Mk 8:6 - Meta’

⁶ Yeso nyaʼa zu əne ghà əmbɨ ɨnɔ̂n bə̂d we ni mbɨ chub ə si. Ənɨ mbɨ nyaʼa chubɨ, wɨ̀ nyaʼa nɨŋ chiŋ ŋgə̀ŋ te sambe, kɔ̀ŋgɨ̀ ə Ŋwìə̀, bəʼrɨ, nàʼ əmbɨ mbi mə̀mə̀ə̀nɨ̀-ɨnû ni mbɨ ghapə. Mbɨ nyaʼa nɨŋ ghàpɨ̀ əmbɨ ɨnɔ̂n bə̂d we.

Ikan feg

⁶ Yeso ya zug ane ghà abə inɔ̰ bəd we gha mbe chughi aseg. Anyumə̀ ne mbi ya chughi aseg, wì ya niŋ chiŋ ngə̀ŋ mə̀kara te ìsàmbe, chàʼra Ŋwiye, bə̀ʼri, nàʼ abə ìmbi mə̀mə̀nənùg gha mbe ghapa abə bəd. Mbi ya niŋ ghàpì abə inɔ̰ bəd we.

Mk 8:6 ပူးပေါင်းရင်းမြစ်များ

Matìyò 26:26

Ənɨ Yeso mbɨ mbi mə̀mə̀ə̀nɨ̀-ɨnû nyaʼa sɨə jɨgə, Yeso nyaʼa nɨŋ chiŋ ŋgə̀ŋ, kɔŋgɨ ə Ŋwiə̀ ɨgun, bəʼrɨ, nàʼ əmbɨ mbi mə̀mə̀ə̀nɨ̀-ɨnû ghà ni, “Mbə̀ nɨŋ jɨg, əzɔ̂ yɨ mɨ nyamnyod.”

Mk 8:20

Wɨ̀ nyaʼa bə̀ yì biirɨ ni, “Ənɨ mə̀ nyaʼa bəʼrɨ chiŋ ŋgə̀ŋ te sambe əmbɨ ə bə̂d chuʼ rɨ̀kwè, mbə̀ nyaʼa fetɨ tɨkə te nɨ nyaʼa buʼu, tɨ swi mbɨ̀rɨkaʼ səʼ ə?” Mbɨ nyaʼa ghà ɨ bɔ ni, “Tɨ̀ nyaʼa fetɨ mbɨ̀rɨkaʼ sambe.”

Mk 8:5

Wɨ̀ nyaʼa biirɨ əmbɨ mɨ̀mə̌d ni, “Mbə̀ berɨ chiŋ ŋgə̀ŋ rɨsəʼ ə?” Mbɨ nyaʼa wììrɨ̀ ni, “Tɨ̀ berɨ chiŋ ŋgə̀ŋ sambe.”

Mk 8:7

Mbɨ nyaʼa bə̀ berɨ əgwi ə kwa kwa mɔʼɔ rɨpiî. Ənɨ wɨ̀ nyaʼa zɨ əbɔrəbɔd ɨgun əgwi ze, wɨ̀ nyaʼa bə̀ ghà ni mbɨ ghapə.

Lk 12:37

Ŋwìə̀ zɨ əbɔrəbɔd ɨgun ə bə̂d ə̀fàʼì mbe nɨ ənɨ mbǎʼ ə̀fàʼì mɨ̀mə̌d yeʼe, wɨ̀ pè zə mɨ̀mə̌d ɨkyèʼe. Mə ghà rəsìʼ ɨ nən ni wɨ̀ bɨrɨ zɨ i ngywɨ̌ ə̀fàʼì, ghà ni mbɨ chub ə si, əne nàʼ ɨghɨjɨg əmbɨ mɨ̀mə̌d.

Lk 24:30

Ənɨ wɨ̀ nyaʼa chubɨ ɨ jɨg mbɨ mɨ̀mə̌d, wɨ̀ nyaʼa nɨŋ chiŋ ŋgə̀ŋ, kɔŋgɨ ə Ŋwiə̀, bəʼrɨ, nàʼ əmbɨ mɨ̀mə̌d.

Jn 2:5

Ənɨ wɨ̀ nyaʼa ghà əne ɨŋgɔb məd nyaʼa ghà əmbɨ ə bə̂d mbe nɨ nyaʼə chà ɨnamɨ we ni, “Mbə̀ ghɨ ənû ze nɨ wɨ̀ gha ɨ nən.”

Jn 6:23

Ɨbaŋ ɨgyɨ̀ mɔʼɔ rɨ ə Tìberiàs nyaʼa wo təm ɨban əsɨ ze nɨ Yeso nyaʼa nɨŋ ŋgə̀ŋ, kɔŋgɨ ə Ŋwiə̀, nàʼ əmbɨ ɨnɔ̂n bə̂d we ni wɨ̀ jɨg.

Rm 14:6

Wə̀d we nɨ zə ni əni ə mɔʼɔ ə chè mbɨ cherə, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. We nɨə jɨg ɨghɨjìm, wɨə jɨg ɨmbə̀ʼ wumnɨ Ə̀nùŋɨ̀sɨg, ɨmbə̀ʼ ɨghəm nɨ mɨ̀mə̌d mɨjìm mbɨə nàʼə̀ məben-əwe əmbɨ ə Ŋwiə̀ ɨmbə̀ʼ ɨghɨjɨg mbe. We nɨ chəi wɨə jɨg ɨghɨjìm, wɨə ghɨ̀ əne ɨmbə̀ʼ wumnɨ Ə̀nùŋɨ̀sɨg. Məd wɨə bə̀ nàʼə̀ məben-əwe əmbɨ Ŋwiə̀ ɨmbə̀ʼ ɨghɨjɨg mbe.

Kòlosè 3:17

Əne ɨnû jìm mbe nɨ mbə̀ə ghɨ̀ə̀, kɨ̀ ənɨ mbe nɨ mbə̀ə ghàə̀, mbə ghɨ ənɨ ɨkum Ə̀nùŋɨ̀sɨg Yeso. Mbə mɨə ghɨ̀ə̀ əne, mbə bɨrɨ yeʼə chè ənjìm məd nàʼə̀ məben-əwe əmbɨ Ŋwiə̀ Mbǎʼ.