1 Jon 4:4 - Mangseng

⁴ Na thomu tutukre, thomu ini a God ile na lomu mong or lale. Eneke God Ioni ako i voth a thomu nge, kene ile engenging i aolonga rintet nge a Satan ako i voth a ulue ake, kene ile engenging.

1 Jon 4:4 ပူးပေါင်းရင်းမြစ်များ

Panongpolong Sivenga ako Jon i wat i 12:31

Na nge wop lemi ake God aro i velpol ini toko alavusnga ole riong nongpolnga. Naro i eltetpot a Satan ako i theal areko o panes vothung ulue anga ile engenging.

Panongpolong Sivenga ako Jon i wat i 14:30

Aro tho ri tomo nge thomu palolo avele, eneke i toth ako aro Satan ako i theal areko o panes vothung ulue anga, aro i es me. Na ile engenging avele ako aro i oma ur e a tho nge.

Panongpolong Sivenga ako Jon i wat i 16:11

Naro i pathengal or nge ako God ile paomelaling aro i velpol, eneke God i ritet nge ile paomelaling nge a Satan lale.

Panongpolong Sivenga ako Jon i wat i 17:23

Tho teo a or nge, na wong teo a tho nge, naro or ini omole ol mo aro tokokoe areko o panes vothung ulue anga aro olemi mire ako ve, ong pakeu tho me na om sagu or ranga ve ako om sagu tho.

Pol ile malueng ako i wat i a toko lemioongare nge ako o voth a rem pomnga a Rom 8:31

Naro te ri vava nge ur sivesivenga areken, ako tho ri nge, e? Na aro ve God ini thenger, anga aro ile mong it?

Pol ile malueng ako i wat i a toko lemioongare nge ako o voth a rem pomnga a Rom 8:37

Aveto aro i velpol venen aken avele, ur kathnga ako aro i velpoltun it, aro ler mong selele i, eneke nge ler teoong a Krais nge ako ia sagu rintet it.

1 Korin 2:12

Na them, onimem i pathengal ur areken a them nge, kene avele. Aveto God i sungu Ioni Riringa a them nge mo aro lemimem mire nge ur alavusnga ako God i sungu i a them nge lale.

1 Korin 6:13

Na toko mun pelie ako o ri ve, “Aning mei ini opor, na opor ini aning mei.” Na riong aken i nunganga, aveto God aro i pavus or alaini. Na God i oma opor nge aning, aveto i oma nir peti ve ini toko na seng aomngare avele, i oma nir peti ve aro te oma Toko Pomnga ile omaing. Na Toko Pomnga ini nir peti thealnga.

2 Korin 4:4

Eneke Satan ako i theal areko o panes vothung ulue anga, i pasopal tokokoere olemi ako olemio nge a Jisas avele, mo aro olemi mire senu nge a Krais ile Panongpolong Sivenga avele. Na Krais ako ini a God ia sei na i sivenga rintet.

2 Korin 6:16

Na God i pavurvur aro isa womalo tokokoere mo o lotual avalare a ile lotuonga a vel, kene avele, na ranga ve mun i ako te pavurvur avele aro te paneo tomo nge tokokoe areko olemio nge ole god ako ini God nunganga avele. Eneke it toko lemioongare it ranga ve ini a God ile lotuonga a vel, eneke Ioni Riringa i voth a lemir. Na i ranga ve ako God i ri nge ve, “Aro tho voth tomo nge or, naro tho es tomo nge or, naro tho velpol ini ole God, naro or ini lek tokokoere.” Wok Pris 26:12; Jeremaia 32:38; Esekiel 37:27

Epesus 2:2

Na nge wop lemi aken, thomu o panes vothung ulue anga, tomo nge tamata kerenga areko o voth a malang po oa pomnga, ako i ri ololo areko o avsa a God ile riong.

Epesus 3:17

mo aro nge lomu lemioong aro Krais i mimi ol a lomumu nge. Na tho nong mun ve aro asaguong i tea a lomumu, ranga ve ini won riripi i teu a ulue lemi, naro o mit engeng nge asaguong

Epesus 6:10

Na lek riong patopalalnga i vene: Mit engeng nge lomu teoong a Toko Pomnga nge na nge ile engenging aolonga.

1 Jon 2:1

Na tutukre, tho wat riong ake a thomu nge, mo aro o oma vothung kerenga avele. Aveto aro ve omu e i oma vothung kerenga, kimer mitnga ake ro i voth ako i ri nge it ako a Titemer a God itheki, ini a Jisas Krais, ako ini toko vengvenga.

1 Jon 2:13

Na rongan tho wat riong ake a thomu a vovoengae mun re nge, ako lomu lemioong i motu, eneke lomumu mire senu nge a Krais ako i voth evelelnga. Na rongan tho wat riong ake a thomu apoapongare nge, ako lomu lemioong i engeng, eneke lomu mong a Satan, ako i kerenga selele lale. Na i nunganga ako tho wat lale a thomu tutukre ako ini a Krais ile, eneke lomumu mire senu nge Titemer a God.

1 Jon 3:20

Na aro ve opor lemi i teltun ar nge ur pelie, ur e avele, eneke God i aolonga nge ur areken i voth a opor lemi, na ilemi mire nge ur alavusnga ako ru i voth a it nge.

1 Jon 3:24

Na aro ve toko e i panes a God ile patorong, aken i teo a God nge, na God i teo mun a i nge. Na lemir mire ako God i teo a it nge vava? Eneke Ioni Riringa ako i sungu i a it nge kene i pathengal it nge ler teoong aken.

1 Jon 4:13

Na lemir mire ako ve, te teo a God nge, na God i teo mun a it nge vene: Eneke i sungu isivenga Ioni a it nge.

1 Jon 4:16

Make ranga ve te thepol a God ile asaguong a it nge, na lemiro nge ile asaguong aken. God ilemi alavusnga ini asaguong popepenga. Na toko e ako i mimi a asaguong lemi, aken i teo a God nge, na God i teo mun a i nge.

1 Jon 4:6

Aveto it ako ini a God ile. Na areko olemi mire nge ur ako God i sis ve aro o oma i, aro o nongal ler riong. Aveto areko or ini a God ile avele, aro o nongal ler riong avele. Na nge vothung inga aken, te pavurvur ako aro te ate nge Oni Riringa ako i pavelpol riong nunganga, na tamata kerenga areko o pavelpol riong le apaltetonga.

1 Jon 5:19

Na lemir mire mun ako ve, it ini a God itutunre, aveto ulue alavusnga ake i voth a Satan ile engenging lemi.

1 Jon 5:4

Eneke it ini itutun areko i pavelpol mimiong ponganga a it nge, na ler mong vothung ulue anga. Na ler mong vothung ulue anga aken lale, ako nge ler lemioong nge a God.

Riong Ngopatnga 12:11

Na titeirre ole mong i nge Sipsip Tun ia mla tomo nge Panongpolong Sivenga ako o panongpol nge. Na o sungpot ole mimiong, na o ngeip nge ole rinong avele.