Rm 13:1 - Meta’

¹ Wə̀d jìm zuunɨ bə̂d mbe nɨə tùmbɨ̀ əbeŋ, ɨmbə̀ʼ ɨghəm nɨ chəi mbɨ berɨ ɨka nɨ tumbɨ bə̂d kɨrɨ ənɨ à yɨə Ŋwìə̀ naʼ ɨka we əmbɨ mɨ̀mə̌d. À yɨə Ŋwìə̀ nuŋ bə̂d mbe nɨə tùmbɨ̀ ɨbeŋ.

Ikan feg

¹ Wə̀d ijìm mənyìʼ ya zùgrə itog bəd mbe ne tùmbə̀ aben imbə̀ʼ icheg ne à ya Ŋwiye chɔ̀ʼi awɔb bə̀ nàʼ ika we inɔb.

Rm 13:1 ပူးပေါင်းရင်းမြစ်များ

Matìyò 6:13

Tɨrə̀ ben e ni ənû ə mɔʼɔ numbɨ əwa, àyɨə chɨ əwa rɨ ənɨ ɨnû rɨbɔ̀ŋ.'

Jn 19:11

Yeso nyaʼa wììrɨ̀ ɨ bɔ ni, “À berɨ ɨka ɨgwɨ num àmei ɨmbə̀ʼ ɨghəm nɨ à yɨə Ŋwìə̀ naʼ ɨka we ɨ ne. Əne wə̀d we nɨ naʼ əmɨ ɨ ne fə ghɨ̀ ənû rɨbɔ̀ŋ ze nɨ bə̌ chè.”

Ɨ̀fàʼì 2:41

Bə̂d mbe nɨ nyaʼa zu ɨŋgam məd benɨ, nyaʼa nɨŋ mɨnib. Bə̂d mbe nɨ nyaʼa yì əbɔʼ bə̂d Kristo əni ze yɨə nyaʼa ɨghabɨ ə chuʼ rɨtad.

Rm 12:21

Tɨrə̀ ben e ni ɨnû rɨbɔ̀ŋ baŋ əwe, àyɨə baŋ ɨnû rɨbɔ̀ŋ mbɨ ɨ̀chɔ̀m.

Rm 13:2

Əne wə̀d we nɨ ton bə̂d mbe nɨə tùmbɨ̀ əbeŋ, fə bə̀ ton bə̂d mbe nɨ Ŋwìə̀ chɔʼɔ. Bə̂d mbe nɨ ghɨ əne bɨrɨ zɨ ɨsaʼi ɨgwɨ mbə ɨtu,

Efesùs 5:21

Mbə zuunɨ ə mbənə mbənə ɨmbə̀ʼ chwi ni mbə̀ mbɨə wumnɨ ə Kristo.

1 Timotì 2:2

Mbə̀ ghɨ əne ɨgwɨ ətu mɨfɔ̀n bə̀ fɔrɨ ɨgwɨ ətu ə bə̂d mɨ̀jìm mbe nɨə tùmbɨ̀ə̀ bə̂d, ɨmbə̀ʼ tɨ̀ nyeʼ bɔtɨ chubɨ bə̀ chub ənɨ əbɔrəbɔd, əne nàʼ ɨwumnɨ əmbɨ ə Ŋwiə̀ ənɨ tɨkwɨrɨ ɨnə̂njɨ̀ jìm bə̀ fɔrɨ ni tɨ̀ ghɨ̀ ɨnû nɨ kuʼnɨ.

Tayitùs 3:1

Nɔɔrɨ ətu bə̂d Kristo mbe rɨ ə Kret ni mbɨ zuunɨ bə̂d mbe nɨə tùmbɨ̀ mɨ̀mə̌d bə̀ zuunɨ mbe nɨ berɨ ɨka ɨgwɨ mɨ̀mə̌d. Tɨ mbɨ ghɨ ə rɨ̀zuə̀ əmbɨ mɨ̀mə̌d. Mbɨ tekɨ ɨnyod nɨ kɨə ghɨ̀ ɨ̀chɔ̀m.

Jûd 1:8

À yɨə bə̀ əndəŋ əndəŋ nɨ məchwiə̀-ɨnû mɨghab mbɔ̂ ə zə ɨnû mɔʼɔ ɨŋga tə njə̀m nɨə ghɨ̀ ni mbɨ fiinɨ tə nyamnyod, tə̀ə̀nɨ̀ ɨka Ŋwiə̀ bə̀ zɔ̀m ɨghɨ mbe nɨ mbɨə wumnɨ ɨkaŋ.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 17:14

Mbɨ bɨrɨ maʼ bid mbɨ ə Wan njɨ̀g, àyɨə Wan njɨ̀g mbɨ ə bə̂d mbe nɨ wɨ̀ tɔŋə bə̀ chɔʼ fɔrɨ mbe nɨə nùŋə̀ fîŋ ɨgwɨ məd bɨrɨ baŋ mɨ̀mə̌d. Mbɨ bɨrɨ baŋ ɨmbə̀ʼ ɨghəm nɨ məd yɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg fɔrɨ Ɨfɔ̂n ɨgwɨ mɨfɔ̀n.”

Ɨnû 19:16

Ɨkum wɨə nyaʼa ɨgun ə ngywɨ̌ məd bə̀ fɔrɨ ɨgun ɨbi ɨwu ɨməd. Ɨkum we yɨ ni: Ɨfɔ̂n ɨgwɨ mɨfɔ̀n mbɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg.