1 Jon 1:9 - Mangseng

⁹ Aveto aro ve te pamilempot ler vothung kerengare, aken God aro i panes ile riong ako i kin tomo i nge it lale, naro i oma vothung vengvenga a it nge, ako aro ilemi simikal ler vothung kerenga areken, naro i pariri ol it nge ler vothung alavusnga ako i vengveng a itheki avele.

1 Jon 1:9 ပူးပေါင်းရင်းမြစ်များ

Matiu 3:6

Ma o pamilimlem ole vothung kerengare, lama Jon i paninu or nge thei a Jordan.

Panongpolong Sivenga ako Mak i wat i 1:5

Tokokoere ako ole a epee a Judia na tokokoe mun pulua ako ole a rem pomnga a Jerusalem, o es ma o nongpol a Jon ile panongpolong. Ma o pamilimlem ole vothung kerengare, ma Jon i paninu or a thei a Jordan.

Panongpolong Sivenga ako Luk i wat i 22:57

Aveto Pita i kelelal i ma i ria seng aken ve, “Lemik mire nge toko aken avele.”

Panongpolong Sivenga ako Jon i wat i 17:25

“Vovo wong ini God vengvenga, tokokoe areko o panes vothung ulue anga olemi mire nge wong avele, ave lemik mire nge wong, na lek tokokoe areke, olemi mire ako ve, ong pakeu tho me.

Pakeke 19:18

Lama toko lemioonga pulua olemi rum werer nge ole vothung kerenga ako o oma i nomenga ma o pamilempot i.

Pol ile malueng ako i wat i a toko lemioongare nge ako o voth a rem pomnga a Rom 3:26

Na i oma venen aken mo aro i pathengal ako ve, ini a God vengvenga, na ile vothung i vengveng mun ako ponange i apet toko ini toko vengvenga tova ilemio nge a Jisas.

1 Korin 1:9

Eneke God i panes inga ur ako i ri nge. Na ake ini isivenga, ako i ateal thomu mo o teo a Itun a Jisas Krais nge, ako ini ar Pomnga.

1 Korin 6:11

Na nomenga omu pelie kene o oma venen aken, aveto ponange thomu o riri lale ma thomu ol ini a God ile, na thomu ini toko vengvenga a itheki, eneke lomumuo nge ar Pomnga a Jisas Krais na nge a God Ioni Riringa.

Epesus 5:26

mo aro i pariri or, na o riri nge paninuong na nge ile riong panesnga.

1 Timoti 1:15

Na riong ako i nunganga rintet, na i pavurvur ako aro tokokoere aro o nongal senu i, na olemio nge, kene i vene: Krais Jisas i esu a ulue me mo i pamimi tokokoe areko ole vothung kerenga. Na tho ini toko ako lek vothung kerenga i mukal nge or alavusnga.

Taitus 2:14

Na i sungpot isivenga ile mimiong mo i opoal it, na i ol wererpot it nge ler vothung kerenga alavusnga, mo i oma it mo te voth ini isivenga ile toko riringare, ako te engeng nge vothung sivenga omanga.

Hibru 10:23

Naro te mit engeng nge ler lemioong ako te ripatu i a tokokoere otheki tomo mun nge ur sivesivenga areko te men sial nge, eneke God aro i panes vengveng ur ako i kin ile riong nge lale.

Hibru 11:11

Na Abraham i toloku lale na Sara mun kene ini sarit, aveto ilemio nge a God ile riong, mako God isa wom i ve aro i pavelpol itun e, eneke ilemi engeng ve, God aro i panes inga ur ako i kin ile riong nge lale.

Hibru 6:10

God kene i vengveng, naro ilemi simikal lomu vothung sivenga ako thomu o oma i, kene avele. Ranga ve ako omu sagu a God, mako o pesrou avele nge ile tokokoere oopoalnga.

1 Jon 1:7

Na aro ve te es a pen lalanga lemi, ranga ve ako God i voth a pen lalanga nge, aken te men titeinpeling tomo nge a God ile tokokoere, na Jisas ako ini a God Itun ia mla i pariripot ol it nge ler vothung kerenga alavusnga.

Riong Ngopatnga 15:3

Ma o vo a Moses ako ini a God ile umonga, ia voing tomo mun nge Sipsip Tun ia voing, na i vene: “Toko Pomnga a God ako lom engenging i aolonga rintet, na lom omaing kene i aolonga rintet, na them kukuk nge. Na ong ini toko alavusnga ole nepes, na lom omaing nge or i vengveng na i nunganga.