Mk 9:24 - Meta’

²⁴ Àmei əwu əwən, mbǎʼ wan we nyaʼa kyeŋ rɨkǎ ghà ni, “Mə benɨ, àyɨə mɨ ɨbenɨ ə bɔd. Weerɨ əmɨ ghɨ̀ ni wɨ kaanə!”

Ikan feg

²⁴ Kwàʼ ati ati, mbaʼ ŋwan we ya kyen ane ika gha, “Mə bḛ, si ya gha, àmə ibḛfiŋ bɔd. Wète amə ghì gha àmə ibḛfiŋ ka!”

Mk 9:24 ပူးပေါင်းရင်းမြစ်များ

Mk 9:23

Yeso nyaʼa ghà ɨ bɔ ni, “À ghà ni, 'A mɨ yeʼ nɨ tɨ̀ à ghɨ̀ ənû ə mɔʼɔ!' Kyerɨ ni chəi ənû ə mɔʼɔ nɨ tɨ̀ zɨə chè wə̀d we nɨ benɨ.”

Mk 9:25

Ənɨ Yeso nyaʼa zə ənɨ ɨnɔ̂n bə̂d nyaʼə nòrə̀ yeʼe fetɨə, wɨ̀ nyaʼa ghàm əbɔʼ əzwî rɨbɔ̀ŋ ze ni, “Àwɔ̀ əzwî ze nɨə ghɨ̀ ni tɨ wə̀d gham i bə̀ ghɨ̀ə̀ ni tɨ wɨ̀ zu i ənû, mə ghà ɨ ne ni à jwɨ̀ e rɨŋga wan mbaŋə̀ wɔ̂. Tɨrə̀ tɔ wɨrɨ nyɨ e ɨŋga məd.”

Lk 17:5

Bə̂d tom Ə̀nùŋɨ̀sɨg nyaʼa ghà ɨ bɔ ni, “Ghɨ ni à ɨbenɨ kaanə!”

Lk 7:38

Wɨ̀ nyaʼa pè təm ənjìm ə Yeso ɨban ɨwu ɨməd, kɔ chweŋ mɨsɨ zù ɨwu məd əŋgu bə̀ fu ənɨ ti nyôŋ rɨ ətu. Wɨ̀ nyaʼa sɔɔrɨ ɨwu mbe bə̀ zɔʼ ənɨ mɨwud mbe.

Lk 7:44

Ənɨ wɨ̀ nyaʼa ghà əne, wɨ̀ nyaʼa beŋ nèŋ əyi we, ghà əmbɨ Saimòn ni, “À zə əyi wɔ̂ ə? Mə nyɨ ɨŋga e nəb chəi à naʼ mɨnib ni mə̀ so mbɨ ɨwu əŋgu, àyɨə əyi wɔ̂ fə zù mbɨ ɨwu ənɨ mbi mɨsɨ bə̀ fu ənɨ ti nyôŋ rɨ ətu.

Ɨ̀fàʼì 10:19

Ənɨ Pità nyaʼə kɨrɨ kɔndɨ e ətu ɨmbə̀ʼ əton ənɨ tɨ̀taanɨ njə̀m ze, Əzwî ə Zeŋɨ ə nyaʼa ghà ɨ bɔ ni, “Zə, bə̂d mɨ̀tad mbɨə kə̀b əwe.

Ɨ̀fàʼì 10:31

Wɨ̀ nyaʼa təm ghà ni, 'Kɔneliùs! Ŋwìə̀ fə zu e ə̀kɔ̀ŋgɨ̀. Wɨ̀ fə bə̀ zə ɨkab we nɨ àwɔ̀ ə nàʼ əmbɨ ə bə̂d ɨkwaŋ.

2 Kɔrèn 2:4

Ənɨ mə nyaʼa ŋwaʼnɨ ə̀ŋwàʼnɨ̀ ze ɨ nən, mə nyaʼa kàŋ kə̀n əku, mɨ fîŋ bə̀ tɔb əmɨ, əne mə nyaʼa zə̀ʼ. Chəi mə̀ nyaʼa ŋwaʼnɨ ɨmbə̀ʼ tɔɔnɨ tə fîŋ. Mə nyaʼa ŋwàʼnɨ̀ ɨmbə̀ʼ mbə̀ kyerɨ ni mə kàŋ ghaʼ əwən kwàʼ rɨŋgəʼ.

Efesùs 2:8

Ɨchî nɨ mbə̀ benɨ, Ŋwìə̀ fə ghɨ̀ ɨ̀chɔ̀m ənɨ nən chɨ̀ əwən rəŋgəʼ. Kaʼi mbə̀nə ghɨ ənû zɔ̂. À yɨ ɨneʼe nɨ nɔʼ rɨ əmbɨ ə Ŋwiə̀.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

2 Tès 1:11

Əne tɨ̀ wɨə kɔ̀ŋgɨ̀ a Ŋwiə̀ ɨghəm jìm ni wɨ̀ ghɨ̀ mbə̀ kuʼ nɨ chub ɨchî nɨ wɨ̀ nyaʼa tɔŋ əwən ni mbə̀ chubɨ. Tɨ̀ wɨə bə̀ kɔ̀ŋgɨ̀ə̀ ni ənjìm ɨka məd, mbə mbe tɨ̀ mbə ghɨ̀ ɨ̀chɔ̀m we nɨ mbə̀ kəb nɨ ghɨ, bə̀ màànɨ̀ ə̀fàʼì ze nɨ ɨbenɨ ghɨ ni mbə̀ faʼa.

2 Tès 1:3

Mba bɔŋgɔb, tɨ̀ berɨ naʼ məben-əwe əmbɨ ə Ŋwiə̀ ɨghəm jìm ɨmbə̀ʼ əwən. Tɨ̀ berɨ ghɨ əne ɨchî nɨ zɨə kuʼnɨ, ɨmbə̀ʼ ɨghəm nɨ ə ɨbenɨ wɨə kwiə wò ɨmbì. Mbə mbɨə ghaʼə mbə bɔŋgɔb wò ɨmbì.

2 Timotì 1:4

Mə wɨə kɔndɨ mɨsɨ mbe nɨ à nyaʼa chweŋɨ, əne mə wɨə kàŋə̀ kəb ni njɨ mə wɨrɨ zə əwe, ɨmbə̀ʼ ɨghaʼi swi ɨŋga mɨ fîŋ.

Mə̀Hibrù 12:17

Mbə kyerɨ ni əwu rənjìm, ənɨ wɨ̀ nyaʼə kə̀b nɨŋ əbɔrəbɔd rɨ əmbɨ i mbǎʼ, mbǎʼ məd nyaʼa ton i ɨmbə̀ʼ ɨghəm nɨ chəi ənɨ tɨ wɨ̀ nyaʼa kwepɨ ənû ze nɨ wɨ̀ nyaʼa fə ghɨ̌, ka à bè yeʼi ni ɨ wɨ̀ nyaʼə kə̀b əbɔrəbɔd ze mbɨ mɨsɨ əghə.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 5:7

Ənɨ Yeso nyaʼa ɨgwɨ ə si, ɨ wɨə nyaʼə kɔ̀ŋgɨ̀ ə Ŋwìə̀ bə̀ nɔn ɨnû rɨ əmbɨ ə Ŋwìə̀ we nɨ tɨ̀ wɨ̀ nyaʼa fe əməd tɨ əmbɨ ɨvɨ. Ɨ wɨə nyaʼə kɔŋgɨ əne mbɨ əwob ə ka ka fɔrɨ mbɨ mɨsɨ əghə. Ŋwiə̀ nyaʼa zu ə̀kɔ̀ŋgɨ̀ əməd ɨmbə̀ʼ ɨghəm nɨ wɨ̀ nyaʼa swi i ɨnyod wumnɨ ə Ŋwiə̀.