Rm 6:2 - Meta’

² Chə̂! Mba mbe nɨ fə kwɨ dè ɨnû rɨbɔ̀ŋ kɨə kɨrɨ wò ɨmbì ghɨ̀ ɨnû rɨbɔ̀ŋ ɨmbə̀ʼ ə yè ə?

Ikan feg

² Chəyi ze koʼi ane ka. Anug mə̀ yaʼ inug tibɔ̀ŋ, mba ya icheg iwu bəd. Ane, chəyi tì beri ni chè imbìghè ni ya ghìyə̀ inug tibɔ̀ŋ.

Rm 6:2 ပူးပေါင်းရင်းမြစ်များ

Lk 20:16

Wɨ̀ bɨrɨ wo zwiirɨ bə̂d mbe nɨ nyaʼa yim mbeŋ ze, sɨ nàʼ mbeŋ ze əmbɨ ə bə̂d cherə.” Ənɨ bə̂d mbe nyaʼa zu ənû zɔ̂, mbɨ nyaʼa ghà ni, “Tɨ Ŋwìə̀ ben i!”

Rm 5:11

Kaʼi əjìm əze, tɨ̀ wɨə bə̀ goŋ ɨgɔ̂ ɨmbə̀ʼ ə Ŋwiə̀ ənjìm a Ə̀nùŋɨ̀sɨg Yeso Kristo. Məd fə màànɨ̀ a taŋ mbɨ ə Ŋwiə̀.

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 7:4

Mbɨ bɔŋgɔb, à yɨ əndəŋ əndəŋ ni chəi tɨkə wɨrɨ berɨ ənû ə mɔʼɔ nɨ ghɨ mbɨ nən ənjìm ə nyamnyod Kristo, ɨmbə̀ʼ mbə̀ yeʼ bə̂d wə̀d cherə. Mbə yɨə bə̂d wə̀d we nɨ Ŋwìə̀ nyaʼa zwemnɨ. Tɨ̀ yɨə bə̂d məd ɨmbə̀ʼ tɨ̀ faʼ əmbɨ ə Ŋwiə̀ ɨchî nɨ kuʼnɨ.

Rm 7:6

Àyɨə tɨ̀nîn, Ŋwìə̀ fə chɨ̀ əwa rɨ əton rɨkə, ɨmbə̀ʼ ɨghəm nɨ tɨ̀ fə kwɨ əmbɨ ɨghɨ mbe nɨ nyaʼə yim əwa ənɨ ə bə̂d ndəŋ. Əne yɨ ɨmbə̀ʼ tɨ̀ faʼ ənɨ ɨnə̂njɨ̀ fi we nɨ tɨ̀ berɨ ənjìm Əzwî, nɨ kaʼi əton tɨkə ənun te nɨ mbɨ nyaʼa ŋwaʼnɨ.

Gàlesìyà 2:19

Mə wɨə nyaʼə nùŋ rɨ̀kə, əne tɨ̀nîn, mə fə zə ni chəi ənɨ tɨ̀ rɨkə weerɨ əmɨ. Əne mə yɨ ɨghabɨ ə wə̀d nɨ rɨkə fə zwiirɨ, ɨmbə̀ʼ mə̀ chubɨ ɨkǎ fàʼ əmbɨ ə Ŋwiə̀. Mbɨ fə kòmbɨ̀ əmɨ əzed ə baʼnɨ mbɨ Kristo,

Gàlesìyà 6:14

À yeʼ ɨmbə̀ʼ əmɨ, chəi mə̀ bɨrɨ nɔ goŋ ɨgɔ̂, kɨrɨ ənɨ mə goŋ ɨgɔ̂ ɨmbə̀ʼ ənû ze nɨ ɨvɨ à Ə̀nùŋɨ̀sɨg Yeso Kristo əzed ə baʼnɨ ə nyaʼa ghɨ̌. Ɨchî nɨ Yeso Kristo nyaʼa kwɨ əzed ə baʼnɨ, əne chəi ɨghɨ rɨŋga ɨsɨg wɨrɨ berɨ ənû ə mɔʼɔ nɨ ghɨ̀ mbɨ num. Chəi mə̀ bə berɨ ənû ə mɔʼɔ nɨ ghɨ̀ mbɨ ɨghɨ rɨŋga ɨsɨg.

Kòlosè 2:20

Mbə mɨ fə kwɨ mbɨ Kristo, əne wɨ̀ fə chɨ̀ əwən rɨ əton ɨka we nɨ ɨzwî rɨbɔ̀ŋ mbe rɨŋga ɨsɨg berɨ ɨgwɨ nən. À kɨə ye sɨ ghɨ ni mbə̀ chub ɨghabɨ bə̂d nɨ kɨrɨ ɨŋga ɨsɨg ə? Mbə kɨə zuunɨ rɨkə te rɨŋga ɨsɨg ɨmbə̀ʼ ə yè ə? Tɨ mɔʼɔ rəbɔʼ yɨ ni:

Kòlosè 3:3

Mbə fə kwɨ, əne ə ɨ̀tènɨ̀ wɨ ənə̀mə mbɨ Kristo ɨfě Ŋwiə̀.

1 Pità 1:14

Ɨchî nɨ mbə yeʼ bɔn nɨə zuunɨə, tɨ mbə wɨrɨ beenɨ ə əbɔʼ ɨnû rɨbɔ̀ŋ mbe nɨ tə nyamnyod nyaʼə feenɨə ənɨ ə nyùmə̀ we nɨ chəi mbə̀ nyaʼa kɨrɨ kyerɨ ə Ŋwiə̀.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

1 Jɔn 3:9

Chəi wə̀d we nɨ yeʼ wə̀d Ŋwiə̀ we tɨ̀ wɨ̀ kɨrɨ wò ɨmbì nɨ ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mɨchî Ŋwiə̀ mbɨ ɨŋga məd. Chəi ənɨ tɨ̀ wɨ̀ wɨrɨ ghɨ̀ ənû rɨbɔ̀ŋ ɨmbə̀ʼ ɨghəm nɨ məd yɨə wə̀d Ŋwìə̀.