Mk 9:44 - Meta’

⁴⁴ Əŋgu, chəi tɨgwid te nɨə kurə nyamnyod bə̂d ə nɔ̀ kwɨə, chə bəi ɨwid we nɨə tɔ̀n mɨ̀mə̌d ə nɔ̀ nìmə.]

Ikan feg

⁴⁴ [Inga angu, chəyi tègwìd te ne kùrə nyàmnyɔd bəd te kùyə. Iywid we ne tɔ̰̀ bəd, chəyi wì biri bə nɔʼ nime.]

Mk 9:44 ပူးပေါင်းရင်းမြစ်များ

Matìyò 25:41

“Wɨ̀ bɨrɨ gha əmbɨ ə mbe nɨ yeʼ əbɔ ə tweŋ əməd ni, 'Mbə̀n bə̂d ndɔ̀n, mbə̀ nɔʼ rɨ ɨban num wò nyɨ ɨŋga ɨwid rɨ nìmə nɨ mɨ Mbǎʼ nyaʼa fə tekɨ əmbɨ Debɨ̀rə̀ mbɨ mbɨ̀aŋgɨrə̀ məd.

Matìyò 25:46

Əne mbɨ bɨrɨ wò nyɨ ɨŋga ɨchə rɨ nɔ mì, àyɨə bə̂d mbe nɨə ghɨ̀ ɨnû nɨ kuʼnɨ bɨrɨ jɨg ɨ̀tènɨ̀ rɨ mì.”

Matìyò 3:12

Əsɔ twi rɨ̀kwè fə sɨ i ɨkye əbɔ məd nɨ kyeŋ ɨjɔd rəbɔʼ kywɨ̀. Wɨ̀ mɨ kyèŋ, wɨ̀ bɨrɨ fetɨ ti kywɨ̀ chà ɨŋga ŋgə̌n, sɨ tɔ̀n ɨjɔd ɨŋga ɨwid rɨ nìmə.”

Mk 9:43

E əbɔ ə mɨ ghɨ̀ ni à ghɨ ənû rɨbɔ̀ŋ, sob. Zɨə bɔ̀ŋ ni à jɨg ɨ̀tènɨ̀ mbɨ əbɔ ə mɔʼ, chè ɨchî nɨ à bɨrɨ berɨ ɨbɔ be Ŋwìə̀ màʼ əwe ɨŋga ɨwid rɨ nìmə nɨ yeʼ əsɨ ɨchə. [

Mk 9:45

E əwù ə mɨ ghɨ ni à ghɨ ənû rɨbɔ̀ŋ, sob. Zɨə bɔ̀ŋ ni à jɨg ɨ̀tènɨ̀ mbɨ əwù ə mɔʼ, chè ɨchî nɨ à bɨrɨ berɨ ɨwu be Ŋwìə̀ màʼ əwe ɨŋga əsɨ ɨchə. [

Mk 9:48

Əŋgu, chəi tɨgwid te nɨə kurə nyamnyod bə̂d ə nɔ̀ kwɨə, chə bəi ɨwid we nɨə tɔ̀n mɨ̀mə̌d ə nɔ̀ nimə.

2 Tès 1:9

Ŋwìə̀ bɨrɨ zɨ ŋgəʼ ɨgwɨ mɨ̀mə̌d, bə̀ ghɨ̀ ni ŋgəʼ ze chə mɨ̀mə̌d koŋ. Wɨ̀ bɨrɨ chɨ mɨ̀mə̌d rɨ ɨfě Ə̀nùŋɨ̀sɨg Yeso. Chəi mbɨ bɨrɨ bɨ nyɨ ɨŋga ɨwumnɨ məd we nɨ kaŋ dabə.

Ɨnû 14:10

Ŋwìə̀ bɨrɨ sə ɨtəm əbɔʼ məd əne chə əməd. Əne yɨ ɨghabɨ ni wɨ̀ fə zɨ̀ mɨnoʼ ɨŋga toʼ məd nɨ chəi wɨ̀ nyamɨ, əne ghɨ̀ ni wɨ̀ nɔ. Ŋwìə̀ bɨrɨ chə wə̀d wɔ̂ ɨŋga ɨwid, ɨŋga sɔlfò ɨfě mbɨ̀aŋgɨrə̀ zeŋɨ fɔrɨ ɨfě Wan njɨ̀g.

Ɨnû 20:10

Mbɨ nyaʼa màʼ ə Debɨ̀rə̀ we nɨ nyaʼə tambɨ mɨ̀mə̌d ɨŋga əsɨ ze nɨ sɔlfò ə ghɨ̀ ni ɨwid kyeŋ berɨə, nɨ yeʼ əsɨ ze nɨ mbɨ nyaʼa fə be màʼ nyam kyeŋ ze mbɨ ə bə̂d ɨ̀kə̀n mɨghab mbe əŋgu. Mbɨ bɨrɨ sɨə chəə mɨ̀mə̌d əŋgu əziə mbɨ ɨzimɨ koŋ koŋ.

Ɨnû 20:15

À mɨ yeʼ nɨ chəi mbɨ nyaʼa zə ɨkum wə̀d mɔʼɔ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀, mbɨ nyaʼa màʼ əməd ɨŋga ɨwid kyeŋ we.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”