Mk 14:41 - Meta’

⁴¹ Wɨ̀ nyaʼa bə̀ yì wò ənɨ ɨghəm nɨ pe tad, pè ghà əmbɨ mɨ̀mə̌d ni, “Mbə̀ kɨə kɨrɨ gwenə bə̀ zwììrɨ̀ əwən ə? Zɨə kuʼ əne. Nyùmə̀ fə kùʼ i. Mbɨ fə fèn Wan Wə̀d əmbɨ ə bə̂d nɨə ghɨ ɨnû rɨbɔ̀ŋ.

Ikan feg

⁴¹ Wì ya bə̀ ywìrì ghò ni chàʼra Ŋwiye ane aghəm ne pè atad. Wì ya bə̀ndì pè ghà inɔb gha, “Mbə kə kiri gwḛ bə̀ zwètè awən? Mbə̀ nɔ̀ʼɔ ane! Nyùmə̀ fə kòʼ. Mbi fə fèn Ŋwan Wə̀d abə bəd inug tibɔ̀ŋ.

Mk 14:41 ပူးပေါင်းရင်းမြစ်များ

Matìyò 26:2

“Mbə̀ fə kyerɨ ə ni à sɨ bùʼ ɨni be mbɨ jɨg Əchwɨ̂ ə Che-ɨgun, əne mbɨ bɨrɨ yim Wan Wə̀d nàʼ ni mbɨ kombɨ əzed ə baʼnɨ.”

Mk 14:10

Judàs Iskàriɔ̀t, nɨ nyaʼa wɨ mɔʼɔ rəbɔʼ mə̀mə̀ə̀nɨ̀-ɨnû Yeso mbe wum chɔ̀b rɨ̀be, nyaʼa wò əsɨ bə̂d kyeŋ mbe rɨ ə mbàn Ŋwìə̀ ɨmbə̀ʼ fen ə Yeso əmbɨ mɨ̀mə̌d.

Mk 14:18

Ənɨ mbɨ nyaʼə jɨgə, Yeso nyaʼa ghà ni, “Mə ghà rəsìʼ ɨ nən ni wə̀d mɔʼɔ rəbɔʼ nən bɨrɨ fen əmɨ. Təŋgàŋ yɨ we nɨə jɨgə mbɨ num.”

Mk 14:35

Wɨ̀ nyaʼa ghà əne, yèndɨ̀ wò ɨmbì rɨpiî, pè kub ɨfě ə si, kɔ kɔŋgɨ ə Ŋwìə̀ ghà ni, ɨchî mɨ chwiə, wɨ̀ ghɨ̀ ni nyùmə̀ ŋgəʼ we che rɨ ɨgwɨ ni.

Mk 14:40

Wɨ̀ nyaʼa bə̀ yì bə̀ndɨ̀ wò pè zə mɨ̀mə̌d ənɨ mbɨ nyaʼə gwenə. Ɨ mbɨə nyaʼə gwen ɨmbə̀ʼ ɨghəm nɨ ŋgwenɨ nyaʼa fə kən chìŋ mɨ̀mə̌d əku. Əne chəi mbɨ nyaʼa kyerɨ ənû nɨ wiirɨ ɨ bɔ.

Mk 14:42

Mbə̀ nɔʼ tɨ̀ kɔ wo. Mbə̀ zə, wə̀d we nɨ fen əmɨ fə sɨ i əgha.”

Mk 7:9

Wɨ̀ nyaʼa yì ghà əmbɨ mɨ̀mə̌d ni, “Mbə berɨ ɨchî chɔ̀m nɨ ton tɨkə rɨ Ŋwiə̀ ɨmbə̀ʼ nuŋ yeʼ mbə mɨchî əbeŋ!

Mk 9:31

Wɨ̀ nyaʼa ghɨ̀ əne ɨmbə̀ʼ ɨghəm nɨ wɨ̀ nyaʼə chwi ɨnû əmbɨ mbi mə̀mə̀ə̀nɨ̀-ɨnû ni, “Mbɨ bɨrɨ fen Wan Wə̀d əmbɨ ə bə̂d, mbɨ zwiirɨ əməd, àyɨə ɨni nɨə chè ɨtad, wɨ̀ wɨrɨ zwemə.”

Jn 12:23

Yeso nyaʼa wììrɨ̀ əmbɨ mɨ̀mə̌d ni, “Nyùmə̀ fə kùʼi nɨ Ŋwìə̀ bɨrɨ ghɨ ni mbɨ wumnɨ Wan Wə̀d.

Jn 12:27

Yeso nyaʼa ghà ni, “Tɨ̀nîn mɨ fîŋ zɨə tɔb əmɨ. Mə kɨə wo gha ni yè ə? Tɨ̀ mə ghà ni, mɨ Mbǎʼ, tɨrə̀ ben e ni nyùmə̀ wɔ̂ yeʼe ɨgwɨ num ə? Chə̂, mə nyaʼa yeʼe ɨmbə̀ʼ nyùmə̀ wɔ̂.

Jn 17:1

Ənɨ Yeso nyaʼa fə gha ɨnû mbɔ̂, wɨ̀ nyaʼa nèŋ ɨkaŋ ghà ni, “Mɨ Mbǎʼ, nyùmə̀ fə kuʼi. Wumnɨ e Wan, ɨmbə̀ʼ e Wan bə̀ wumnɨ əwe.

Jn 7:30

Ənɨ wɨ̀ nyaʼa gha əne, mbɨ nyaʼa kə̀b gywɨ əməd, àyɨə chəi wə̀d mɔʼɔ nyaʼa yim əməd, ɨmbə̀ʼ ɨghəm nɨ chəi nyùmə̀ nɨ mbɨ nyaʼa berɨ gywɨ əməd nyaʼa kɨrɨ kuʼ.

Jn 8:20

Yeso nyaʼa ghà ənû zɔ̂ ənɨ wɨ̀ nyaʼə chwi ɨnû ɨŋga mbàn Ŋwìə̀, əsɨ ze nɨ mbɨ nyaʼə màʼ ɨkab. Chəi wə̀d mɔʼɔ nyaʼa gywɨ əməd, ɨmbə̀ʼ ɨghəm nɨ chəi nyùmə̀ we nɨ njɨ mbɨ nyaʼa gywɨ̀ əməd nyaʼa kɨrɨ kuʼ.

Ɨ̀fàʼì 7:52

À kɨə wə̀d ɨ̀kə̀n Ŋwìə̀ wi nɨ chəi mbə mɨ̀mbǎʼ rəŋwe nyaʼa nwendɨ tɨkyerɨ-ɨwu məd ə? Mbɨ nyaʼa zwiirɨ bə̂d mbe nɨ nyaʼa be ghà ni Wə̀d we nɨə ghɨ̀ ɨnû nɨ kùʼnɨ̀ bɨrɨ yeʼe. Tɨ̀nîn mbə fə fèn əməd mbɨ zwiirɨ.