Mk 14:54 - Meta’

⁵⁴ Pità wɨə nyaʼə beenɨ əbɔʼ məd tɨgharɨgha. Wɨ̀ nyaʼa pè nyɨ ɨkye ɨkam ətu ɨgwɨ ə bə̂d mbàn Ŋwìə̀ we əne chubɨ mbɨ Mənə̂ŋgɨ̀ mbàn Ŋwìə̀ ɨ zɔ ɨwid.

Ikan feg

⁵⁴ Pità ya beni abɔ̀ʼ məd, si ya gha, chəyi wì yaya yḛ̀ kwàʼ ibo anjìm. Wì ya nyi inga ikam abə atog wə̀d igun bəd mbàn Ŋwiye we, si chughi tì sogyì mbe ne nə̀ngə mbàn Ŋwiye ni zɔ iywid.

Mk 14:54 ပူးပေါင်းရင်းမြစ်များ

Matìyò 26:3

À nyaʼa ənɨ ə nyùmə̀ we, bə̂d kyeŋ mbe rɨ ə mbàn Ŋwìə̀ mbɨ ə bə̂d kyeŋ mbe rɨŋga əbeŋ nyaʼa wò nàànɨ̀ ɨŋga tɔʼ Kaifàs, nɨ nyaʼa ətu ɨgwɨ ə bə̂d mbàn Ŋwìə̀.

Matìyò 26:58

Pità wɨə nyaʼə beenɨ əbɔʼ məd tɨgharɨgha. Wɨ̀ nyaʼa beenɨ əne wò pè ɨchû ɨkam ətu ɨgwɨ ə bə̂d mbàn Ŋwìə̀ we. Wɨ̀ nyaʼa nyɨ ɨŋga ɨkam we wò chubɨ mbɨ mənə̂ŋgɨ̀ mbàn Ŋwìə̀ ɨmbə̀ʼ zə ɨnwǐ.

Mk 14:38

Mbə̀ chub ɨkyèʼe kɔŋgɨ ə Ŋwiə̀, ɨmbə̀ʼ tɨ əghɨ ə mɔʼɔ ə numbɨ i əwən. Fîŋ zɨə kàŋə̀ kə̀bə̀ ni mbə̀ ghɨ ənû nɨ kuʼnɨ, àyɨə nyamnyod ə bɔd.”

Mk 14:66

Pità nyaʼa chub ɨkye ɨkam we əbà ze rɨ əton, əne wan əyi mɔʼɔ rəbɔʼ bə̂d ə̀fàʼì ətu ɨgwɨ ə bə̂d mbàn Ŋwìə̀ nyaʼa wò əsɨ ze nɨ wɨ̀ nyaʼə əŋgu.

Lk 22:44

Ɨchî nɨ wɨ̀ nyaʼa ɨŋga ŋgəʼ kyeŋ, wɨ̀ nyaʼa jeŋgɨ kɔ̀ŋgɨ̀ ə Ŋwiə̀ ənɨ i fîŋ jìm. Mɨnimə məd mbɨə nyaʼə chəmbɨ ə si ɨghabɨ ənəm.]

Lk 22:54

Mbɨ nyaʼa gywɨ̀ ə Yeso wò mbɨ məd ɨŋga nəb ətu ɨgwɨ ə bə̂d mbàn Ŋwìə̀. Pità wɨə nyaʼə beenɨ əbɔʼ tɨgharɨgha.

Jn 18:18

Ɨfə wɨə nyaʼə kɔə, əne bə̂d ə̀fàʼì ətu ɨgwɨ ə bə̂d mbàn Ŋwìə̀ mbɨ ə bə̂d mbe nɨ nyaʼə nəŋgɨə mbàn Ŋwìə̀, nyaʼa nepɨ ɨwid kyi. Mbɨ nyaʼa nepɨ əne, təmbɨ ɨban ɨ zɔ ə. Pità nyaʼa bə̀ təm əbɔʼ mɨ̀mə̌d ɨ zɔ i.

Jn 18:25

Pità nyaʼa kɨrɨ təm əsɨ ze ɨ zɔ i. Əne bə̂d mɔʼɔ rəbɔʼ mbe nɨ nyaʼa əŋgu mbɨ məd nyaʼa biirɨ ɨ bɔ ni, “Ɨmbə̀ʼ àwɔ̀ yɨ bə ə̀mə̀ə̀nɨ̀-ɨnû mɔʼɔ rəbɔʼ mə̀mə̀ə̀nɨ̀-ɨnû mbaŋə̀ zɔ̂ ə?” Pità nyaʼa ton i ghà ni, “Chə̂, ka mə yɨ əmɨ wɨ mɔʼɔ rəbɔʼ mɨ̀mə̌d.”