1 Korin 15:57 - Mangseng

⁵⁷ Aveto te ri sivengaing a God nge, nge ako ur areken ole engeng avele ol ako aro ole mong it, eneke ar Pomnga a Jisas Krais ile mong or lale.

1 Korin 15:57 ပူးပေါင်းရင်းမြစ်များ

Panongpolong Sivenga ako Jon i wat i 16:33

“Na tho ria thomu venen aken mo aro thomu o el lemi moring, eneke thomu o teo a tho nge. Ake ru a ulue, matheongre aro o seltun thomu, aveto aro thomu o mit engeng, eneke lek mong vothung ulue anga lale.”

Pakeke 27:35

Ma i ria or vene ake lamako i ela bret omole ako ru a otheki ma i nong na i ri sivengaing a God nge, mako i reku ol bret na i patea ol aning.

Pol ile malueng ako i wat i a toko lemioongare nge ako o voth a rem pomnga a Rom 7:25

Tho ri sivengaing a God nge ako i pavthopot it nge matheong aken, ako nge ar Pomnga a Jisas Krais ile omaing! Maken tho voth vene: Na nge sivengek lek lemi rumong, tho sis ve aro tho panes a God ile torong, aveto vothung kerenga a torong rongan i voth mun a lemik ako nge lek mimiong nomenganga, ma rongan tho panes i.

Pol ile malueng ako i wat i a toko lemioongare nge ako o voth a rem pomnga a Rom 8:37

Aveto aro i velpol venen aken avele, ur kathnga ako aro i velpoltun it, aro ler mong selele i, eneke nge ler teoong a Krais nge ako ia sagu rintet it.

1 Korin 15:51

O nongpol, aro tho ritet thomu nge a God ile riong inkinenga omole kene i vene: It toko lemioongare, ar pelie aro o rin rongan na Krais aro i lo werer, aveto it alavusnga aro te onol,

2 Korin 1:11

Na them sis ve aro thomu o opoal mun them nge lomu nongongre. Na aro ve toko pulua o nong nge lemem, na God i olal ole nongong, aro toko pulua o risea a God nge ile opoaling sivenga ako i sungu i a them nge.

2 Korin 2:14

Them risea God iion roro, eneke i pathengal tokokoere ako lemem mong ur ako i ngo roal them nge lemem omaing a i nge, eneke them ini a Krais ile. Na them es nge pen elonga na them panongpol na tokokoere olemi mire ol nge a God. Na God ilemi sivenga nge lemem omaing, eneke lemem panongpolong i ranga ve ini ur ako i una vro a pen elonga na tokokoere o una i. Na tokokoe areko o nongal lemem riong, lemem panongpolong aken i ranga ve ini ur ako i una vro na o una i na i pathengal or nge mimiong ako aro ile vusonga avele. Aveto tokokoe areko o nong sirik lemem riong, lemem panongpolong aken i ranga ve ini ur ako i una plot ma o una i na o lel okime nge na o es, mako rinong i sangpolo ol or. Na toko e avele ile engenging i pavurvur nge omaing aken,

2 Korin 9:15

Naro te ri sivengaing a God nge, nge Itun ako ini ile sungong a it nge, ako i aolonga rintet, na i pavurvur aro te patongrum i nge ur e avele. Na te ri sivengaing a God nge, nge ile sungong aken.

Epesus 5:20

Na evelelnga aro thomu o ri sivengaing a Titemer a God nge, nge ur alavusnga, eneke it ini ar Pomnga a Jisas Krais ile.

Hibru 2:14

Na wainlanga areken ako God i sungu i a Jisas nge, or ini toko neneangare, mako Jisas i velpol mun ini toko neneanga ranga ve ini or, mo aro i rin mo i pakerenga rinong ile engenging a Satan imeni,

Riong Ngopatnga 12:11

Na titeirre ole mong i nge Sipsip Tun ia mla tomo nge Panongpolong Sivenga ako o panongpol nge. Na o sungpot ole mimiong, na o ngeip nge ole rinong avele.

Riong Ngopatnga 21:4

Aro i girtetpot otheki ei, naro o rin ol avele, naro o walal ol avele, na matheong ol avele, na sisisong na tanging avele. Eneke ur nomengangare o vus ol lale.”