Mk 4:34 - Meta’

³⁴ Chəi wɨ̀ nyaʼa gha ənû ə mɔʼɔ əmbɨ ə bə̂d nɨ chəi wɨ̀ zɨ ənû ə mɨgɨ əbɔʼ. Àyɨə ənɨ wɨ̀ nyaʼa chub i tə̀zìʼ wi mbɨ mbi mə̀mə̀ə̀nɨ̀-ɨnû, wɨ̀ nyaʼa tòʼrɨ̀ ɨnû jìm əmbɨ mɨ̀mə̌d.

Ikan feg

³⁴ Chəyi wì yaya ghà anug mɔ̀ʼɔ abə bəd ne chəyi wì zi ìngam məgri abɔ̀ʼ. Si ya gha, anyumə̀ ne wì ya chughi yi tèzìʼì tì ìmbi mə̀mə̀nənùg, wì ya tòʼrì inug ijìm inɔb.

Mk 4:34 ပူးပေါင်းရင်းမြစ်များ

Matìyò 13:34

Yeso nyaʼa ghà ɨnû mbɔ̂ jìm əmbɨ mɨnɔ̂n bə̂d mbe ənɨ ɨnû mɨgɨ. Chəi ənû ə mɔʼɔ nɨ wɨ̀ nyaʼa ghǎ nɨ chəi wɨ̀ nyaʼa zɨ ənû ə mɨgɨ əbɔʼ.

Mk 4:10

Ənɨ Yeso nyaʼa i tə̀zìʼ wi, bə̂d mbe nɨ nyaʼa kad əməd mbɨ mə̀mə̀ə̀nɨ̀-ɨnû mbe wum chɔ̀b rɨ̀be nyaʼa biirɨ ɨŋgam ɨ bɔ ɨmbə̀ʼ ɨnû mɨgɨ mbe.

Mk 4:33

Yeso nyaʼə ghà ɨŋgam Ŋwiə̀ əmbɨ ə bə̂d ənɨ ɨnû mɨgɨ nɔnɔʼ ɨghabɨ mbɔ̂. Wɨ̀ nyaʼə ghà ənɨ ɨnə̂njɨ̀ nɨ tɨ̀ bə̂d zu kyerɨ.

Lk 24:27

Ənɨ wɨ̀ nyaʼa ghà əne, wɨ̀ nyaʼa toʼrɨ ɨnû mbe nɨ Ɨ̀ŋwàʼnɨ̀ Ŋwiə̀ jìm gha ɨmbə̀ʼ əməd ziə. Wɨ̀ nyaʼa kɔ rɨ ənɨ ɨ̀ŋwàʼnɨ̀ mbe nɨ Mose nyaʼa ŋwaʼnɨ wò pè ənɨ mbe nɨ bə̂d ɨ̀kə̀n Ŋwiə̀ mɨjìm nyaʼa bə ŋwàʼnɨ̀.

Jn 10:6

Yeso nyaʼa ghà ənû ə mɨgɨ zɔ̂ əmbɨ mɨ̀mə̌d, àyɨə chəi ɨtu mɨ̀mə̌d nyaʼa zeŋ ɨmbə̀ʼ ənû ze nɨ wɨ̀ nyaʼə ghàə̀.

Jn 16:25

Yeso nyaʼa wo ɨmbì gha əmbɨ mɨ̀mə̌d ni, “Mə fə ghà ɨnû mbɔ̂ ɨ nən ənɨ ɨŋgam maʼi. Mbə̀ kyerɨ ni nyùmə̀ wɨə yeʼe nɨ chəi mə̀ bɨrɨ wɨrɨ ghàm ɨ nən ənɨ ɨŋgam maʼi. Mə bɨrɨ gham ɨ nən əsaŋ əsaŋ ɨmbə̀ʼ ə Mbǎʼ.

Ɨ̀fàʼì 28:23

Mbɨ nyaʼa nùŋ əni nɨ mbɨ bɨrɨ wɨrɨ wo zə ə Pɔ̂l. Ənɨ əni ze ə nyaʼa yeʼe kùʼ, mbɨ nyaʼa jwɨ̀ kwàʼ mɨ̀nɔnɔʼ wò əsɨ ze nɨ Pɔ̂l nyaʼə chubə. Wɨ̀ nyaʼa kɔ toʼrɨ ənû ɨmbə̀ʼ ənû ɨfɔ̀n ə Ŋwiə̀ kɔ ɨsɔsɔ wò pè ɨkwirɨ. Wɨ̀ nyaʼa bə̀ nɨŋ mɨŋgam rɨŋga ə̀ŋwàʼnɨ̀ tɨkə rɨ Mose bə̀ nɨŋ rɨŋga ə̀ŋwàʼnɨ̀ mbe nɨ bə̂d ɨ̀kə̀n Ŋwiə̀ nyaʼa ŋwaʼnɨ ghɨ̀ mbɨ kyerɨ ni ɨnû mbe nɨ tɨə ghà ɨmbə̀ʼ ə Yeso yɨ ɨnû rəsìʼ.