Mk 3:10 - Meta’

¹⁰ Wɨ̀ nyaʼa fə vɨ̀ bə̂d mɨ̀nɔnɔʼ, əne əze ə nyaʼa ghɨ̀ ni bə̂d mɨ̀jìm mbe nɨ nyaʼa berɨ ɨwɔn zɔŋ nɨ betɨ əməd.

Ikan feg

¹⁰ Wì ya fə ghù bəd nɔʼ nɔʼ. Ane, ze ya ghì gha bəd məjìm mbe ne ya beri ighɔn se zɔ̀ŋɔ̀ ni bètì aməd imbə̀ʼ ìmbɔb ighɔn meghe.

Mk 3:10 ပူးပေါင်းရင်းမြစ်များ

Matìyò 12:15

Yeso nyaʼa kyerɨ ni ɨ mbɨ nyaʼə taŋ mɨnaŋ ɨgwɨ ni, əne wɨ̀ nyaʼa nɔ̀ʼ rɨ əsɨ ze. Bə̂d mɨ̀nɔnɔʼ nyaʼa beenɨ əbɔʼ məd, əne wɨ̀ nyaʼa vɨ̀ bə̂d əwɔn mɨjìm mbe nɨ nyaʼa əkaʼ mɨ̀mə̌d.

Matìyò 14:14

Ənɨ wɨ̀ nyaʼa jwɨ rɨŋga əbaŋ ɨgyɨ̀ ze wò əsaŋ, wɨ̀ nyaʼa zə bə̂d kwàʼ mɨ̀nɔnɔʼ. Ə̀kə̀n ə nyaʼa swi ɨŋga fîŋ məd ɨmbə̀ʼ bə̂d mbe, əne wɨ̀ nyaʼa vɨ̀ mbe nɨ nyaʼə wɔ̀nə̀.

Matìyò 14:36

Mbɨ nyaʼa buʼ ɨbɔ ɨ bɔ ni wɨ̀ saŋ bə̂d əwɔn mbe betɨ kaʼ àmei əchəŋ ə ngywɨ̌ əməd. Bə̂d mɨ̀jìm mbe nɨ nyaʼa betɨ ngywɨ̌ məd nyaʼa bɔtɨ.

Matìyò 4:23

Yeso nyaʼa ghanə yènə̀ ɨŋga Galiliî jìm. Wɨ̀ nyaʼə yènə̀ chwi ɨnû ɨŋga nəb tɨ ə̀kàtɨ̀ te rɨŋga ɨsɨ mbe, bə̀ yènə̀ ghà ɨkə̂n chɔ̀m ɨmbə̀ʼ ənû ɨfɔ̀n rɨkaŋ. Wɨ̀ nyaʼə bə̀ yènə̀ vɨ̀ə̀ tɨkwɨrɨ əwɔn jìm bə̀ vɨ̀ə̀ tɨkwɨrɨ ɨnɔʼɔ jìm.

Mk 5:34

Yeso nyaʼa zu əne ghà ɨ bɔ ni, “Wân, e ɨbenɨ fə ghɨ̀ ni à bɔtɨ e. Ndə̀ əwe ənɨ əbɔrəbɔd, e əwɔn ə fə mì i.”

Mk 6:56

Ɨsɨ jìm mbe nɨ wɨ̀ nyaʼa wo əŋgu, əne yɨ ɨŋga ɨsɨ kwa bə̀ fɔrɨ ɨŋga ɨsɨ kyeŋ, kɨ̀ ɨŋga ɨsɨ mbe nɨ nyaʼa ɨban ɨban, bə̂d nyaʼə wò nùŋə̀ mbə bə̂d əwɔn ɨsam mɨwin əne buʼ ɨbɔ ɨ bɔ ni wɨ̀ saŋ bə̂d əwɔn mbe betɨ kaʼ àmei əchəŋ ə ngywɨ̌ əməd. Bə̂d mɨ̀jìm mbe nɨ nyaʼa betɨ ngywɨ̌ məd nyaʼa bɔtɨ.

Mk 8:22

Yeso mbɨ mbi mə̀mə̀ə̀nɨ̀-ɨnû nyaʼa wò ə Bètsaidà. Ənɨ mbɨ nyaʼa əŋgu, bə̂d mɔʼɔ nyaʼa wò əsɨ məd mbɨ ə mbaŋə̀ nɨ nyaʼa fɨgə. Mbɨ nyaʼa pè buʼ ɨbɔ ɨ bɔ ni wɨ̀ betɨ mbaŋə̀ ze.

Lk 5:3

Wɨ̀ nyaʼa nyɨ ɨŋga əbaŋ ə mɔʼɔ, nɨ nyaʼə əzɨ ə Saimòn. Wɨ̀ nyaʼa nyɨ əne ghà əmbɨ Saimòn ni wɨ̀ tin əbaŋ ze nɔ̀ʼ rɨ əŋgo ə sà wò ɨŋga rɨpiî. Wɨ̀ nyaʼa chub ɨŋga kɔ chwi ɨnû əmbɨ ə bə̂d.

Lk 6:19

Ɨnɔ̂n bə̂d we jìm nyaʼa wɨə kə̀b betɨ əməd, ɨmbə̀ʼ ɨghəm nɨ ɨka wɨə nyaʼə jwɨ̀ rɨ ənɨ məd vɨ̀ə̀ mɨ̀mə̌d mɨjìm.

Lk 7:2

Ətu ɨgwɨ mɨ̀sɔgyɨ̀ ɨkɨ fibɨ̀ nyaʼa berɨ i wə̀d ə̀fàʼì nɨ nyaʼə wɔ̀nə̀ sɨə wo kwɨ. Wɨ̀ nyaʼa ghaʼ wə̀d ə̀fàʼì we kwàʼ rɨŋgəʼ.

Lk 7:21

Àmei ənɨ ə nyùmə̀ we, Yeso nyaʼa vɨ̀ bə̂d mɨ̀nɔnɔʼ nɨ nyaʼə wɔ̀n tɨkwɨrɨ ɨwɔn nɔnɔʼ, wɨ̀ nyaʼa chɨ̀ ɨzwî rɨbɔ̀ŋ bə̀ ghɨ̀ ni mɨfɨgɨ̀ nɔnɔʼ zə ɨsɨ.

Ɨ̀fàʼì 5:15

Ɨnû yiirɨ mbe nɨ bə̂d tom Kristo nyaʼə ghɨ̀ə̀, nyaʼa ghɨ̀ ni bə̂d beʼ mbə bə̂d əwɔn wò nùŋ ɨgun mɨkon fɔrɨ ɨgun mɨmatə̀ ɨban ɨnə̂njɨ̀, ɨmbə̀ʼ ənɨ Pità ə chèə̀, əzîŋ əməd ə ze tɨ̀ zɨə chè ɨgwɨ mbɨ mɔʼɔ, vɨ̀ mɨ̀mə̌d.

Mə̀Hibrù 12:6

ɨmbə̀ʼ ɨghəm nɨ Ŋwìə̀ wɨə chəə wə̀d jìm we nɨ wɨ̀ ghaʼi. Ɨ wɨə bə̀ chəə wə̀d jìm we nɨ wɨ̀ ben ni à yɨ i wan.”