Rm 11:7 - Meta’

⁷ Əne kɨ nɨ yè ə? Chəi mɨ̀Izre nyaʼa berɨ əghɨ ze nɨ mbɨ nyaʼə kə̀bə̀. Bə̂d mbe nɨ Ŋwìə̀ nyaʼa chɔʼɔ nyaʼa berɨ əzɨ əwən, àyɨə ə̀bùʼ ə bə̂d nyaʼa ghɨ̀ tə fîŋ tu.

Ikan feg

⁷ Tì kə ywìrè gha? Chəyi mə̀Izre ya beri aghi ne mbi yaya kə̀bə̀. À ya məyi bəd mbe ne Ŋwiye ya chɔʼi ya bàri ighi mbe ne mbi yaya kə̀bə̀. Si ya gha, chəyi àzin tì àbùʼì bəd yaya ywìrè zùgrə anug ne Ŋwiye yaya ghà inɔb.

Rm 11:7 ပူးပေါင်းရင်းမြစ်များ

Mk 6:52

Mbɨ nyaʼa yiirɨ ɨmbə̀ʼ ɨghəm nɨ chəi ɨtu mɨ̀mə̌d nyaʼa kɨrɨ zeŋ ɨmbə̀ʼ ɨchî nɨ Yeso nyaʼa jə bə̂d ənɨ ə chiŋ ŋgə̀ŋ rɨtân. Chəi mbɨ nyaʼa zeŋ ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu.

Lk 13:24

“Mbə̀ kywɨ ənywɨ nyɨ ɨchû nəb we nɨ fandə, ɨmbə̀ʼ ɨghəm nɨ bə̂d mɨ̀nɔnɔʼ bɨrɨ kəb nyɨ, àyɨə chəi ənɨ tɨ̀ mbɨ nyɨ.

Jn 12:40

“Ŋwìə̀ fə ghɨ əghə mɨ̀mə̌d ə fɨ̀gə̀, bə̀ ghɨ̀ fîŋ tɨ mɨ̀mə̌d tu, ɨmbə̀ʼ tɨ əghə mɨ̀mə̌d zə i ɨsɨ, tɨ fîŋ tɨ mɨ̀mə̌d bɨ kyerɨ i ɨnû, njɨ mbɨ bɨrɨ beŋ yeʼe əsɨ num ɨmbə̀ʼ mə vɨ mɨ̀mə̌d.”

Rm 10:3

Chəi mbɨ kyerɨ ɨchî nɨ Ŋwiə̀ ə ghɨ̀ ni bə̂d təm kùʼnɨ̀. Ɨ mbɨə kə̀bə̀ yeʼ mbə mɨnə̂njɨ̀ nɨ ghɨ ni mbə̀ təm kùʼnɨ̀. Chəi mbɨ nyaʼa gundɨ ə si ɨmbə̀ʼ Ŋwiə̀ ghɨ ni mbɨ təm kùʼnɨ̀.

Rm 11:25

Mbɨ bɔŋgɔb, mə kə̀b ni mbə̀ kyerɨ ənû ze nɨ yeʼ ənə̀mə, ɨmbə̀ʼ tɨ mbə̀ kɔndɨ ə ni mbə we əku. Ənû ze yɨ ni: Ŋwiə̀ fə ghɨ̀ ni fîŋ tɨ mɨ̀Izre tu. Tɨ bɨrɨ tu wò pè ənɨ ɨnun bə̂d mbe nɨ kaʼi mɨ̀Jû nɨ berɨ yeʼe əmbɨ ə Ŋwiə̀ fə kuʼu.

Rm 11:5

Əne bə̂, ənɨ ə nyùmə̀ wɔ̂ rɨ̀nîn, ə̀bùʼ ə bə̂d ə zɨ əŋgu nɨ Ŋwiə̀ chɔʼ ənjìm ɨ̀chɔ̀m məd.

Rm 3:9

Əne kɨ ni ye ə? Mbǎ mɨ̀Jû ə wa bɔ̀ŋ chè bə̂d cherə ə? Chə̂! Ka àbei rɨpiî! Tɨ̀ fə chwi ni ɨnû rɨbɔ̀ŋ mbɨə tùmbɨ̀ə̀ bə̂d mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû.

Rm 6:15

À kɨ ənû ə ye ə? Tɨ̀ wa ghɨ ɨnû rɨbɔ̀ŋ ɨmbə̀ʼ ɨghəm nɨ tɨ̀ yeʼ əton ɨ̀chɔ̀m Ŋwiə̀, kaʼi əton rɨkə ə? Chə̂!

Rm 9:18

Əne məd wɨə dììrɨ̀ə̀ wə̀d we nɨ wɨ̀ kə̀b nɨ dììrɨ̀. Ɨ wɨə bə̀ tuurɨə fîŋ wə̀d we nɨ wɨ̀ kə̀b nɨ tuurɨ fîŋ məd.

Rm 9:23

Wɨ̀ nyaʼa bə̀ kə̀b chwi i mbɔ̂n ze nɨ chəi zɨ̀ bɨrɨ nɔ mì, nɨ yeʼ mbɔ̂n ze nɨ wɨ̀ chwɨ ɨgwɨ ə bə̂d mbe nɨ wɨə dììrɨ̀ə̀. Bə̂d mbe nɨ wɨə dììrɨ̀ə̀ yɨ mbe nɨ wɨ̀ nyaʼa fə tekɨ ni mbɨ chub ɨŋga ɨwumnɨ məd.

1 Kɔrèn 10:19

Mə̀ kɨ əni ghàə̀ ni yè ə? Mə kɨ əni ghàə̀ ni ɨghɨ mbe nɨ mbɨ naʼ ənɨ ɨghɨ ə̀fà əmbɨ mbɨ̀anèŋ yɨ ɨghɨ ə mɔʼɔ ə, kɨ̀ ni anèŋ yɨ əghɨ ə mɔʼɔ ə?

2 Kɔrèn 3:14

Àyɨə fîŋ tɨ mɨ̀mə̌d nyaʼa tu. Ɨ pe rəchɔ̀ŋ, mbɨ mɨ foŋ ə̀ŋwàʼnɨ̀ fɨso ənun, ngywɨ̌ ze zɨə kɨrɨ kənə fîŋ tɨ mɨ̀mə̌d. Àmei ɨmbə̀ʼ ɨchî nɨ bə̂d yeʼ ənɨ ɨfɔtɨ mbɨ Kristo nɨ tɨ̀ mbɨ chɨ̀ ngywɨ̌ ze.

2 Kɔrèn 4:4

Mbə̀ zə ni ŋwìə̀ we rɨŋga ɨsɨg wɔ̂ fə kən fîŋ bə̂d mbe nɨ chəi mbɨ ben ə Kristo, ɨmbə̀ʼ tɨ mbɨ zə ə ɨzeŋɨ zeŋɨ rɨ ənɨ ɨkə̂n chɔ̀m ɨmbə̀ʼ Kristo. Kristo wɨ ɨghabɨ ə Ŋwiə̀.

Efesùs 1:4

Bɔŋ Ŋwìə̀ nyaʼə sɨə tekɨ ɨsɨg, wɨ̀ nyaʼa fə chɔʼ əwa ɨchî nɨ tɨ̀ yeʼ ənɨ ɨfɔtɨ mbɨ Kristo ni tɨ̀ yeʼ bə̂d zeŋɨ ɨfě məd, bə̀ yeʼ bə̂d nɨ chəi ənû rɨbɔ̀ŋ ɨgwɨ na. Wɨ̀ nyaʼa chɔʼ əne ɨchî nɨ wɨ̀ ghaʼ əwa.

Efesùs 4:18

Ɨ mbɨə kɨrɨ ɨŋga ɨzimɨ. Chəi mbɨ berɨ ənû ə mɔʼɔ ɨŋga ɨ̀tènɨ̀ we nɨ Ŋwìə̀ ə nàʼə̀, ɨmbə̀ʼ ɨghəm nɨ chəi ɨtu fîŋ mɨ̀mə̌d ben mbɨ kyerɨ ənû.

Fìlipì 1:18

Ka əze yɨ i ənû ə mɔʼɔ! Ənû ə kyeŋ nɨ yeʼ əŋgu yɨ ni ənɨ mɨnə̂njɨ̀ jìm, kɨ̀ à kɨ mbɨ ə fîŋ chɔ̀m kɨ̀ mbɨ ə fîŋ rɨbɔ̀ŋ, mə wɨə ghaʼə ni ɨ mbɨə ghà ɨkə̂n chɔ̀m ɨmbə̀ʼ ə Kristo.

Mə̀Hibrù 12:17

Mbə kyerɨ ni əwu rənjìm, ənɨ wɨ̀ nyaʼə kə̀b nɨŋ əbɔrəbɔd rɨ əmbɨ i mbǎʼ, mbǎʼ məd nyaʼa ton i ɨmbə̀ʼ ɨghəm nɨ chəi ənɨ tɨ wɨ̀ nyaʼa kwepɨ ənû ze nɨ wɨ̀ nyaʼa fə ghɨ̌, ka à bè yeʼi ni ɨ wɨ̀ nyaʼə kə̀b əbɔrəbɔd ze mbɨ mɨsɨ əghə.

1 Pità 1:2

Ŋwìə̀ Mbǎʼ nyaʼa chɔʼ əwən ni mbə̀ yeʼ mbi bə̂d ɨchî nɨ wɨ̀ nyaʼa fə nuŋɨ. Əzwî əməd ə fə ghɨ̀ mbə zeŋ, ɨmbə̀ʼ mbə̀ zuunɨ ə Yeso Kristo bə̀ ghɨ̀ ni ənəm əməd ze nɨ wɨ̀ nyaʼa chəmnɨ ə zeŋnɨ əwən. Ɨ̀chɔ̀m Ŋwiə̀ mbɨ əbɔrəbɔd əməd yeʼe ɨgwɨ nən ɨ ə̀bù ə̀bù.