Mk 4:24 - Meta’

²⁴ Wɨ̀ nyaʼa bə̀ yì ghà əmbɨ mɨ̀mə̌d ni, “Mbə̀ zɨ ətu ənɨ ɨnû mbe nɨ mbə̀ zu. Ɨchî nɨ mbə̀ə saʼə bə̂d cherə yɨə bə ɨchî nɨ mbɨ bɨrɨ saʼ əwən. Àyɨə mbɨ bɨrɨ saʼ əwən chè ɨchî nɨ mbɨ bɨrɨ saʼ bə̂d cherə.

Ikan feg

²⁴ Wì ya bə̀ ywìrì ghà inɔb gha, “Mbə̀ ziye atog ane inug mbe ne mbə̀ zughi. Icheg ne mbə̰ mbe sàʼa bəd ndəŋ, à ya bə̀ icheg ne Ŋwiye biri saʼ awən. Si ya gha, Ŋwiye biri saʼ awən chè icheg ne wì biri saʼ bəd ndəŋ.

Mk 4:24 ပူးပေါင်းရင်းမြစ်များ

Matìyò 7:2

Ɨchî nɨ mbə̀ə saʼə bə̂d cherə, yɨə bə̀ ɨchî nɨ Ŋwiə̀ bɨrɨ saʼ əwən. Ŋwìə̀ bɨrɨ nɨŋ ɨchî nɨ mbə̀ saʼ bə̂d cherə saʼ əwən əŋgu.

Mk 9:7

Pàʼ mɔʼɔ nyaʼa kubrɨ mɨ̀mə̌d, əne gɨ̂ mɔʼɔ rɨŋga pàʼ ze nyaʼa ghà ni, “Wɔ̂ yɨə mɨ Wan nɨ mə̀ ghaʼi kwàʼ rɨŋgəʼ, mbə̀ zu ənû ze nɨ wɨə ghàə̀!”

Lk 8:18

“Əne mbə̀ we əwən ɨchî nɨ mbə̀ə zu ɨnû, ɨmbə̀ʼ ɨghəm nɨ wə̀d we nɨ berɨ ɨghɨ, mbɨ bɨrɨ naʼ mbɨ cherə ɨ bɔ, wɨ̀ sɨ berɨ mbɨ nɔʼ. Àyɨə we nɨ chəi wɨ̀ berɨ əghɨ, ka àbei ɨkə we nɨ wɨ̀ kɔndɨ ni tə berɨ, mbɨ bɨrɨ nɨŋ rɨ bɔ.”

Jn 10:16

Mə berɨ njɨ̀g rɨ cherə nɨ chəi ɨŋga əkad ə njɨ̀g zɔ̂. Mə berɨ bɨ nɨŋ njɨ̀g te yeʼe mbɨ rɨwən. Tɨ bɨrɨ zu mɨ gɨ̂, əne njɨ̀g te rɨ̀jìm bɨrɨ fɔtɨ ɨŋga əkad ə mɔʼ. Əne ənə̂ŋgɨ̀-njɨ̀g mɔʼ bɨrɨ nəŋgɨ mɨ̀mə̌d.

Jn 10:27

Tɨ njɨ̀g tɨə zu ənû ze nɨ mɨə ghàə̀. Mə kyerɨ tɨ njɨ̀g. Ɨ tɨə beenɨ əbɔʼ num.

Jn 5:25

Mə ghà rəsìʼ ɨ nən ni nyùmə̀ wɨə yeʼe, əne nyùmə̀ rəŋgu fə yeʼe i, nɨ ɨvɨ bə̂d bɨrɨ zu gɨ̂ Wan Ŋwìə̀. Mbe nɨ zu bɨrɨ wɨrɨ tènə̀.

Ɨ̀fàʼì 17:11

Mɨ̀Jû mbe rɨ ə Berià nyaʼa berɨ fîŋ chɔ̀m chè mbe rɨ ə Tèsàlonikà, ɨmbə̀ʼ ɨghəm nɨ mbɨ nyaʼa nɨŋ ɨŋgam Ŋwiə̀ ənɨ tə fîŋ rɨjìm. Ɨ mbɨə nyaʼə foŋ ɨŋgam Ŋwiə̀ ɨni jìm ɨ zə ni ɨnû mbe nɨ Pɔ̂l nyaʼə ghàə̀ kɨ ɨnû rəsìʼ ə?

2 Kɔrèn 9:6

Ənû ze nɨ mɨə ghàə̀ yɨ ni: Wə̀d we nɨ kon ɨghɨ rɨpiî, bɨrɨ bɨ kwəŋ ɨghɨ rɨpiî. We nɨ kon ɨghɨ nɔnɔʼ, bɨrɨ bɨ kwəŋ ɨghɨ nɔnɔʼ.

Mə̀Hibrù 2:1

Tɨ̀ jeŋgɨ zɨ̀ ətu ənɨ ɨnû mbe nɨ tɨ̀ fə zu, ɨmbə̀ʼ tɨ rɨ̀ saŋ a ɨnû mbe sɨə beenɨ yeʼ əbɔʼ ɨnû cherə.

1 Pità 2:2

Ɨghabɨ ə bɔn bɔd nɨə kɨrɨ nyɔŋ ɨbən, mbə kəb yeʼ ɨbən zeŋɨ we nɨ əzwî ə nàʼə̀, ɨmbə̀ʼ mbə mɨ nyɔŋ, mbə bɨrɨ kwi kàànɨ̀, Ŋwìə̀ chɨ̀ əwən rəŋgəʼ.

1 Jɔn 4:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.