga omu e ile menong avele, na lek apaltet omu e avele.

1 Tesalonaika 2:11

Na lomumu mire mun ako vothung ako them oma i a thomu omole omole nge, i ranga ve ini vothung ako wain a vovo i oma i a itutunre nge.

1 Tesalonaika 4:7

Naro i paomelal or, eneke God i lengpot it ve aro te oma vothung akopnga, kene avele, ave i lengpot it ve aro te oma inga vothung ako i riri a itheki.

2 Tesalonaika 2:11

Na i venen aken, make God i pasulung rintet olemi mo olemio ol inga nge riong le apaltetonga aken.

2 Pita 1:16

Na nomenga nge ako them ritet thomu nge ar Pomnga a Jisas Krais ile velpoling tomo nge engenging, them panes rurumong ako tokokoere o pavelpol i nge ole mire ma o palumtun lemimem nge, kene avele. Aveto nge nang ako ar Vovo a God i papompom a Jisas nge na i sung malmaling a urvet ako i tolilis a i nge, them thepol vengveng ia malmaling a urvet aken nge thekimem, na them nongpol mun a God ako ia malmaling a urvet i tolilis rintet kene ile leng lenging ako i velpolpot a i nge me na i ri ve, “Ake ini tuk ako ok sagu rintet i, na lemik i sivenga inga nge i.”