Mk 6:15 - Meta’

¹⁵ Mbɨ mɔʼɔ mbɨə nyaʼə ghàə̀ ni, “Məd yɨ Èlaijà.” Mbɨ cherə mbɨə nyaʼə ghàə̀ ni, “Məd yɨə wə̀d ɨ̀kə̀n Ŋwìə̀ ɨghabɨ wɨ mɔʼɔ rɨ əbɔʼ mbɨ rəŋwe.”

Ikan feg

¹⁵ Mbi mɔ̀ʼɔ ya gha məd ya Èlayijà. Mbi ndəŋ bə̀ gha, à ya wə̀dkə̀n Ŋwiye icheg mbe te aneg.

Mk 6:15 ပူးပေါင်းရင်းမြစ်များ

Matìyò 16:14

Mbɨ nyaʼa wììrɨ̀ ni, “Bə̂d mɔʼɔ mbɨə ghàə̀ ni àwɔ̀ yɨə Jɔ̌n we nɨ nyaʼə nàʼ mɨnib. Mbɨ cherə mbɨə ghàə̀ ni àwɔ̀ yɨə Èlaijà. Mbɨ cherə ghàə̀ ni àwɔ̀ yɨə Jèrèmià, kɨ̀ wə̀d ɨ̀kə̀n Ŋwìə̀ cherə.”

Matìyò 21:11

Mɨnɔ̂n bə̂d mbe nyaʼa ghà ni, “Wɔ̂ yɨə Yeso we nɨ yeʼ wə̀d ɨ̀kə̀n Ŋwìə̀. Wɨ̀ yɨ rɨ ə Nazàret ə Galiliî.”

Mk 6:16

Àyɨə ənɨ Herɔ̀d nyaʼa zu ənû ze, wɨ̀ nyaʼa ghà ni, “Jɔ̌n we nɨ mə̀ nyaʼa sob ətu əməd fə zwemə!”

Mk 8:28

Mbɨ nyaʼa wììrɨ̀ ɨ bɔ ni, “Bə̂d mɔʼɔ mbɨə ghàə̀ ni àwɔ̀ yɨə Jɔ̌n we nɨ nyaʼə nàʼ mɨnib. Mbɨ cherə mbɨə ghàə̀ ni àwɔ̀ yɨə Èlaijà. Mbɨ cherə ghàə̀ ni àwɔ̀ yɨ wɨ mɔʼɔ rəbɔʼ bə̂d ɨ̀kə̀n Ŋwiə̀.”

Lk 1:17

Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Lk 7:16

Ɨbɔɔ nyaʼa swi ɨŋga bə̂d mbe mɨjìm, əne ɨ mbɨə nyaʼə yiirɨ ə Ŋwiə̀ ghàə̀ ni, “Wə̀d ɨ̀kə̀n Ŋwìə̀ nɨ dabə fə jwɨ̀ əkaʼ na!” fɔrɨ ni, “Ŋwìə̀ fə yeʼe ɨ weerɨ mbi bə̂d!”

Lk 7:39

Ənɨ Farisiî we nɨ nyaʼa tɔŋ ə Yeso nyaʼa zə ənû ze, wɨ̀ nyaʼa ghà ɨŋga i fîŋ ni, “Mbaŋə̀ zɔ̂ mɨ kàŋ kə̀ʼ yeʼ wə̀d ɨ̀kə̀n Ŋwìə̀, njɨ wɨ̀ kyerɨ əyi wɔ̂ nɨə bètɨ̀ əməd bə̀ kyerɨ ɨkwɨ əyi we nɨ wɨ̀ yeʼ wɨwən, ɨmbə̀ʼ ɨghəm nɨ əyi wɔ̂ wɨə ghɨ̀ ɨnû rɨbɔ̀ŋ.”

Lk 9:19

Mbɨ nyaʼa wììrɨ̀ ni, “Bə̂d mɔʼɔ mbɨə ghàə̀ ni àwɔ̀ yɨə Jɔ̌n we nɨ nyaʼə nàʼ mɨnib. Mbɨ cherə mbɨə ghàə̀ ni àwɔ̀ yɨ Èlaijà. Mbɨ cherə ghàə̀ ni àwɔ̀ yɨə wə̀d ɨ̀kə̀n Ŋwìə̀ mɔʼɔ rəbɔʼ mbɨ rəŋwe nɨ fə wɨrɨ zwemə.”

Lk 9:8

Mbɨ mɔʼɔ mbɨə nyaʼə ghà ni Èlaijà fə wɨrɨ yeʼe i. Mbɨ cherə mbɨə nyaʼə ghàə̀ ni wə̀d ɨ̀kə̀n Ŋwìə̀ mɔʼɔ rəbɔʼ mbɨ rəŋwe fə wɨrɨ zwemə.

Jn 1:21

Mbɨ nyaʼa biirɨ ɨ bɔ ni, “Əne, àwɔ̀ kɨə we ə? Àwɔ̀ wa kɨ Èlaijà ə?” Wɨ̀ nyaʼa wììrɨ̀ ni, “Chə̂, ka mɔ̌ yɨ əmɨ Èlaijà.” Mbɨ nyaʼa biirɨ ni, “Àwɔ̀ wa kɨə wə̀d ɨ̀kə̀n we nɨ Ŋwìə̀ nyaʼa kàʼi ni tə bɨrɨ tom ə?” Wɨ̀ nyaʼa wììrɨ̀ ni, “Chə̂.”

Jn 1:25

Mbɨ nyaʼa biirɨ ɨ bɔ ni, “Əton nɨ àwɔ̀ ə nàʼ mɨnib nɨ kaʼ àwɔ̀ yɨ e Wə̀d we nɨ Ŋwìə̀ zɔʼɔ kɨ̀ Èlaijà kɨ wə̀d ɨ̀kə̀n we nɨ Ŋwìə̀ nyaʼa kàʼi, kɨ ni yè ə?”

Jn 6:14

Ənɨ bə̂d mbe nyaʼa zə ənû ə yiirɨ ze nɨ Yeso nyaʼa ghɨ̌, mbɨ nyaʼa ghà ni, “Wɔ̂ yɨə kàŋ ə wə̀d ɨ̀kə̀n we nɨ nyaʼa wo yeʼe ɨŋga ɨsɨg!”

Jn 7:40

Ənɨ ɨnɔ̂n bə̂d we nyaʼa zu ɨŋgam wɔ̂, mbɨ mɔʼɔ rəbɔʼ mɨ̀mə̌d nyaʼa ghà ni, “Mbaŋə̀ zɔ̂ yɨə kaŋə wə̀d ɨ̀kə̀n we nɨ Ŋwìə̀ nyaʼa kaʼi ni tə bɨrɨ tom.”

Jn 9:17

Mɨ̀Farisiî mbe nyaʼa wɨrɨ yì biirɨ əmbɨ ə mbaŋə̀ ze ni, “Wɨ̀ fə ghɨ à sɨə zə ɨsɨ. À ghà ni ye ɨmbə̀ʼ əməd ə?” Mbaŋə̀ ze nyaʼa wììrɨ̀ ni, “Mə kyerɨ ni məd yɨə kàŋ ə wə̀d ɨ̀kə̀n Ŋwìə̀.”