Mk 11:32 - Meta’

³² Tɨ̀ wa ghà ni, 'À yɨə bə̂d'…” Ɨ mbɨə nyaʼə bɔə bə̂d mbe ɨmbə̀ʼ ɨghəm nɨ mbɨ nyaʼa ben ni Jɔ̌n yɨə nyaʼə wə̀d ɨ̀kə̀n Ŋwìə̀ rəsìʼ.

Ikan feg

³² Tì mə bə̀ gha, ‹À ya bəd…›” (Mbɔb yaya bɔ bəd mbe imbə̀ʼ icheg ne bəd məjìm yaya bḛ gha Jɔn ya kwàʼ wə̀dkə̀n Ŋwiye tesiʼ.)

Mk 11:32 ပူးပေါင်းရင်းမြစ်များ

Matìyò 11:9

Mbə nyaʼa kaŋ jwɨ̀ wo zə ye ə? Mbə wa nyaʼa jwɨ̀ wo zə wə̀d ɨ̀kə̀n Ŋwìə̀ ə? Ee, mə ghà ɨ nən ni mbə nyaʼa zə wə̀d we nɨ che wə̀d ɨ̀kə̀n Ŋwìə̀.

Matìyò 14:5

Əne Herɔ̀d wɨə nyaʼə kə̀bə̀ ni njɨ tə zwiirɨ əməd, àyɨə ɨ wɨə nyaʼə bɔə bə̂d, ɨmbə̀ʼ ɨghəm nɨ mbɨ nyaʼa ben ni Jɔ̌n yɨə nyaʼə wə̀d ɨ̀kə̀n Ŋwìə̀.

Matìyò 21:46

Əne ɨ mbɨ nyaʼa kəb gywɨ əməd, àyɨə ɨ mbɨ nyaʼa bɔ ɨnɔ̂n bə̂d we, ɨmbə̀ʼ ɨghəm nɨ mbɨ nyaʼa ben ni məd yɨə wə̀d ɨ̀kə̀n Ŋwìə̀.

Mk 11:31

Mbɨ nyaʼa kɔ tàŋɨ mbənə mbənə ghàə̀ ni, “Tɨ̀ mɨ ghà ni, 'À yɨə Ŋwiə̀', wɨ̀ bɨrɨ biirɨ ɨ na ni, 'À nɨə yeʼ əne, njɨ chəi mbə̀ nyaʼa ben əməd ɨmbə̀ʼ ə yè ə?'

Mk 11:33

Əne mbɨ nyaʼa wììrɨ̀ əmbɨ Yeso ni, “Chəi tɨ̀ kyerɨ.” Yeso nyaʼa bə̀ ghà əmbɨ mɨ̀mə̌d ni, “Chəi mə bɨrɨ bɨ ghà wə̀d we nɨ naʼ ɨka ɨ num ni mə̀ ghɨ ɨnû mbɔ̂.”

Mk 12:12

Bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa zu əne, kəb gywɨ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən. Àyɨə mbɨ nyaʼa bɔ bə̂d mɨ̀nɔnɔʼ mbe. Əne mbɨ nyaʼa sàŋ əməd nɔ̀ʼ wò əwən.

Mk 6:20

ɨmbə̀ʼ ɨghəm nɨ Herɔ̀d wɨə nyaʼə bɔ ə Jɔ̌n. Wɨ̀ nyaʼa kyerɨ ni Jɔ̌n yɨə wə̀d zeŋɨ fɔrɨ ni ɨ wɨə nyaʼə ghɨ̀ ɨnû nɨ kuʼnɨ. Əne ɨ wɨə nyaʼə nə̀ŋgɨ əməd ni tɨ ənû ə mɔʼɔ ə ghɨ i ənɨ məd. Ɨ wɨə nyaʼə kàŋə̀ ghaʼə nɨ zu ɨnû mbe nɨ Jɔ̌n nyaʼə ghàə̀, àyɨə wɨ̀ nyaʼa mɨ zu, fîŋ tɔb əməd kwàʼ rɨŋgəʼ.

Lk 20:19

Məchwiə̀ rɨ̀kə̌ mbɨ ə bə̂d kyeŋ mbe rɨ ə mbàn Ŋwìə̀ mbɨə nyaʼa kə̀b ni njɨ mbə gywɨ̀ ə Yeso ənɨ nyùmə̀ we, àyɨə ɨ mbɨ nyaʼə bɔə ni bə̂d bɨrɨ bu əchɔb. Ɨ mbɨə nyaʼa kəb gywɨ̀ əməd ɨmbə̀ʼ ɨghəm nɨ mbɨ nyaʼa kyerɨ ni ɨ wɨə nyaʼə ghà ənû ə mɨgɨ ze ɨmbə̀ʼ əwən.

Lk 22:2

bə̂d kyeŋ mbe rɨ ə mbàn Ŋwìə̀ mbɨ məchwiə̀ rɨ̀kə̌ nyaʼa kɔ kə̀b ɨnə̂njɨ̀ nɨ zwiirɨ ə Yeso ənjìm ənjìm. Mbɨ nyaʼa kəb zwiirɨ əməd ənjìm ənjìm ɨmbə̀ʼ ɨghəm nɨ ɨ mbɨə nyaʼə bɔə ni bə̂d bɨrɨ bu əchɔb.

Jn 10:41

Bə̂d mɨ̀nɔnɔʼ nyaʼa wò əsɨ məd. Mbɨ nyaʼə ghàə̀ mbənə mbənə ni, “Chəi Jɔ̌n nyaʼa ghɨ ɨnû yiirɨ mɔʼɔ, àyɨə ɨnû jìm mbe nɨ wɨ̀ nyaʼa ghǎ ɨmbə̀ʼ mbaŋə̀ zɔ̂ yɨ ɨnû rəsìʼ.”

Ɨ̀fàʼì 5:26

Ənɨ mbɨ nyaʼa zu əne, ətu ɨgwɨ mɨ̀sɔgyɨ̀ nyaʼa wò mbɨ mbi mɨ̀sɔgyɨ̀, pè nɨŋ mɨ̀mə̌d wò mbɨ mbɨwən. Chəi mbɨ nyaʼa nɨŋ mɨ̀mə̌d ənɨ ɨka, ɨmbə̀ʼ ɨghəm nɨ ɨ mbɨə nyaʼə bɔə ni bə̂d mbe bɨrɨ tumbɨ əwən ənɨ əti.