Mk 8:17 - Meta’

¹⁷ Yeso nyaʼa kyerɨ ənû ze nɨ mbɨ nyaʼə ghàə̀, əne wɨ̀ nyaʼa ghà əmbɨ mɨ̀mə̌d ni, “Mbə kɨə ghà ənû ɨmbə̀ʼ ɨchî nɨ chəi mbə̀ berɨ ŋgə̀ŋ ɨmbə̀ʼ ə yè ə? Chə wa kɨrɨ i ɨwe ətu nən ə? Chəi mbə ɨtu bə kɨrɨ zeŋ ə? Tə fîŋ wa fə bə̀ tu ə?

Ikan feg

¹⁷ Yeso ya kyeri anug ze ne mbi yaya ghà, ane, wì ya biri inɔb gha, “Aton ne mbə̰ mbe ghàmà gha chəyi mbə̀ beri ngə̀ŋ mə̀kara àkə gha? À wa kə chəyi iwe inən inga atog? Chəyi ìmbən itog bə kiri zḛ? Ìtən fìŋ wa fə bə̀ tu?

Mk 8:17 ပူးပေါင်းရင်းမြစ်များ

Matìyò 12:15

Yeso nyaʼa kyerɨ ni ɨ mbɨ nyaʼə taŋ mɨnaŋ ɨgwɨ ni, əne wɨ̀ nyaʼa nɔ̀ʼ rɨ əsɨ ze. Bə̂d mɨ̀nɔnɔʼ nyaʼa beenɨ əbɔʼ məd, əne wɨ̀ nyaʼa vɨ̀ bə̂d əwɔn mɨjìm mbe nɨ nyaʼa əkaʼ mɨ̀mə̌d.

Matìyò 15:17

Chəi mbə̀ zə ni əghɨ ze nɨ nyɨ ɨŋga ɨchû bɨrɨ swiʼi wò nyɨ ɨbum əne jwɨ̀ ə?

Matìyò 16:7

Mbɨ nyaʼa kɔ ghǎ mbənə mbənə ni, “Ɨ wɨə ghà əne ɨmbə̀ʼ ɨghəm nɨ chəi tɨ̀ kəʼ nɨŋ ŋgə̀ŋ.”

Mk 16:14

Yeso nyaʼa nwìə̀ chwi i ɨnyod əmbɨ mə̀mə̀ə̀nɨ̀-ɨnû mbe wum chɔ̀b mɔʼ ənɨ mbɨ nyaʼə jɨgə. Wɨ̀ nyaʼa ghàm əbɔʼ mɨ̀mə̌d ɨmbə̀ʼ ɨchî nɨ chəi mbɨ nyaʼa berɨ ɨbenɨ bə̀ fɔrɨ ɨmbə̀ʼ ɨchî nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ɨmbə̀ʼ ɨghəm nɨ chəi mbɨ nyaʼa ben ɨnû mbe nɨ bə̂d mbe nɨ nyaʼa zə əməd ənɨ wɨ̀ nyaʼa fə zwemə, nyaʼə ghàə̀.

Mk 2:8

Yeso nyaʼa kyerɨ tɨkɔndɨ tɨ mɨ̀mə̌d àmei əwu əwən, əne wɨ̀ nyaʼa ghà əmbɨ mɨ̀mə̌d ni, “Mbə̀ kɨə kɔndɨə tɨkwɨrɨ ɨnû tɔ̂ ɨŋga tə fîŋ ɨmbə̀ʼ ə yè ə?

Mk 3:5

Wɨ̀ nyaʼa nèŋ mɨ̀mə̌d kad nàànɨ̀, sə ɨtəm bə̀ wɨrɨ kə̀n ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu. Wɨ̀ nyaʼa ghɨ̀ əne ghà əmbɨ ə mbaŋə̀ ze ni, “Sem e əbɔ.” Wɨ̀ nyaʼa sèm, əne əbɔ əməd ə nyaʼa wɨrɨ kà i.

Mk 6:52

Mbɨ nyaʼa yiirɨ ɨmbə̀ʼ ɨghəm nɨ chəi ɨtu mɨ̀mə̌d nyaʼa kɨrɨ zeŋ ɨmbə̀ʼ ɨchî nɨ Yeso nyaʼa jə bə̂d ənɨ ə chiŋ ŋgə̀ŋ rɨtân. Chəi mbɨ nyaʼa zeŋ ɨmbə̀ʼ ɨghəm nɨ fîŋ tɨ mɨ̀mə̌d nyaʼa tu.

Mk 8:16

Mbɨ nyaʼa kɔ ghǎ mbənə mbənə ni, “Ɨ wɨə ghà əne ɨmbə̀ʼ ɨghəm nɨ chəi tɨ̀ berɨ ŋgə̀ŋ.”

Lk 24:25

Yeso nyaʼa zu əne ghà əmbɨ mɨ̀mə̌d ni, “Mbə yɨ ɨneŋ, mbə mbɨə jìŋgɨ̀ə̀ nɨ ben ɨnû jìm mbe nɨ bə̂d ɨ̀kə̀n Ŋwiə̀ nyaʼa fə ghǎ!

Jn 16:30

Tɨ̀ fə kyerɨ tɨ̀nîn ni à kyerɨ ɨnû jìm, əne chəi əton nɨ tɨ̀ wə̀d mɔʼɔ wɨrɨ biirɨ ənû ɨ ne. Əzɔ̂ ə fə ghɨ̀ tɨ̀ ben ni à yɨə Ŋwìə̀ nyaʼa tom əwe.”

Jn 21:17

Yeso nyaʼa yì biirɨ ɨ bɔ ənɨ ɨghəm nɨ pè tad ni, “Saimòn, àwɔ̀ wan Jɔ̌n, à ghaʼ əmɨ ə?” Pità nyaʼa kə̀n ɨmbə̀ʼ ɨchî nɨ Yeso nyaʼa biirɨ ɨ bɔ ənɨ ɨghəm nɨ pè tad ni, “À ghaʼ əmɨ ə?” Əne wɨ̀ nyaʼa wììrɨ̀ əmbɨ Yeso ni, “Ə̀nùŋɨ̀sɨg, à kyerɨ ɨnû jìm. À kyerɨ ni mə ghaʼ əwe!” Yeso nyaʼa ghà ɨ bɔ ni, “Jə tɨ njɨ̀g.

Ɨnû 2:23

Mə bɨrɨ zwiirɨ bɔn məd. Tɨfetɨ bə̂d Kristo rɨ̀jìm bɨrɨ kyerɨ ni mɔ̌ yɨə wə̀d nɨə kyèʼrɨ̀ə̀ tɨkɔndɨ bə̂d bə̀ kyèʼrɨ̀ə̀ fîŋ tɨ mɨ̀mə̌d. Mə bɨrɨ chwɨ wə̀d mɔʼ mɔʼ rəbɔʼ nən beenɨ əbɔʼ ɨnû mbe nɨ mbə̀ ghɨ̌.