Rm 1:18 - Meta’

¹⁸ Ŋwìə̀ we nɨ yeʼ ɨkaŋ wɨə chwi ni tə wɨə sə ɨtəm əbɔʼ ə bə̂d mbe nɨ chəi mbɨə wumnɨ əməd. Ɨ wɨə bə̀ sə əbɔʼ mbe nɨə ghɨ̀ ɨzɨg, ɨmbə̀ʼ ɨghəm nɨ ɨzɨg mɨ̀mə̌d wɨə kənə ni tɨ bə̂d kyerɨ ə rəsìʼ ɨmbə̀ʼ əməd.

Ikan feg

¹⁸ Agaŋ Ŋwiye fə yeʼe tikaŋ igun bəd məjìm ne ghìyə̀ inug tibɔ̀ŋ imbə̀ʼ icheg ne chəyi ìwɔb ikuchèg we nàʼà apan gha bəd kyeri tesiʼ.

Rm 1:18 ပူးပေါင်းရင်းမြစ်များ

Rm 1:19

Ənû ze nɨ tɨ̀ bə̂d kyerɨ ɨmbə̀ʼ ə Ŋwiə̀ ə zeŋ əmbɨ mɨ̀mə̌d, ɨmbə̀ʼ ɨghəm nɨ à yɨə Ŋwiə̀ ziə fə ghɨ ni zɨə zeŋ əmbɨ mɨ̀mə̌d.

Rm 1:28

Ɨchî nɨ chəi mbɨ nyaʼa zə ni zɨə kùʼ nɨ kyerɨ ə Ŋwiə̀, Ŋwìə̀ nyaʼa ghɨ̀ ni mbɨ berɨ tɨkɔndɨ rɨbɔ̀ŋ, ɨmbə̀ʼ sɨə ghɨ̀ ɨnû mbe nɨ chəi mbɨ nyaʼa berɨ nɨ ghɨ̀.

Rm 1:32

Ka à bè yeʼi ni mbɨ kyerɨ tɨkə rɨ Ŋwiə̀ ni bə̂d mbe nɨə ghɨ̀ tɨkwɨrɨ ənû tɔ̂ berɨ kwɨ, àyɨə ɨ mbɨə kɨrɨ wò ɨmbì rəbə ghɨ̀ə̀ ɨnû mbe ghɨ. Ɨ mbɨə bə̀ tìmbɨ̀ ə bə̂d mbe nɨə ghɨ̀ ɨnû rəŋgu.

Rm 2:3

Kɨ̀ àwɔ̀ kɨə we, à wa kɔndɨ ni ənɨ àwɔ̀ ə sob mɨsaʼi ɨgwɨ ə bə̂d mbe nɨə ghɨ̀ tɨkwɨrɨ ənû tɔ̂, əne à wɨə bə̀ kɨrɨ ghɨ̀ ɨnû rəŋgu, ni à we tɨ̀ à nòrə̀ tɨ ənɨ ɨchî nɨ Ŋwìə̀ bɨrɨ saʼ əwe ə?

Rm 3:9

Əne kɨ ni ye ə? Mbǎ mɨ̀Jû ə wa bɔ̀ŋ chè bə̂d cherə ə? Chə̂! Ka àbei rɨpiî! Tɨ̀ fə chwi ni ɨnû rɨbɔ̀ŋ mbɨə tùmbɨ̀ə̀ bə̂d mɨjìm, əne yɨ mɨ̀Jû mbɨ ə bə̂d nɨ kaʼi mɨ̀Jû.

Rm 4:15

ɨmbə̀ʼ ɨghəm nɨ tɨkə tɨə ghɨ̀ ni Ŋwìə̀ sə ɨtəm. Mbə̀ kyerɨ ə ni əsɨ ze nɨ chəi rɨkə əŋgu, chə bə̀ i ɨgu-ənû əŋgu.

Rm 5:6

Ənɨ tɨ̀ nyaʼa kɨrɨ bɔd, nyùmə̀ nyaʼa kùʼ əne Kristo nyaʼa kwɨ ɨgwɨ ɨtu bə̂d mbe nɨ chəi mbɨ nyaʼə wumnɨ ə Ŋwiə̀.

Rm 5:9

Tɨ̀nîn nɨ tɨ̀ fə təm kùʼnɨ̀ ənjìm ənəm ze nɨ Kristo nyaʼa chəmnɨ, wɨ̀ bɨrɨ kaŋ ghɨ ni tɨ Ŋwìə̀ wɨrɨ sə i ɨtəm mbɨ na,

Rm 6:13

Tɨ mbə̀ ben ə ni mbə ɨsɨ ɨnyod mɔʼɔ ghɨ ɨnû rɨbɔ̀ŋ. Əze ə bɨrɨ yeʼ ɨghabɨ ɨghɨ ə̀fàʼì nɨ mbə̀ə ghɨ̀ ɨnû ɨzɨg əŋgu. Àyɨə mbə̀ ben ni ə ɨnyod yeʼ əmbɨ ə Ŋwiə̀ ɨghabɨ ə bə̂d nɨ fə kwɨ wɨrɨ yeʼ ɨkǎ. Mbə̀ ben ni mbə ɨsɨ ɨnyod yeʼ əmbɨ ə Ŋwiə̀ ənɨ ɨghɨ ə̀fàʼì nɨ kùʼnɨ̀.

Efesùs 5:6

Tɨ mbə̀ ben ə ni wə̀d mɔʼɔ tambɨ əwən mbɨ mɨŋgam əko, ɨmbə̀ʼ ɨghəm nɨ à yɨ ɨmbə̀ʼ ɨnû mbɔ̂ nɨ ɨsə ɨtəm Ŋwiə̀ bɨrɨ yeʼe ɨgwɨ ə bə̂d mbe nɨə ghɨ̀ rɨ̀zuə̀.

Kòlosè 3:6

À yɨ ɨmbə̀ʼ ɨnû mbɔ̂ nɨ Ŋwìə̀ bɨrɨ sə ɨtəm əbɔʼ bə̂d mbe nɨ chəi mbɨə zuunɨ əməd.

2 Tès 2:10

Wɨ̀ bɨrɨ nɨŋ tɨkwɨrɨ ɨnə̂njɨ̀ rɨbɔ̀ŋ jìm tambɨ bə̂d mbe nɨ bɨrɨ nim ɨmbə̀ʼ ɨghəm nɨ chəi mbɨ ben rəsìʼ ɨmbə̀ʼ Ə̀nùŋɨ̀sɨg Yeso ɨmbə̀ʼ jwɨ rəŋgəʼ.

2 Tès 2:6

Mbə kyerɨ ənû ze nɨə kɨrɨ yim əməd tɨ̀nîn, ɨmbə̀ʼ ənɨ nyùmə̀ kuʼu, wɨ jwɨ̀ bə̂d zə.